Hea prithumecher lok sasnak jietolim, hi bori khobor amkam Bible-ant melltta. (Stotram 37:29) Bible-ant 66 lhan-lhan pustokam asat. Devan sumar 40 visvaxi munxank Bible boroupak uzar keleat. Sumar 3,500 vorsam adim, Moizes nanvachea eka munxan Bible-antlim poilim panch pustokam boroilim ani sumar 1,900 vorsam adim Juanv mhunnttlolea Jezuchea eka xisan, Bible-antlem nimannem pustok boroilem. Bible-achea boroupeanim konnachim chintnam boroilim? Dev aplea povitr xokte udhexim tanche lagim uloilo. (2 Samuel 23:2) Tannim aplim svotachim chintnam nhoi punn Devachim chintnam boroilim. Hakach lagun Jehova Dev Bible-acho boroupi zaun asa.​—2 Timotak 3:16; 2 Pedru 1:20, 21 vachat.

Bible-acho Boroupi Konn? ho viddeo polloiat

Bible bariksannin fuddaracheo ghoddneo chuki-vinnem kollit korta, dekhun to Deva thaun aila mhunn amkam khatri zata. Oxem korunk khoinchea-i munxa lagim ghoddona. (Joshua 23:14) Fokot Sorvpodvedar Devuch munxacho fuddar sarko sangunk xokta.​—Izaias 42:9; 46:10 vachat.

Deva thaun ail’lem pustok khoreaninch kherit ritin vegllem asunk zai. Tor, Bible toslench pustok mhunn ami koxi khatri korunk zata? Aiz 450 odik bhasanim, kotteanim Bible-acheo kopi chhapun, sonvsarbhor vanttleat. Zorui Bible adlea kallachem pustok, tantunt sangloleo vostu vigyana pormonnem khoreo zaun asat. Zorui Bible 40 veg-vegllea munxanim ektthaim ieun borounk nam, torui tanchim boroupam, ek-dusreak mellon asat. * Tea bhair Bible-ant, Devachea mogachi nixani amkam dison ieta ani aiz  porian lokachem jivit sudharunk taka tank asa. Hea sogllea karonnank lagun Bible Devachem Utor mhunn lakh’anim lokank khatri zalea.​—1 Tesalonikekarank 2:13 vachat.

Bible Deva Thaun Aila Mhunn Amkam Koxi Khatri Zata? ho viddeo polloiat

Devan mogan munxakulla khatir ek udhex tharaila, hi bori khobor Bible amkam kolloita. Survatekuch munxan, Devan kel’le sobit bhagent jieupachi sondhi koxe porim hogddaili ani xekim Dev, hich prithum, novean sobit bhag koso kortolo, ti somzonni Bible amkam dita.​—Prokasovnni 21:4, 5 vachat.

Devachea Utrant, tache nem-kaide ani mogall suchounneo asat. Tea bhair, Dev munxakulla thaim koso vavurta ho-ui itihas Bible-ant asa, jea vorvim Jehova Devachim bhavnam, chintnam ani gunn amkam kollon ietat. Oxe toren, Devak, bore bhaxen vollkunk Bible amkam modot korta. Ami Devache ixtt koxe zaum ieta, hi-ui somzonni Bible amkam dita.​—Stotram19:7, 11; Jakob 2:23; 4:8 vachat.

Je ritin Jezun aplea xisank xinkoile, tech bhaxen hi pustika, amkam Bible-achi somzonni dita. Jezun, vochonam uzar korun Bible-ant aslolea “xastrancho orth” somzailo.​—Lukas 24:27, 45 vachat.

Dusre khoinche-i vostu poros, Deva thaun ieta ti bori khobor amkam chodd moladik zaun asa. Toruipunn, thoddea lokank ti khobor aikunk borem disona ani thoddeank tor, ti aikunuch rag ieta. Punn ami niraxi zaunk favo nam. Ugddas dovrat, Devachi vollokh ghetlearuch, amkam sasnachea jivitachem daiz mellttolem.​—Juanv 17:3 vachat.