Odheai 5

Prithumi Pasot Devacho Udhex Kitem?

Jehovan prithumi kiteak rochli? (1, 2)

Kiteak lagon prithumi atam bhuinkut nam? (3)

Khottea munxank kitem zatolem? (4)

Fudarak, Jezu kitem cortolo pidevontank? mhatareank? meloleank? (5, 6)

Fudarachim bessavam bhogunk, tumi kitem corpachi goroz asa? (7)

1. Jehovan hi prithumi munxanim sasnnank jeenn bhogunk rochli. Taka zai aslem qui sodanch prithumi nitivont, khuxal lokanim vosloli. (Stotram 115:16; Izaias 45:18) Prithumi kednanch nisontonn zaunchi nam; ti sasnnank urteli.—Stotram 104:5; Upodexok 1:4.

2. Devan munxank rochunchea adim, tannem prithumincho êk lhan bhag vinchlo ani to êk sundor bhuinkut kelo. Tannem taka Eden bag mutlem. Hangach tannem poilea munxak ani osturek dovorlem, Adam ani Eve. Devan tanka bhurgim zavun sompurnn prithum bhorunk udhexlem. Soukas tim puri prithum êk bhuinkut corta aslolim.—Utpoti 1:28; 2:8, 15.

3. Devache kaide bolliam moddun Adam ani Even patok adarlem. Teapasot Jehovan tankam Eden bagechea bhair ghalem. Bhuinkut luksonn zalem. (Utpoti 3:1-6, 23) Punn hea prithumik lagon tacho udhex Jehovah visoronk nam. Ti êk bhuinkutant rupantor cortolom munnon tannem bhas dilo, zuim munis sasnnank jientole. To hem coxem cortolo?—Stotram 37:29.

4. Hi prithumi êk bhuinkut zaunchea adim, khotea munxank kadunk zaie. (Stotram 37:38) Hem ghodtelem Armagodonant, zem asa Devachem zuz khoteponn cobar corunk. Fudem, Soitanank bondkhond astoli 1,000 vorsam poryant. Toxem munche connunch khote munis prithum vibad corunk mokalle asunche nant. Focot Devache munis matr vanchtole.—Prokasnni 16: 14, 16; 20:1-3.

 5. Tednan Jezu Krist hea prithumicher Raza zavn 1,000 vorsam poriant raz choloitolo. (Prokasnni 20:6) Soukas to amchea monantulem ani kudintulem patok pois cortolo. Adam ani Eve patka adim coxim aslolim toxech ami paripurnn munis zatolim. Tea uprant thuim duens, mhatarponn ani moronn anik asunchim nant. Duent munis bore zatole, ani mhatare munis portean tornate zatole.—Job 33:25; Izaias 33:24; Prokasnni 21:3, 4.

6. Jezuchea Hozar Vorsanchea Razvotkent, akhi prithum bhuinkutant rupantor corunk visvaxi munis kam cortele. (Lukas 23:43) Toxench, hea prithumicher manav jivit bhogunk, lakhani melole munis punorjivont zatole. (Dhormodutancho Itihas 24:15) Zor tor Dev tanche thaun kitem magta tem tannim kelear, te Prithumicher sasnnank jientuch ravtole. Zor nam, te sasnnank nisonttonn zatole.—Juanv 5:28, 29; Prokasnni 20:11-15.

7. Hea prithumink lagon Devacho orombhacho udhex hea bhaxen xarti pavtolo. Hea fudarachea denneant vanto ghevunk tumcam avod asa cai? Zor asa, tor tumi Jehovah vixant xinkot raunchem ani tachi goroz pallot raunchem. Toxem corunk Jehovahchea sakxanchea Sabha ghorant mellaveak hazir ravop tumcam mozot cortelem.—Izaias 11:9; Hebrevank 10:24, 25.

[Pan 10-acher chitr polloiat]

Sandlolem bhuinkut

[Pan 11-acher chitr polloiat]

Armagodona uprant, prithumik êk bhuinkut cortele