ODHEAI 15
Jezu Konn?
Itihasant Jezu khub famad asa. Zaitea lokamnim Jezu vixim aikolam, punn tankam tachi sarki vollokh na. Tor, Jezu vixim Bible kitem sangta tem polloum-ia.
1. Jezu konn kai?
Jezu Jehovacho khas put zaun asa. Jehova Devan taka sorgar otmik kudd diun rochlo. Jezuk rochʼchea poilim Devan kainch rochunk naslem dekhun, taka “akʼkhe rochnnent poilo” mhunnttla. (Koloskarank 1:15) Bible-ant Jezuk Devacho ‘ekloch put’ mhunnttla, karonn Jehovan ekleanuch taka rochlolo. (Juanv 3:16) Tea uprant, Jehovan her sogleo vostu rochleo tednam Jezun taka sangat dilo. To Deva sangata khuxalkaien vavr korit ravlo. (Mhonnʼnneo 8:30 vachat.) Jehova Deva sangata tachem natem khub ghott asa. Jezu Devacho sondex ani suchounneo dita dekhun taka “Xobd” mhunnttla.—Juanv 1:14.
2. Jezu prithumer kiteak ailo?
Sumar 2,000 vorsam poilim Jehova Devan ek vizmit kelʼlem. Tannem aplea povitr xokte udexim, Jezuchem jivit sorgar thaun prithumer Marie nanvache eke ankvar ostorechea kusveant ghatlem. Hea toren, Jezu prithumer munis zaun zolmolo. (Lukas 1:34, 35 vachat.) Jehova Devan taka hea prithumer munxakullak salvar korunk ek Mesias vo Krist mhunn dhaddlo. a Mesiasa vixim Jehovan zaiteo bhasaunneo kelʼleo. Jezu hea prithumer ailo tednam teo sogleo bhasaunneo purnn zaleo. Hem polloun Jezuch “Krist, jivea Devacho Put” mhunn zaitim zannam vollkhunk pavlim.—Matev 16:16.
3. Jezu atam khoim asa?
Jezu melea uprant Devan taka otmik kudd diun jivont kelo ani sorgar vhelo. Thoim, “Devan taka poilim poros vhodd podvi diun man dilo.” (Filipkarank 2:9) Jezuk khub podvi asa punn to Sorvpodvedar nhoi. Fokot Jehova Dev Sorvpodvedar zaun asa.
KHOLAIEN XIKAT
Jezu vixim anik zannam zaiat ani oxem korop kiteak mhotvachem tem sodhun kaddat.
4. Jezu Sorvpodvedar Dev nhoi
Aiz Jezuk sorgar khub podvi vo xokti asa punn to Sorvpodvedar nhoi. To sodanch aplea Bapak, mhunnche Jehova Devak khalti ravta. Sorvpodvedar Deva poros Jezu koso vegllo asa tem zannam zaunk ho VIDEO polloum-ia.
Sokol dilʼlim versam Jehova ani Jezu modem aslolem natem somzonk modot kortat. Dor ek vers vachun sokol dilʼlea prosnanche zobab zannam zaum-ia.
Lukas 1:30-32 vachat.
-
Jezu ani “Bhov Vortea” Dev Jehova, modem koslem natem asa mhunn ainz Gabrielan dakhoilem?
Matev 3:16, 17 vachat.
-
Jezuchea bautizma vellar sorgar thaun kitem mhunn avaz ailo?
-
To konnacho avaz oxem tumkam dista?
Juanv 14:28 vachat.
-
Konn vhodd ani konnank chodd podvi asa? Eka bapaik vo putak?
-
Jezun Jehovak aplo Bap mhunnttlo. Hantuntlean amkam kitem kolltta?
Juanv 12:49 vachat.
-
Apunn ani aplo Bap ekuch oxem Jezun xikoilem kai? Tumkam kitem dista, te dogui ekuch kai?
5. Jezuch bhasailʼlo Mesias vo Krist aslo
Soglea munxank salvar korunk apunn ek Mesias dhaddttolo mhunn Devan sanglolem. Punn Mesias konn to lokank koxem kollttolem aslem? Taka vollkhonk Bible-ant zaiteo bhasaunneo kelʼleo. Jezu hea prithumer ailo tednam khoincheo bhasaunneo purnn zaleo jea vorvim toch Mesias mhunn kollon ailem? Hem zannam zaunk VIDEO polloum-ia.
Bible-antleo bhasaunneo vachun sokol dilʼlea prosnanche zobab zannam zaum-ia:
Mesias khoim zolmoncho aslo tem zannam zaunk Mika 5:1 vachat. b
-
Jezu zolmolo tednam hi bhasaunni purnn zali kai?—Matev 2:1.
Mesiasachea mornna vixim kitem bhasailʼlem tem zannam zaunk Stotr 34:20 ani Zekaria 12:10 vachat.
-
Heo bhasaunneo purnn zaleo kai? —Juanv 19:33-37.
-
Heo bhasaunneo aplea sovem purnn zauncheo mhunn Jezun mudʼdom kitem tori kelem kai?
-
Hache voilean tumkam Jezu vixim kitem kollon ieta?
6. Jezu vixim zannam zavop mhotvachem
Jezu konn ani Devan taka kosli zobabdari dilea tem zannam zavop khub mhotvachem mhunn Bible sangta. Juanv 14:6 ani 17:3 vachun sokol dilʼlea prosnacho zobab zannam zaum-ia:
-
Jezu vixim zannam zavop kiteak mhotvachem?
Devache ixtt zaunk Jezun lokank vatt ukti keli. Jezun Jehova vixim sot xikoilem ani tachea vorvim amkam sasnik jivit mellonk xokta
THODDO LOK MHUNNTTA: “Jehovache Sakxi Jezuk maninant.”
-
Tumi kitem mhunnttolim?
KITEM XIKLIM
Jezu Devacho put ani bhasailʼlo Mesias. To atam sorgar asa mhunn Bible sangta.
Porot Ugddas Korum-ia
-
Jezuk “akʼkhe rochnnent poilo” kiteak mhunnttla?
-
Jezu prithumer ieunchea poilim kitem kortalo?
-
Jezuch Mesias vo Krist mhunn amkam koxem kolltta?
ANIK SODHAT
Jezuch Mesias mhunn amkam koxem kolltta tea vixim anik zannam zaiat.
“Bible-antleo Bhasaunneo Jezuch Mesias Mhunn Dakhoun Ditat Kai?” (Web article)
Zoso ek munis eka bhurgeacho bapui zata tea toren Jehova Jezucho bapui zalo kai? Bible hea vixim kitem xikoita tem zannam zaiat.
Bap, put ani povitr atmo tigui ek hi xikounn Bible-ant na oxem ami kiteak mhunnonk zata tem polloiat.
Jezu vixim Bible kitem sangta tem eke bailen sodhun kaddlea uprant tichem jivit koxem bodolʼlem tem zannam zaiat.
“Ek Judev Bailen Apli Patienni Kiteak Topasli Tem Ti Somzaita” (Awake!, May 2013)
a Devan munxakullak salvar korunk vinchun kaddloleak “Mesias” ani “Krist” mhunnttla. Munxakullak kiteak salvar korunk zai aslem ani Jezu tankam koso salvar korta tea vixim ami odheai 26 ani 27-ant xiktolim.
b Mesias konn to kednam kollttolem tea vixim bhasaunni kelʼli. He bhasaunne vixim zannam zaunk Chodd Mahiti 2 polloum-ia.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
