ODHEAI 40
Devache Nodren Nitoll Ravat
Ek avoi aplea bhurgeak nitoll dovorta ani taka nitoll kopdde ghalta tednam tachi bholaiki bori urta ani toxench tea avoi-bapaik lok man ditat. Teach bhaxen, ami soglea vatten nitoll ravlolim Jehova Devak zai. Ami nitoll ravtat tednam amchi bholaiki bori urta ani Jehovak mhoima melltta.
1. Ami nitoll koxem ravonk zata?
Jehova Devan sanglam: “Tumi povitr asonk zai.” (1 Pedru 1:16) Povitr asop mhunnttlear ami soglea vattamnim nitoll asonk zai. Nitoll ravonk ami dor disa nhavop, amche kopdde dhuvop, amchem ghor nitoll dovrop, amchi gaddi vo motorcycle nitoll dovrop gorjechem zaun asa. Titlench nhoi, amchem Raj-ghor pasun nitoll dovrunk zai. Ami oxem kortat tednam Jehovak mhoima mellttoli.—2 Korintkarank 6:3, 4.
2. Ami nitoll ravonk kosleo vaitt sonvoim-eo nakrunk zai?
Bible sangta ami “kuddintlem ani monantlem mhellemponn pois korun amkanch xudʼdh korum-ia.” (2 Korintkarank 7:1) Tor, ami fokot baileanuch nitoll aslear puro nhoi, amchem mon, amchim chintnam ani amche vichar pasun nitoll aslole Jehovak zai. (Stotr 104:34) Toxench, amchem ulovop pasun taka manvota toslem asonk zai.—Koloskarank 3:8 vachat.
Amchi kudd nitoll uronk ani noitik ritin nitoll ravonk amkam anik kosleo vaitt sonvoim-eo asonk zaina? Tombaku, pan-supari khailear, viddi vo sigrett vhoddlear ani drugs ghetlear amchi kudd oxudʼdh zata ani ami povitr uronant. Tor, ami heo vaitt sonvoim-eo soddunk zai. Oxem kortat tednam amchi bholaiki bori urtoli ani Devan dilʼlea jivitachea denneak ami man ditat mhunn dakhoitolim. Noitik ritin nitoll ravonk ami anik kitem korunk zai? Ami pornography ani masturbation-a a sarkeo vaitt sonvoim-eo soddun diunk zai. (Stotr 119:37; Efezkarank 5:5) Osleo vaitt sonvoim-eo soddunk amkam ghoddie kotthin zait, punn Jehovachea adaran ami teo soddunk pavtolim.—Izaias 41:13 vachat.
KHOLAIEN XIKAT
Ami nitoll ravtat tednam Jehovak koxi mhoima melltta ani ami vaitt sonvoim-eo koxeo soddunk zatat tem ami zannam zaum-ia.
3. Ami nitoll aslear Jehovak mhoima melltta
Adim Jehova Devan Israelitkarank je kaide dilʼle tantuntlean taka nitollsann khub mhotvachi mhunn kollon ieta. Suttka 19:10 ani 30:17-19 vachun sokol dilʼlea prosnanche zobab zannam zaum-ia:
-
Amchi kudd nitoll asloli Jehovak zai mhunn hea versamnim koxem kollon ieta?
-
Kosleo boreo sonvoim-eo aslear tumkam nitoll ravonk modot zatoli?
Soglem nitoll dovrunk vell lagta ani mhenot korchi poddtta, tori astana, ami nitoll ravonk zata. Ami khoinchea-i zagear ravom vo amchi poristhiti koxi-i asum ami nitoll asop gorjechem. VIDEO polloun sokol dilʼlea prosnache zobab zannam zaum-ia.
-
Amcheo vostu nitoll astat tednam amchea porgottnnechea kamacher koslo porinnam zata?
