ODHEAI 20
Kristi Sobhent Manddavoll Koxi Asa?
Jehova ek manddavollicho Dev zaun asa. (1 Korintkarank 14:33) Tor, aiz tachea lokam modem-i bori manddavoll asa. Kristi sobhent manddavoll koxi asa ani ami hea manddavollik koso tenko diunk zata tem ami polloum-ia.
1. Kristi sobhecho mukheli konn zaun asa?
‘Krist sobhecho mukheli zaun asa.’ (Efezkarank 5:23) Jezu Krist sorgar thaun sonvsarbhor aslolea Jehovachea Sakxeanchea kamachi dekhrekh korta. Hem kam korunk tannem ‘visvaxi ani xannea chakrak’ vinchun kaddla. Ho chakor ek munis nhoi, punn onubhovi vhoddilancho ek lhan zomo, zaka Sonchalon Monddoll pasun mhunnttat. (Matev 24:45-47 vachat.) Zoxem, poilea xekddeant Jeruzalemantle apostl ani vhoddil sobhek margdorxon ditale, teach bhaxen aiz Sonchalon Monddoll sonvsarbhorchea sobhank margdorxon dita. (Itihas 15:2) Te songottnnecher aplo odhikar choloinant, punn Jehovan Bible-ant dilʼlem margdorxon pallttat ani Jezuk khalti ravtat.
2. Vhoddil mhunnttlear konn ani te kitem kortat?
Vhoddil mhunnttlear onubhovi bhav je Jehovachea lokank Bible-antli xikounn ditat, gonvlli koxe tanchi kallji ghetat, tankam modot kortat ani urba ditat. Tanchea vavra pasot tankam poixe mellonant. Punn te ‘Deva mukhar khuxen seva kortat. Fottingponnan faido zoddchea axen nhoi, punn urben seva kortat.’ (1 Pedru 5:1, 2) Toxench sobhent, sobheche sevok astat je vhoddilank modot kortat ani thoddea tempan te purte zaun vhoddil zaunk xoktat.
Sonchalon Monddoll thoddea vhoddilank, sorkittachi dekhrekh korunk vinchun kaddttat. He bhav veg-vegllea sobhenk bhett korun bhav-bhoinnank margdorxon ani urba ditat. Toxench, te Bible-achea dorjeam pormonnem purte asloleank, vhoddil vo sobheche sevok mhunn nemtat.—1 Timotak 3:1-10, 12; Titak 1:5-9.
3. Dor eka Jehovachea Sakxeachi kitem zobabdari asa?
Dor ek Sakxi mittingent bhag gheta ani ghoddtta tea bhaxen bori khobor porgottʼtta. Hea toren tim ‘Jehovak vakhannttat.’—Stotr 148:12, 13 vachat.
KHOLAIEN XIKAT
Jezu Krist aplo odhikar koso choloita ani vhoddil tachi dekh koxi ghetat tem zannam zaiat. Toxench, ami Jezuchem ani vhoddilanchem aikon tanchea sangata koxem kam korunk zata tem-ui zannam zaiat.
4. Jezu doiall ritin aplo odhikar choloita
Jezu amkam sogleank aplea odhikarak khalti zaunk ieukar dita. Matev 11:28-30 vachun sokol dilʼlea prosnanche zobab zannam zaum-ia:
-
Jezu amcher koso odhikar choloita ani tachea odhikara khala amkam koxem dislolem taka zai?
Vhoddil Jezuchi dekh koxi ghetat? VIDEO polloum-ia.
Vhoddilamnim sobhecho samball koso korunk zai tem Bible spoxtt ritin sangta.
Izaias 32:2 ani 1 Pedru 5:1-3 vachun hea prosnanche zobab zannam zaum-ia:
-
Dusreank modot korunk vhoddil Jezu bhaxen koxtti vavr kortat tem zannam zaun tumkam koxem dista?
-
Vhoddil anik khoinchea ritimnim Jezuchi dekh ghetat?
5. Vhoddil ek borem udharonn dovortat
Vhoddilamnim aplem kam koxem kelʼlem Jezuk zai? VIDEO polloum-ia.
Sobhent fuddakar ghetat tanchea pasot Jezun ek bori dekh dovorlea. Matev 23:8-12 vachun sokol dilʼlea prosnacho zobab zannam zaum-ia:
-
Jehovachea Sakxeanchea vhoddilam modem ani her dhormik fuddaream modem tumi kitem ontor polloila?
-
Vhoddil apli ani aplea familichi Jehova sangata asloli ixttagot ghott korunk khub vavr kortat
-
Vhoddil sobhent sogleanchi kallji ghetat
-
Vhoddil porgottnnent bhag ghetat
-
Vhoddil dusreank xikoitat. Toxench, te lhan-lhan kamam korunk pasun fattim soronant
6. Ami vhoddilank tenko diunk zata
Ami vhoddilank tenko diuncho mhunn Bible-ant sanglolem asa. Hebrevank 13:17 vachun sokol dilʼlea prosnanche zobab zannam zaum-ia:
-
Vhoddilanchem aikonk ani tankam adhin ravonk Bible sangta tem tumkam sarkem dista kai? Kiteak?
Lukas 16:10 vachun sokol dilʼlea prosnacho zobab zannam zaum-ia:
-
Ami lhan-lhan kamamnim pasun vhoddilanche aikop kiteak gorjechem?
THODDO LOK MHUNNTTA: “Dor eklean apleak borem dista tea ritin Devachi bhokti korunk zata.”
-
Songottit ritin Devachi bhokti korop kiteak borem oxem tumkam dista?
KITEM XIKLIM
Jezu sobhecher mogan odhikar choloita. Jezuchea khala seva kortat te vhoddil amkam modot kortat ani amchea pasot borem udharonn dovortat. Tor, ami khuxen tanchem aikotat ani tankam khalti ravtat.
Porot Ugddas Korum-ia
-
Sobhecher konnak odhikar asa?
-
Vhoddil bhav-bhoinnancho koso samball kortat?
-
Dor eka Jehovachea Sakxeachi zobabdari kitem zaun asa?
ANIK SODHAT
Sonchalon Monddollak ani vhoddilank Kristi bhav-bhoinnanchi porva asa mhunn koxem dison ieta tem polloiat.
Sorkittachi dekhrekh korpeachem kam kitem tem zannam zaiat.
Ganvant Seva Kortolea Sorkittachi Dekhrekh Korpeachem Jivit (4:51)
Bhoinno sobhek koxeo tenko ditat tea vixim vachat.
“Jehovachea Sakxeam Modem Bailo Fuddakar Ghetat Kai?” (The Watchtower, September 1, 2012)
Vhoddil sobhentlea bhav-bhoinnank urba diunk kitlo koxtti vavr kortat tem sodhun kaddat.
“Kristi Vhoddil Amche Khuxalkaie Pasot Vavurtat” (The Watchtower, January 15, 2013)
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
