Odheai 13

Tujean Khoro Dhorm Cosso Sodhun Cadum Êta?

Sogle dhorm Devak Sontosbhorit cortat cai, vo focot êk? (1)

Kiteak lagon zaite dhorm asat ze Kristão munnon davo cortat? (2)

Khorea Kristãvank tuvem coxem olkon cadchem? (3-7)

1. Jezun êk khoro Kristão dhorm suruvat kelo. Teapassot aiz focot asonk zavo Jehovah Devachea khorea bhoktancho êk mell vo zhomo. (Juanv 4:23, 24; Efezkarank 4:4, 5) Biblia xincoita qui focot thode lok jivitachea rostear asat.—Matev 7:13, 14.

2. Biblia bhaknni corta qui dhormdutanchea mornnam uprant, khotteo xincounneo ani nhoim Kristão sonvoiom soukas Kristão sobhent etoleo. Krista bodlek tamkam patlav corunk lagon munis patienndarank pois vodun vortole. (Matev 7:15, 21-23; Dhormodutancho Itihas 20:29, 30) Teapassot ami polloitão zaite niralle dhorm ze Kristão munnon davo cortat. Tor khorea Kristãvank ami coxe ollkotole?

3. Khorea Kristãvachi vixixt khunn zaun asa tanchea modhem khoro mog. (Juanv 13:34, 35) Tankam hem chintunk xincounk nam qui te dusrea vounxavollichea vo rongachea loka poros bore munnon. Nhoi tankam xincoilam dusrea rashtranchea lokancho dusvas corunk. (Dhormodutancho Itihas 10:34, 35) Teapassot te zuzant vantto ghenant. Khore Kristão eka mekak bhavam-bhoinim pormonnem lektat.—1 Juanv 4:20, 21.

4. Khorea dhormachi anink êk khunn munche tachea sodhoxank asa Bibliak lagon kholaecho respet. Te swikar cortat qui to Devacho sôbd munnon ani zem kitem to sangta patietat. (Juanv 17:17; 2 Timotak 3:16, 17) Munxanchea colponam ani rivazam poros Devacho Sôbd chod mhotvacho zaun asa munnon te lektat. (Matev 15:1-3, 7-9) Te tanchem dispottem jivit Biblia pormonnem  jieonk proyotn cortat. Teapasot te êk vost porgott corun ani tea uprant dusrich vost adarinant.—Titak 1:15, 16.

5. Khorea dhorman Devachem não gourovunk passun zai. (Matev 6:9) Jezun Devachem não, Jehovah, dusreank collit kelem. Khorea Kristãvanim teach porim corunk zai. (Juanv 17:6, 26; Romkarank 10:13, 14) Tumchea soir sambharak conn lok asat ze dusreank Devachea navam vixant sangtat?

6. Khorea Kristãvanim Devachea Razvotke vixant porgott corunk zai. Jezun toxem kelem. Tannem sodanch Razvotke pasot uloilem. (Luke 8:1) Tannem tachea xisank hich khobor soglea prithumicher porgott corunk adnya dili. (Matev 24:14; 28:19, 20) Khore Kristão patietat qui Devachi Razvotki matr khori sovoskai ani raconn hea prithumicher hadteli munnon.—Stotram 146:3-5.

7. Jezuche xis hea khottea sounsarache bhag nhoi. (Juanv 17:16) Te sounsarachea raj karbharant ani somajik tokrarent xircoun ghenant. Sounsarantleo chalteo lusconn cholaunnuki, challi, manobhav te vattaitat. (Jacob 1:27; 4:4) Tumchea soir sambharant heo khorea Kristão ponnacheo khunnom aslolo êk zomo tumi volcovunk soktat cai?

[Pan 26, 27-acher chitr polloiat]

Khore Kristão ekamekacho mog cortat, Bibliak respet ditat, ani Devachi Razvotki porgott cortat