Odheai 11

Patienneo ani Chaliriti Zeo Devak Namkhux Cortat

Koslea jinsancheo patienneo ani chaliriti chuk asat? (1)

Kristãvanim Dev êk Trinidad munnon manchem cai? (2)

Khore Kristão kiteak lagon Christmas, pascam, vo zolomdis somarombh corinat? (3, 4)

Melole jiveank iza corunk soktat cai? (5) Jezu khursar melo cai? (6) Devak sontos corpachem kitlem mhotvachem zavun asa? (7)

1. Sogleo patienneo ani chaliriti vaxtt nant. Punn Dev tankam posond corinam zor tor teo khottea dhorman thaum aileat, vo Bibliachea xincounnem virodhak asat.—Matev 15:6.

2. Trinidad: Jehovah êk Trinidad asa cai—teg zonn êk Dev? Nam! Jehovah, Bapui, zavun asa ‘ekloch khoro Dev.’ (Juanv 17:3; Mark 12:29) Jezu tacho mhalgoddo put, ani to Devak khalto asa. (1 Korintkarank 11:3) Bapui Puta poros hod. (Juanv 14:28) Povitr atmo êk zonn nhoi, to Devachi sudsudit socot.—Utpoti 1:2; Dhormodutancho Itihas 2:18.

3. Christmas ani Pascam: Jezu Desembrache 25 ver zolmonk nam. To sumar Otumbrache 1 ler zolmolo, zo vorsacho êk temp zednam gonvlli aple hind ratche ghora-bhair dovortat. (Lukas 2:8-12) Jezun Kristãvank kedinch aplo zolomdis somarombhunk adnya divunk nam. Bogor, tannem tachea xisank tachea mornnacho ugdas vo arji corunk sanglem. (Lukas 22:19, 20) Christmas ani tacheo chaliriti puraton callachea khotea dhormanthaun aileat. Pascanchea chaliritink lagon tench khorem, zoxem tantiancho ani soxancho upeg. Adle khore Kristão Christmas vo Pascam somarombh corinasle, ani khore Kristão punn aiz corinant.

4. Zolomdis: Bibliant uloilole focot don zolomdis tea munxanim kelole ze  Jehovak bhokti corinasle. (Utpoti 40:20-22; Mark 6:21, 22, 24-27) Adle Kristão zolomdis somarombh corinasle. Zolomdis somarombhanchi rit ailea puraton kalachea khotea dhorma thaun. Khore Kristão dennem ditat ani boro vell ektaim sartat vorsachea dusrea vellar.

5. Meloleanchi Bhirant: Meloleank kitench passun corunk zainam vo kitench passun bhogunk zaina. Amchean tankam mozot corunk zainam, ani tanchean amcam dukounk zainam. (Stotram 146:4; Upodexok 9:5, 10) Jiv morta; mornnam uprant to jienam. (Ezekiel 18:4) Punn thode pautim devchar mutlole khotte ainj, meloleanche atme zaunk nokol cortat. Meloleanchea bhirantek vo bhoktek lagu podtat teo khuincheo riteo chuk asat.—Isaias 8:19.

6. Khuris: Jezu khursar moronk nam. To eka khambear vo khunttear melo. Grêg sôbd “khuris” zaitea Bibliant bhasantor kelolo orth asa lankdacho êk tukdo. Khursachi khunn ailea puratan kalachea khotea dhorma thaun. Khuris ho adlea Kristãvanim upeg corunk vo bhozonk nam. Teapassot tum chintai cai khursak bhozop hem sarkem zatolem munnon?—Dusri Somurt 7:26; 1 Korintkarank 10:14.

7. Ghodie heo thodeo patienneo ani chaliriti soddunk zobor cottinn zait. Daijim ani ixtt ghodie tumcam tumcheo patienneo soddinam zaunk docol gheit. Punn munxam poros Devak khux corop chod mhotvachem asa.—Mhonnʼnneo 29:25; Matev 10:36, 37.

[Pan 22-acher chitr polloiat]

Dev êk Trinidad nhoi

[Pan 23-acher chitr polloiat]

Christmas ani Pascam aileat puraton callachea khottea dhormam thaun

[Pan 23-acher chitr polloiat]

Meloleank bhozonk vo tankam bhieunk karann nam