“Dev . . . tanchea dolleantlim sogllim dukham pusun kaddtolo; moronn anink aschem na, dukh anink korchim nant, rudon somptolem, koxtt-ui anink aschem nant. Adlem sogott soron gelem.”—Prokasovnni 21:3, 4, Povitr Pustok.

Khuxalkai ani dhadosponn dita toslem kam.—Izaias 65:21-23.

Duens ani koxttancho xevott.—Izaias 25:8; 33:24.

Kuttumb ani ixttam sangata khuxalbhorit sasnachem jivit.—Stotram 37:11, 29.

Hoi, don karonnank lagon:

• Devan bhasailam tem xarti pavounk taka podvi asa. Jehova Dev ekloch “Sorvpodvedar” oxem Bible-ant boroilam, kiteak tache lagim soglli podvi asa. (Prokasovnni 15:3) Bhasailam tea pormonnem sonvsar boro korunk taka podvi asa. Bible sangta, “Deva lagim sogllem zata.”—Matev 19:26.

• Bhasail’lem tem xarti pavounk Devak khuxi asa. Udharonnak, Jehova meloleank jivont korunk “khuxi zatolo” mhunn Bible sangta.—Job 14:14, 15.

  Bible dakhoita, Devachea Putan, Jezun, piddevontank borim kelim. Tannem oxem kiteak kelem? Taka oxem korunk khuxi asli. (Marku 1:40, 41) Gorjevontank adar diun, Jezun aplea Bapaiche gunn sompurnn ritin porzoll’le.—Juanv 14:9.

  Tor amchean khatri dovrunk zata, Jehova ani Jezu amkam boro fuddar melloun gheunk modot korunk toiar asat!—Stotram 72:12-14; 145:16; 2 Pedru 3:9.