Mogachea Meloleam Pasot Koslo Bhorvonso?

“Zor ek munis melo, to portun zientolo?” Tea munxan Joban chod puraton calar vincharlem. (Job 14:14, King James Version) Ghodie tumi, poriant, haka lagon ojaptelet. Borea poristiti khala heach prithumicher hangach tumchim mogachim melolim punor ekvotʼtelim hem sutavem asa hem tumi zor zannam aslear tumcam kitem bhogtelem?

Borem, Bible bhas dita: “Tumchim melolim zietolim . . . Tim utʼtolim.” Ani Bible poriant sangta: “Nitivont prithumichi poss ghetele, ani ticher sasnnank zientele.”—Izaias 26:19; Stotram 37:29.

Oslea bhasavnnent atmvisvas asonk, amcam goroz asa thodea mulbhut sovalank zabab diunk: Lok kiteak mortat? Melolim khuim asat? Ani amcam koxeporim khatri melta tim portim zietolim munnon?

Moronn, ani Kitem Ghodta Zednam Ami Mortão

Bible sutavem korta ki survatek Devacho hetu naslolo munxanim moronk. Tannem poilea munis zodpeak Adão Evek rochlem, Eden mutlolea bhovtik bhuinkutant tankam dovorlem, bhurgim zavun bhuinkut ghor prithumbhor vadounchem munnon suchonam dili.—Utpoti 1:28; 2:15-17.

Devachea kakutik vakanddunk unnem korun Adão ani Eve avidey zalim ani nemlolo dond farik korunxem kelem. “Tumi [nizak] zomnink melltelim,” Devan Adavank sanglem, “kiteak tiche thaun tuka ghetlolem. Kiteak dhull tum ani dhullik melltolo.” (Utpoti 3:19) Tachea rochnnem adim Adão ostitvant naslolo. Ani tachea dhikkara, vo patka, vorvim, Adanvank dhullik mellonk formonn podlem, eka bin ostitvachea.

 Hea porim moronn ek zivitachi goir hazeri. Bible tafavot dacoita: “Patok muzri bhorta moronn, punn Dev dennem dita sasnnanchi zinn.” (Romkarank 6:23) Moronn ek sompurnn beshudh avasta asa tem dacoun, Bible muntʼta: “zivont asat tim sudhir asat ki mortelim munnon; punn melolim, tankam cosleachich sudh nam.” (Upodexok 9:5) Zednam ek munis morta, Bible sozmoita: “Tacho atmo bhair veta, to porto tachea zomnint veta; teach disa tachim chintnam noxt zatat.”—Stotram 146:3,4.New World Translation of The Holy Scriptures (NW ).

Torui, zoxem fokot Adão ani Even to hukum Edenant dhikkarlo, ami kiteak mortat? Karann oxem ami sogle Adavan avidhey kelea uprant zolmole, teapasot ami sogleanim tachem patok ani moronn anuvounxilem. Zoso Bibl sozmoita: “Eka munxa [Adam] thaun patok sousarant bhitor sorlem ani moronn patka thaun, ani oxem moronn soglea munxank posorlem.”—Romkarank 5:12; Job 14:4.

Torui connui eklo vincharot: ‘Munxank ek amar prann nam cai zo mornam thaun zogta?’ Zaiteani hem xicoilam, sangla pasun ki moronn ek darvonto dusrea zivitak. Punn ti colponam Biblia thaun einam. Bogor, Devacho sobd xincoita ki tumi ek prann asat, ki tumcho prann asa khoreaninch tumi, soglea tumchea xaririk ani manasik gunnanim. (Utpoti 2:7; Jeremias 2:34; Mhonnʼnneo 2:10) Anikui Bible sangta: “Zo prann patok korta—to sotha morta.” (Ezekiel 18:4,NW.) Bible khuinch xikoinam  ki munxak amar prann asa ki kudichea morna uprant zito urta.

Munis Coxe Portean Zientole

Sousarant moronn ani patok ghuslea uprant, Devan tacho udhex ugdapo kelo ki meloleank porot zivit mellounk punorzivontponnan. Heaporim Bible sozmoita: “Abraham . . . mandtalo ki Dev somorth asa [tacho put Isaac] haka utouk meloleantulean pasun.” (Hebrevank 11:17-19) Abrahamacho atmvisvas bholtoch naslo, sorvpodvedaracho Bible sangta: “To ek Dev meleleancho noim, punn zivontancho, kiteak te sogle taka zivont asat.”—Lukas 20:37, 38.

