Odheai 12

Jivitak ani Rogtak Respet Dacoup

Ami coxi dixtt dovorchi jivitacher? (1) gorbpatacher? (1)

Sugur motiche asat munnon Kristãvanim coxem dacounchem? (2)

Monzatink jivexim marop chukichem cai? (3)

Thodeo sonvoiom jeo jivitak respet dacoinant teo khuincheo? (4)

Rogta vixim Devacho caido kitem asa? (5)

Hatunt rogot sanyojan attapla cai? (6)

1. Jehovah vortouta jivitachi zor. Sogleo jivont vostu tanchem jivit Devak devo zatat. (Stotram 36:9) Devak jivit povitr asa. Tachea maichea bhitor asun, zolmonk naslolea êka bhurgeachem jivit Devak molachem asa. Devachea nodrem oslea vadtea ballokak bolliam jivexim marop chuk asa.—Suttka 21:22, 23; Stotram 127:3.

2. Khore Kristão zaun asat sugur motiche. Tanchim motoram ani tanchim ghoram sugur asat munnon te khatri corun ghetat. (Dusri Somurt 22:8) Focot khuxalcaek vo uttavnnenk lagon Devache chacor gorzeviret zocom gheinant. Teapassot te zulmi khellant ze bolliam dusrea locak iza cortat tantunt vantto ghenant. Modfod corunk urba dita tim manoranjanam te talltat.—Stotram 11:5; Juanv 13:35.

3. Rochnarak monzaticho jiu passun povitr asa. Eka Kristãvan jevonn  purvotto corunk ani nessonn diunk vo duensam thaun ani accanta thaun apnnank bochav corunk zonavorank marum eta. (Utpoti 3:21; 9:3; Suttka 21:28) Punn monzatik vaxtt vagovoup vo khali khellak vo khoxalcaek lagon marchem hem chuk.—Mhonnʼnneo 12:10.

4. Khoxalcaek lagon viddi voddop, supari chinvop ani noxa gulli ghevop hem Kristãvank nhoi. Tim cortubam vaitt kiteak (1) tim amcam tanchim gulam cortat, (2) tim amchea cuddint iza cortat, ani (3) tim mhellim zaun asat. (Romkarank 6:19; 12:1; 2 Korintkarank 7:1) Heo sonvoiom soddunk zobor cottinn zait. Punn ami toxem corunk zai Jehovak khux corunk.

5. Devachea nodren rogot passun povitr asa. Dev sangta qui prann vo jeev rogtant assa. Teapassot rogot khaunchem chuk. Eka zanvorachem mas zachem rogot sarkeponnim nixeunk nam zalear tem khavunk passun chuk. Zor tor êk zanvor fugar zaun vo samplleant poddon mela tor tem khavunk nozo. Zor taka bhalean vo faran marla, tor tachem rogot rokdench nixeunk zai zor tor tem khavunk zai.—Utpoti 9:3, 4; Levi Xastr 17:13, 14; Dhormodutancho Itihas 15:28, 29.

6. Rogot sanyojan swikarchem chuk cai? Ugdas dhor, Jehovak zai ami rogta thaun pois ravunk. Toxem mutlear ami amchea cuddint khuinchai vatten kedinch dusrea munxachem vo amchem sothachem passun rogot, zem santhoun dovorlam, gheunchem nhoi. (Dhormodutancho Itihas 21:25) Tea passot khore Kristão rogot sanyojan swikarche nant. Te dusrea jinsachi voizaponnachi vagounni swikartele, zoxi, qui rogot nam tea jinnosachem sanyojan. Tankam jieonk zai, punn te aplo jiu Devache caide moddun sugur corunk proyotn corinant.—Matev 16:25.

[Pan 25-acher chitr polloiat]

Devak khux corunk ami rogot sanyojan, bhurxeo sonvoiom, ani gorjeviret zocom vattaunk zai