ODHEAI 22
Tumi Bori Khobor Koxi Porgottunk Zata?
Bible-antlim sotam xiktana tumkam disot ki hea vixim sogleamnim zannam zaunk zai. Punn, tea vixim dusream lagim ulounk tumi ghoddie fatti-fuddem zait ani tumkam bhirant disot. Tor, tumchi bhirant pois korun tumi bori khobor dusreank koxi sangonk zata tem polloum-ia.
1. Tumi Bible-antlean xikleant tem tumchea ghorcheank ani tumi vollkhotat tankam koxem sangonk zata?
Jezuchea xisamnim mhunnttlem: “Ami jem kitem polloilam ani aikolam, tea vixim ulounchem bond korunk zaunchem na.” (Itihas 4:20) Jezun xikoilem tem tankam khub avoddlem, ani taka lagon tim zata titlea lokank tea vixim sangonk sodhtalim. Tumkam-i toxench dista kai? Toxem zalear, sondhi melltta tednam tumi xikleant tem tumchea familik ani ixttank sangat. Punn, tanchea lagim uloitana tankam man diun ani mogan uloiat.—Koloskarank 4:6 vachat.
Tumi dusream lagim koxem ulounk zata
-
Tumchea ghorcheam lagim Bible-antlea vixoi-acher ulounk oxem mhunnat: “Hea sumanant mhaka ek boro mudʼdho xikonk mellʼllo.”
-
Duent vo niraxi aslolea tumchea ixttak bhuzvonn dita toslem ek vers dakhoiat.
-
Sonvar-aitar kitem kelem mhunn tumchea sangata kam kortat tim vichartat tednam tumi Bible obheasant vo mittingent kitem xiklim tem tankam sangat.
-
Tumchea ixttank jw.org website dakhoiat.
-
Tumi Bible xiktat tednam dusreank tumchea obheasak apoiat vo tannim jw.org-cher apleak Bible xikonk zai mhunn koxem sangonk zata tem dakhoiat.
2. Sobhentlea bhav-bhoinnam sangata porgottnni korop kiteak borem?
Jezuchea xisamnim fokot apunn vollkhotat tankanch nhoi punn sogleank porgott kelem. Jezun tankam “dog-dog zannanchi zoddi korun tankam aplea poilim dhaddle.” dhaddlim. (Lukas 10:1) He bore manddavollik lagon zaitea lokank bori khobor aikonk mellʼlli. Toxench, eka-meka sangata porgottnni kelʼlean xisank khuxalkai mellʼlli. (Lukas 10:17) Tumi pasun sobhentlea bhav-bhoinnam sangata porgottunk zata.
KHOLAIEN XIKAT
Bori khobor dusreank sangonk tumkam bhirant dista zalear tumi kitem korunk zata ani oxem korun tumkam khuxalkai koxi mellttoli tem zannam zaiat.
3. Jehova Dev tumchea sangata astolo
Thoddeank bori khobor dusreank sangonk zai. Punn, dusrim kitem mhunnttolim hem chintun tim fatti sortat.
-
Tumi xikleant tem dusreank sangonk tumkam bhirant dista kai? Kiteak?
VIDEO polloun sokol dilʼlea prosnacho zobab zannam zaum-ia.
-
Hea tornatteamnim apli bhirant koxi pois keli?
Izaias 41:10 vachun sokol dilʼlea prosnacho zobab zannam zaum-ia:
-
Porgott korunk tumkam bhirant dista zalear magnnem kelʼlean tumkam koxi modot zatoli?
Tumi zannant?
Aplea lagim bori khobor dusreank sangonk kednanch zaunchem na oxem zaitea Jehovachea Sakxeank eka vellar distalem. Udharonnak, Sergey nanvachea eka munxak dusream lagim ulounk kotthin zatalem, to bhietalo. Punn tannem Bible obheas kelo ani uprant to mhunntta: “Mhaka bhirant distali hem khorem. Punn hanv kitem xiktalo tem dusreank sangonk hanvem suru kelem tednam mhoji bhirant pois zali ani mhozo bhavarth-ui ghott zalo.”
4. Dusream lagim uloitana tankam man diat
Tumi bori khobor dusreank sangonk sodhtat tednam tumi kitem sangtolim titlench nhoi, punn tem koxem sangtolim tem-ui chintop mhotvachem. 2 Timotak 2:24 ani 1 Pedru 3:15 vachun sokol dilʼlea prosnanche zobab zannam zaum-ia:
-
Bible-a vixim dusream lagim uloitat tednam tumi him versam koxim lagu korunk zatat?
-
Tumchim ghorchim vo ixttam tumi sangtat tem manun ghenant tednam tumi kitem korunk zai? Ani tumi kitem korchem nhoi?
-
Porot-porot sangon tancher dobhav ghalche bodlek tankam chintunk modot kortat tosle prosn vicharop kiteak borem?
5. Bori khobor porgott kelʼlean khuxalkai melltta
Jehovan Jezuk bori khobor porgott korchem kam dilʼlem. Jezuk hem kam korunk koxem dislem kai? Juanv 4:34 vachun sokol dilʼlea prosnanche zobab zannam zaum-ia:
-
Ami ruchik jevonn jevtat tednam ami khuxal zatat ani amchi bholaiki bori urta. Devachi khuxi korop, zoxem bori khobor porgottop Jezun jevnnak kiteak sor kelem?
-
Bori khobor porgott kelʼlean tumkam khuxalkai koxi mellonk xokta?
Hem korun polloiat
-
Tumi dusream lagim ulounk koxem suru korunk zata tem zannam zaunk sumanachea modlea mittingent thoddeo vatto polloiat.
-
Sumanachea modlea mittingek vidheartheam pasot aslole bhag korunk vhoddilank tumchem nanv diat. Osle bhag kelʼlean, tumi xiktat tem dusreank sangonk tumkam modot zatoli.
-
Lok prosn vicharta ani ulovop bond korunk sodhta tednam tankam koxi zap diunk zata tachi toiari korunk hea pustokant, “Thoddo Lok Mhunntta” vo “Thoddim Vicharit” he bhag polloiat.
THODDIM VICHARIT: “Anik kitem khobor?”
-
Hi sondhi uzar korun tumi Bible-antlean xikleant tantuntlem tankam kitem sangtolim?
KITEM XIKLIM
Bori khobor porgott korun tumkam khuxalkai mellttoli ani hem korop kotthin na.
Porot Ugddas Korum-ia
-
Ami bori khobor dusreank kiteak sangonk zai?
-
Dusream lagim uloitana tumi tankam man diun koxem ulounk zata?
-
Tumkam porgottunk bhirant dista zalear tumi kitem korunk zata?
ANIK SODHAT
JW.ORG kardd uzar korun dusreank bori khobor sangonk char sompeo vatto polloiat.
Kosle char gunn aslear bori khobor porgottunk tumkam modot zatoli tem zannam zaiat.
“Tumi Munxank Dhortat Tosle Kharvi Zaunk Toiar Asat Kai?” (The Watchtower, September 2020)
Bori khobor porgottunk eka lhan cheddvak dhir koso mellʼllo tem Bible-antlea eka udharonna thaun zannam zaiat.
Jehova vixim nokllot tea ghorcheank, tumi Bible-antlean xikleant tem koxim sangtolim tem zannam zaiat.
“Onbhavarthi Soireanchea Kallzak Lagta Toxem Ulovop” (The Watchtower, March 15, 2014)
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
