Odheai 14

Jehovahche Sakxi Coxe Songhotith Asat

Kednam Jehovahchea Sakxanchi adhunik survat zali? (1)

Jehovahchea Sakxanche mellave coxe zatat? (2)

Khorch coso sambhalltat? (3)

Dor êk sobhent conn fudakar ghetat? (4)

Dor êk vorsak khuinche vodd mellave dovortat? (5)

Tanchea mucom cocherint ani fantte cocherint kitem vaur cortat? (6)

1. Jehovahchea Sakxanim tanchi adhunik suruvat 1870 chea doxoca thaun keli. Poilem tanka Biblia Xinknnar munttale. Punn 1931 salant tannim Povitr Vochonatulem não Jehovahche Sakxi munnon apnnailem. (Izaias 43:10) Lhan suruvate thaun ti sounstha lakhanim Sakxi itli vadli, ze aiz 230 chod desant porgott corchea kamar asat.

2. Chodxa Jehovahchea Sakxanchea Sobhant êka hopteak teen pautim mellave astat. Hantun khonchai mellaveak hazir raucheak amontronn asa. (Hebrevank 10:24, 25) Zem kitem xincoitat taka Biblia hi buniyadh zaun asa. Mellaveachi suruvat ani xevott magnneam udexim cortat. Ontoskornank lagtat toslim “atmik gayanam” passun zaitea mellaveant munttat. (Efezkarank 5:18, 19) Rig funkott asa, ani vorgonnim ghenant.—Matev 10:8.

3. Chodxeo sobha tanche mellave eka Raj Ghorant ghetat. Him sadhim bandhpam swoyomsevak Sakxanim bandhleat. Raj Ghorant tumcam imajeo, khursar khillaileli cudd, vo osleoxeo vostu pollounk mevcheo nant.  Khorch swoyomsevak denngen farik cortat. Zanka denngi divunk khoxi asa, thuim êk dennge pettul asta.—2 Korintkarank 9:7.

4. Dor êk sobhent, mhalgodde vo melvicharak asat. Te sobhent xincounk fudakar ghetat. (1 Timotak 3:1-7; 5:17) Tankam xusruxa sevok cumok cortat. (1 Timotak 3:8-10, 12, 13) He munis sobhentlea dusream poros unch ubarlole nant. (2 Korintkarank 1:24) Tankam vixex kitabam dinant. (Matev 23:8-10) Te dusream poros kherit nesonant. Nhoim tankam tanchea kamank lagon mazuri farik cortat. Mhalgodde khoxen sobhecheo atmik gorzeo samballtat. Coxtanchea vellar te bhuzvonn diunk ani vatt dacounk soktat.—Jacob 5:14-16; 1 Pedru 5:2, 3.

5. Jehovache Sakxi dor vorsak hod sammellanam vo adhivexanam passun cortat. Hea vellar eka Biblia suchonnechea vixex caryavollik zaiteo sobha ekvott zatat. Dor êk sammellanant vo adhivexanant novea xisancho Baltim caryavollicho bhag zaun asa.—Matev 3:13-17; 28:19, 20.

6. Jehovachea Sakxanchi antorrashtriy mucom cocheri New Yorkan asa. Thinga carbhari mondoll asa, onubhovi mhalgoddeancho modegodcho zomo zo sounsarbhorcheo sobha raibharta. Sounsara bhountek 100 fante cocherio asat. Hea zaguancher swoyonsevak Biblia pustokam chapunk ani bhair dhaddunk mozot cortat. Porgott kam mandavolunk cholaunnim passun ditat. Tuka laginch asa tea fante cocherik bhet diunk tum kiteak madnnim corinaim?