Oi, Sorvpodvedar Devak sokot asa itlench noi bogor zankam tannem vichun kadleat tancam punorzivont corunk khoxi asa. Jesu Kristan khud mutlem: Hache vixim ojap zaum nakat, oslo vell pavot ailo ki somadhimnim asat tim soglim tacho tallo aikun tantutlim bhair sortelim.”—Juanv 5:28, 29; Dhormdutancho Itihas 24:15.

Hem sanglea uprant chod tempan noim, Jesuk ek moronn yatra dodli Israelanchem xar Nain thaun bhair sorloli. Melolo tornato munis eka widhovecho ekloch bhurgo. Tichem bhov dukh polloun Jesuk kakut disli. Dekun, modeak udhexun, tannem hukum ghalo: “Tornatea  munxa, hanv tuka sangtam, utt!” Ani to munis uttun boslo, ani Jesun taka tachea avoik dilo.—Lukas 7:11-17.

Zoxem vidhovechea ghotonent, thoim pasun porom onond zalo toxem zednam Jesun Jairusachea ghorambeak bhet dili, to Juwanchea devostanacho odhikari aslo. Tachi 12-vorsam-pirayechi dhu meloli. Punn zednam Jesu Jairusachea ghara pavlo, to melolea bhurgeaxim guelo ani mutlem: “chedva, utt!” Ani tem utlem!—Lukas 8:40-56.

Uprant Jesucho ixtt Lazarus melo. Zednam Jesu tachea ghara ailo, Lazarus moron char dis zalole. Zorui zobor dukhi, tachea bhoinnin Marthan visvas dacoilo, munnon: “Hanv zannam to punorzivontponnant xevotachea disak uttlolo.” Punn Jesu fondaxim guelo, fator kadunk hukum dilo, ani ulo marlo: “Lazarus, bhair sor!” Ani to sorlo!—Juanv 11:11-44.

Atam hea vixim chintat: Tea char disant to melʼlo tantunt Lazarusachi kitem poristiti asli Lazarusan sukhachea sorgar aslolom vo ifernachea coxtant, kainch sangonk nam, zem khatren to korta aslo zor thuim aslear. Nam, Lazarus pure ponnim mornant besudh aslolo ani urta aslolo titlea poriant “xevotachea disak punorzivontponn” zorui Jesun tednam tachem zivit portem hadinam zalear.

Hem khorem ki heo Jesucheo milagri fokot tatpurtea faidhyacheo, zoxem tannem punorzivont kelole portun mele. Torui astanam, tannem puravo dilo 1900 vorsam adim ki, Devachea sokten, melole khorech porthe zionk soktat! Teapasot tachea milagrini Jesun dacoilem daktulea pormannar kitem ghodtelem hea prithumicher Devachea Razvotke khala.

Zednam ek Mogacho Morta

Zednam dusman moronn marta, tumchem dukh vhodd asonk sokta, zorui tumi punorzivontponnar pasun visvastat. Abrahamank visvas aslo tachi potinn porot  zientoli, torui ami vachtat ki “Abraham Sarah thaim shõk korunk ani ticher rodonk laglo.” (Utpoti 23:2) Ani Jesu vixant kitem? Zednam Lazarus melo, to “atmeant porvonlo ani tras paulo,” tea uprant tannem “dukank vatt dili.” (Juanv 11:33, 35) Dekun, zednam konnuim eklo tumchea mogacho morta, rodop tem ki oskotai dacoinam.

Zednam ek bhurgem morta, tednam chod korun avoik zobor zata. Heaporim Bible cobul corta ki avoik kitli khor dukh bhogta. (2 Raza 4:27) Khoreaninch, dukest bapaik pasun kothinn zata. “Oh hanv moronk zai aslom, hanv sotha, tujea zaguar,” David Rai villaplo zednam tacho put Absalom melo.—2 Samuel 18:33.

Torui amkam punorzivontponnant atmvisvas aslolea karannank, tumchem dukh unnem zainam astanam urchem nam. Zoso Bible sangta, tumi “bhorvonso nasloleam heram monʼxam porim khontibhorit zainakat.” (1 Tesalonikkarank 4:13) Bogor, tumi Devachea lagim vodtole magnneant, ani Bible bhas dita ki “to tumkam adar ditolo.”—Stotram 55:22

Xivar suchovnnem bogor, soglim Bible avatarannam Holy Scriptures hantuntlim asat.