Odheai 16

Devachi Chakri Corunk Tuzo Tharav

Devacho ixtt zavunk tuvem kitem corunk zai? (1, 2)

Devak tujem somorponn tum coxem cortolo? (1)

Kednam tuvem baltim gheuncho? (2)

Devak visvaxi raunk tum coxi sokot zodun gheunk soktai? (3)

1. Devacho ixtt zavonk, tuvem Bibliachem borem ginyan ghevunk (1 Timotak 2:3, 4), tuvem xinclolea vixeancher bhavarth dovorunk (Hebrevank 11:6), tuzim patkam pirachit karunk (Dhormodutancho Itihas 17:30, 31), ani tuzi jivitachi chal ghunvdavunk zaich. (Dhormodutancho Itihas 3:19) Tea uprant Deva passot aslolea tujea mogan taka somorponn corunk tuka chollounk zai. Tem munche qui eka sonth, khazgi magnneant tum taka sangtai qui tum apnnak tachi khoxi corunk ditai.—Matev 16:24; 22:37.

2. Devak tuvem somorponn kelea uprant, tuvem Baltim gheunk zai. (Matev 28:19, 20) Baltim zonn ekleak collit corta qui tuvem apnnak Jehovak somorpann kela. Teapassot ze conn Devachi chakri corcho nirnnoy corunk pure pirayeche asat focot tanka Baltim zavun asa. Zednam ek munis baltim gheta, tachi sompurnn cudd khinnapurthi udka khala ghalunk zai. *—Mark 1:9, 10; Dhormodutancho Itihas 8:36.

3. Tuvem somorponn kelea uprant Jehovah axeta qui tuvem tujea vochonam pormonnem jieuchem. (Stotram 50:14; Upodexoc 5:4, 5) Jehovachi chakri corchea thaun Soitan tuca thambovunk proyotn cortolo. (1 Pedru 5:8) Punn magnnea thaun Devachea lagim eio. (Filipkarank 4:6, 7) Dor êk disak tachea sôbdacho abhyas kor. (Stotram 1:1-3) Sobhelagim doson rav. (Hebrevank 13:17) Hem soglem corun, Devak visvaxi ravunk tum sokot mellovn ghetoloi. Hea porim sodam sorvodha Dev tujea thaun kitem magta tem tum corunk soktoloi!

[Futtnott]