Odheai 8

Devak Khuxi Corta Tem Kuttumbh Jivit

Kuttumbhant ghovachi stiti kitem? (1)

Êka ghovan aplea bailek coxem vagoichem? (2)

Êka bapaik kitem zababdari asa? (3)

Kuttumbhant bailechi kamgiri kitem? (4)

Mai-pae thaun ani bhurguiam thaun Dev kitem magta? (5)

Vegllachar ani ghattaspott hea vixant Bibliachi dixtt kitem? (6, 7)

1. Biblia sangta qui ghov kuttumbhacho mostok. (1 Korintkarank 11:3) Êka ghovak êkuch bail asonk zai. Tim caidheachea nodren moriadhen cazar zalolim assonk zai.—1 Timotak 3:2; Titak 3:1.

2. Apnnancho mog corta tossoch êka ghovan tachea bailecho mog corunk zavo. Jezun tachea patlavdarank coxem vagoilem tossench tannem tika vagounk zai. (Efezkarank 5:25, 28, 29) Tannem kednanch tachea bailek marchem vo khuinchach vatten vaxtt vagoichem nhoi. Bogor, tannem tika man ani respet dacounk zavo.—Koloskarank 3:19; 1 Pedru 3:7.

3. Aplea kuttumbhachi callzi ghevunk lagon êka bapaen tokos ghevun kam corunk zai. Tachea bailek ani bhurgeank tannem jevonn, nessonn, ani ghorder divunk zai. Êka bapaen tachea kuttumbhachi atmik goroz purvotto corunk zai. (1 Timotak 5:8) Devachi ani tachea udhexavixant xicoun ghevunk tachea kuttumbhak mozot corunk to fudakar gheta.—Dusri Somurt 6:4-9; Efezkarank 6:4.

4. Êk bail tichea ghovak êk bori xeratinn asonk zai. (Utpoti 2:18) Tinnem tichea ghovak tanchea bhurgeank xicounk ani tarbet corunk adar diunk zai. (Mhonnʼnneo 1:8) Êka bailen tichea kuttumbhachi callzi mogan gheuchi axem Jehovah magta. (Mhonnʼnneo 31:10, 15, 26, 27; Titak 2:4, 5) Tichea ghovak ticho gunddaecho respet asunk zai.—Efezkarank 5:22, 23, 33.

 5. Tanchea mai-paek bhurgeanim khalti zalolem Dev magta. (Efezkarank 6:1-3) Mai-paen tanchea bhurgeank suchovunk ani nittaer ghalunk Devachi apekxa asa. Mai-paen tanchea bhurgeam sangatak Biblia abhyas corunk, tanchea atmik ani manasik gorzanchi callzi ghevunk vell khorchunchi goroz asa. (Dusri Somurt 11:18, 19; Mhonnʼnneo 22:6, 15) Mai-pean tachea bhurgeank kedinch cottin vo krur ritin xist divunk nozo.—Koloskarank 3:21.

6. Zednam cazari sangateank ektaim ravonk somoxa eta, tannim Bibliachi budhball laun ghevunk proyotn corunk zai. Biblia amcam boll corta mog dacounk ani bhogsunk. (Koloskarank 3:12-14) Kirkoll somoxa sodovunk lagon Devacho sôbd vegllacharak urba dinam. Punn êk bail tichea ghovak soddunk vinchta, zor (1) to darruncaen tachea kuttumbhak samballunk innkar corta, (2) to itlo markuro asa qui tichi bholaiki ani jivit soncoxttant asat, vo (3) tacho otyant virodh tika Jehovachi bhokti corunk osadhya corta.—1 Korintkarank 7:12, 13.

7. Kazari sangathi êka mekak visvaxi asunk zai. Devachea virodhak ani êkleachea sangathea virodhak produvar êk patok zaun asa. (Hebrevank 13:4) Cazara bhailo loingik somondh ghattaspottak êkuch xastriy buniyadh asa zi porot cazar zaunk suttavem corta. (Matev 19:6-9; Romkarank 7:2, 3) Zednam lok Dev vochonanchea buniadhe bogor ghottospott ghetat ani connam dusrea lagim cazar zatat tednam Jehovah tem dusvas corta.—Malakias 2:14-16.

[Pan 16, 17-acher chitr polloiat]

Mai-paen tanchea bhurgeank suchana diunchi ani nittaer hadchem oxem Dev apekxa corta

[Pan 17-acher chitr polloiat]

Êk mogall bapui tachea kuttumbhak bhoutik ani atmik purvotto corta