Odheai 3

Jezu Krist Conn?

Kiteak lagon Jezuk mutla Devacho “mhalgoddo” Put? (1)

Kiteak lagon taka “Sôbd” mutla? (1)

Êk munis zavun Jezu kiteak lagon prithumir ailo? (2-4)

Kiteak lagon tannem vismitam kelim? (5)

Laginchea bhovix callant Jezu kitem cortolo? (6)

1. Prithumir eunchea adim Jezu atmik oxami ason sorgar ravtalo. To Devachi poili rochnnam aslolo ani teapasot taka Devacho “mhalgoddo” put munntat. (Koloskarank 1:15; Prokasnni 3:14) Sota Devan rochlolo put zavn asa focot Jezu. Jehovan munis ponnanchea adlea Jezuk, “cuxal karagir” aso sorgar ani prithumir sogleo dusreo vostu rochunk upeg kelo. (Mhonnʼnneo 8:22-31; Koloskarank 1:16, 17) Devan taka tacho mukhel boli cornar munn upeg pasun kelo. Tea pasot Jezuk “Sôbd” munttat.—Juanv 1:1-3; Prokasnni 19:13.

2. Devan aplea putak prithumir dhadlo bodli corun tachem jivit Moriechea cusveant. Decun Jezuk êk munis bapui nam. Tea pasot kitench patok vo unneponn tannem daizunk naslolem. Devan Jezuk teen karannank lagon prithumicher dhadlo. (1) Devachea vixant amcam soth xincovunk (Juanv 18:37), (2) Paripurnn patiennim samballun, patlav corche passot amcam êk dekh purvottunk (1 Pedru 2:21), ani (3) Amcam patkantule ani mornantule soddouncheak tacho jiu bolidan corunk. Hachi kitem goroz asloli?—Matev 20:28.

3. Devacho hukum zidkarun, Poilo munis, Adam, adarta zoxem Biblia munnta “patok.” Tea pasot Devan taka moronn formailem. (Utpoti 3:17-19) Devachea mapak to zoconk nam, decun to paripurnn uronkuch nam. Soukasaen to mhataro zalo ani melo. Adaman tachea soglea bhurgeank patok rigoilem. Tea pasot ami pasun mhatare zatão, duent podtão, ani mortão. Munxacull coxem bachavunk zatolem?—Romkarank 3:23; 5:12.

 4. Adama bassenuch Jezu êk paripurnn munis aslolo. Adama baxen nhoi, Jezu Devak paripurnn ponni khalto ravlo hodant hod porikxent pasun. Tea pasot tacho paripurnn jiu Adamachea patkak lagon bolidan farik corunk taka zalem. Tem asa kitem Biblia nirpita toxem “Sodvonn.” Heaporim Adamanchim bhurgim mornnanchea xikxechea formonnam thaun suttka zalim. Ze conn Jezucher visvas dovortat tanchim patkam bhogsotolim ani sasnnanchi jeen meuteli.—1 Timotak 2:5, 6; Juanv 3:16; Romkarank 5:18, 19.

5. Prithumicher aslolo tednam Jezun piddevontank borem kelem, bhukelleank bhoroilem, ani tufan thond kelem. Tannem meloleank pasun utoile. Tannem vismitam kiteak kelim? (1) Ze conn lok coxtoutale tanchi kakut taka aili, ani tancam mozot corunk taka zai aslolem. (2) Tachea vismitamni xabit kelem qui to Devacho Put munnon. (3) Tannim dacoilem qui zednam to prithumicher Raz cartolo tednam khalti munxacullak kitem cortolo.—Matev 14:14; Mark 2:10-12; Juanv 5:28, 29.

6. Jezu melo ani taka Devan punorzivont kelo êk atmik jivall, ani to sorgar portolo. (1 Pedru 3:18) Tednam thaun, Devan taka êk Raza kelo. Jezu soglem khoteponn ani coxtt begginunch hea prithumi thaun cadtolo.—Stotram 37:9-11; Mhonnʼnneo 2:21, 22.

[Pan 7-acher chitr polloiat]

Jezuchea chakrient xicounnchem, vismitam corchem, ani tacho jiu amchea passot diupachem samavlelem asa