Odheai 9

Devache Chakor Nitoll Assunk Zai

Soglea vattanim ami kiteak lagon nitoll asunk zai? (1)

Atmik ponnim nitoll aschem munche kitem? (2)

noitik ponnim nitoll? (3) manasik ponnim nitoll? (4) xaririk ponnim nitoll? (5)

Coslea torinchem mhellem ulounnem ami advarunk zai? (6)

1. Jehovah Dev nitoll ani povitr asa. To tachea bhoktank nitoll ravunk apekxa corta—atmik, naitik, manasik, ani xaririk ritin. (1 Pedru 1:16) Devachea nodren nitoll ravunk khoreponni proyotn corunk podta. Ami eka bhurxa sounsarant jientão. Anikui amcam amchea khottem corpachea sotachea vondavonnichea virodh loddai corunk podta. Punn ami soddun sandchem nhoi.

2. Atmik nitollkai: Amcam zor tor Jehovachi bhokti corunk zai, ami khottea dhormanchea khuinchai xicounnenk vo chaliritink ghott dhorun ravunk zainam. Ami khottea dhormantule bhair soronk zai ani khuinchai vatten taka tenko dinvcho nhoi. (2 Korintkarank 6:14-18; Prokasnni 18:4) Jednam ami êk pauttim ami Deva vixant soth xinktão, tednam ami chotur asonk zai qui khotteponn xicoitat tea lokanim amcam fottoinam zaunk.—2 Juanv 10, 11.

3. Noitik Nitollkai: Jehovak tachea bhoktamnim soglea vellar khore Kristão  oxe vaglole zai. (1 Pedru 2:12) Soglem kitem ami, gupit ponni passun, cortão tem to polloita. (Hebrevank 4:13) Ami loingik pozodponn ani hea sounsarachim dusrim mhellim camam advarunk zai.—1 Korintkarank 6:9-11.

4. Manasik Nitollkai: Zor tor amchim monam ami nitoll, nirmoll chintnanim bhortão, amchi chal passun nitoll zatoli. (Filipkarank 4:8) Punn zor tor ami mhellea vostuncher mon dovortão, tacho porinnam khottea cortubant zatolo. (Matev 15:18-20) Amchem mon goliz corta teo manoranjan riti ami advarunk zai. Devacho sôbd obhyas corun nitoll chintnanim amchim monam ami bhorunk soktão.

5. Xaririk Nitollkai: Karann te Devache protinidhiponn cortat, decun Kristãvani tanchi cudd ani nesonn nitoll dovorunk zai. Kakus upeg kelea uprant amche hath ami dhuvunk zai, ani tankam ami dhuvunk zai jevonn jevchea vo girasachi vondavonn corchea adim. Zor tor amchexim sarki gottor sodpachi mandavoll nam, tor kakus mhell purun ghalunk zai. (Dusri Somurt 23:12, 13) Xaririk ritin nitoll dovorlear bore bholaikek pavoita. Êka Kristãvanchem ghor donui vatten bhitor ani bhair netkem ani nitoll asonk zai. Avat somazant tem êk borem udaharann munnon uronk zai.

6. Nitoll Ulvonnem: Devachea chacoranim sodanch soth ulovunk zai. Devachea Razvotkent fotkire bhitor sorche nant. (Efezkarank 4:25; Prokasnni 21:8) Kristão vaxtt bhas upeg corinant. Te mhellim focandam vo bhursheo kannio aiconant vo sangonant. Tanchea nitoll ulvonneank lagon, te kamacher vo iscolant ani xezarak kherit munnon dacoitat.—Efezkarank 4:29, 31; 5:3.

[Pan 18, 19-acher chitr polloiat]

Devache chakor soglea zinsanim nitoll asonk zai