Odheai 15

Devachi Khoxi Corunk Dusreank Mozot Corop

Tum kitem xinktai tea vixant dusreank kiteak sangchem? (1)

Connam sangatak tum bori khobor vanttonk soktai? (2)

Tujea chollounnikicho coslo porinnam dusreamcher zaunk sokta? (2)

Sobhe sangatak kednam tum porgott corunk soktai? (3)

1. Atam poriant tuvem Biblia thaun zaiteo boreo vostu xincleo. Hea ginyanan tuka êk Kristão munisponn vossouncheak cholounk zai. (Efezkarank 4:22-24) Tuvem sasnnanchi jeenn zoddunk oslem ginyan tatvik asa. (Juanv 17:3) Torui astana, dusreanim passun bori khobor aicunk goroz asa kiteak mutlear tancho passun bochav zavun sokta. Soglea khorea Kristãvanim dusreank porgott corunk zai. To Devacho hukum.—Romkarank 10:10; 1 Korintkarank 9:16; 1 Timotak 4:16.

2. Boreo vostu zeo tum xinctai teo tujea degek asloleaxim vattonk tujean suruvat corunk eta. Tujea kuttumbhak, ixttank, iscol sangatheank, ani vaur sangatheank sang. Hem corta astanam doiall ani sosnnikaecho zau. (2 Timotak 2:24, 25) Eklo kitem sangta tem tannem aicounchea poros lok ghodienghodi ekleachea cholavnnukicher chod polloita tem ugdas dovor.—Matev 5:16; 1 Pedru 3:1, 2, 16.

3. Vell pavtogoch, Jehovahchea Sakxanchea ganvchea sobhe sangatak porgott corunk tum ghoddie gunnest ghodtoloi. To tuzea progothint êk mhotvacho paunddo asa. (Matev 24:14) Kitlo sontos zait zor tor tuvem connaim ekleak Jehovacho chakor zaunk ani sasnnanchi jeen melloun ghevunk mozot corunk tankot zalear!—1 Tesalonikkarank 2:19, 20.