4. Vaitt sonvoim-eo soddun diat
Vaitt sonvoim-eo soddunk Jehova amkam modot kortolo
Tumi sigrett voddttat, tombaku khatat vo drugs ghetat zalear heo sonvoim-eo soddunk tumkam khub kotthin zait. Tor, tumi kitem korunk zata? Ani heo vaitt sonvoim-eo aslear tumcher koslo porinnam zaunk xokta? Matev 22:37-39 vachun eka munxak heo sonvoim-eo aslear . . .
-
Jehova sangata tache ixttagoticher koso porinnam poddtta tem zannam zaum-ia.
-
tachea familicher ani dusreancher koslo porinnam poddtta tem zannam zaum-ia.
Ek vaitt sonvoim soddunk tumi kitem korunk zata? b VIDEO polloum-ia.
Filipkarank 4:13 vachun sokol dilʼlea prosnacho zobab zannam zaum-ia:
-
Eka munxak magnnem ani Bible obheas korchi ani mittingek hajir zaunchi sonvoim asa zalear taka vaitt sonvoim soddunk koxi modot zatoli?
5. Burxim chintnam ani vaitt sonvoim-eo soddunk zhuzot ravat
Koloskarank 3:5 vachun sokol dilʼlea prosnanche zobab zannam zaum-ia:
-
Pornography pollovop, sexting c korop, ani masturbation korop Jehovak avoddna mhunn ami koxim zannant?
-
Noitik ritin nitoll ravchem mhunn Jehova ji tumchea thaun opexa dovorta ti tumkam sarki oxi dista? Kiteak?
Burxem chintop pois korunk ami koxem zhuzot ravonk zata tem zannam zaunk VIDEO polloum-ia.
Noitik ritin nitoll ravonk ami goroz titlem-i korop gorjechem mhunn Jezun ek udharonn diun somzailem. Matev 5:29, 30 vachun sokol dilʼlea prosnacho zobab zannam zaum-ia:
-
Ami khoreponnim amcho dollo vo amcho hat katrun bhair uddounk zai mhunn Jezu hanga sangonaslo. Punn ami koslem tori panvl ghevop mhotvachem mhunn tannem dakhoilem. Tor, vaitt chintnam pois korunk eka munxan zata titlea begin kitem korunk zai? d
Vaitt chintnam pois korunk tumi vavurtat zalear Jehova khub khuxal zata. Stotr 103:13, 14 vachun sokol dilʼlea prosnacho zobab zannam zaum-ia:
-
Tumi ek vaitt sonvoim soddunk sodhtat zalear zhuzot ravonk hem vers tumkam koxem modot korta?
Soddun dium nakat!
Tumi ek vaitt sonvoim soddunk vavurtat zait punn thoddea tempan tumi porot tem vaitt kam kortat. Hea vellar tumi harlim oxem tumkam disonk puro. Punn chintun polloiat: Ek dhanvpi, dhanvta tednam poddonk xokta. Punn to race harlo oxem nhoi vo tannem survatek thaun porot dhanvchi goroz na. Tech bhaxen tumi soddun dilam tem vaitt kam tumi porot kelem zalear tumi harlim vo tumi kela to soglo vavr nirfoll zalo oxem nhoi. Thodde pavtti tumi chukonk xoktat. Punn soddun dium nakat! Jehovachea adaran tumi vaitt sonvoim-eo soddunk pavtolim.
THODDO LOK MHUNNTTA: “Mhojean hi sonvoim kednanch soddunk zaunchi na.”
-
Jehovachea adaran to munis ti sonvoim soddunk xokta mhunn dakhounk tumi khoinchem vers uzar korunk zata?
KITEM XIKLIM
Amchi kudd, amchem chintop, ani amchi vagnnuk ami nitoll dovortat tednam Jehova khuxal zata.
Porot Ugddas Korum-ia
-
Nitoll ravop kiteak itlem gorjechem?
-
Ami koxem nitoll ravonk zata?
-
Amchea chintnamnim ani vagnnuken nitoll ravonk ami kitem korunk zai?
ANIK SODHAT
Gorib aslear pasun tumi nitoll ravonk kitem korunk zata?
Viddi vo sigrett voddpachi sonvoim soddun diunk panvlam gheiat.
Pornography pollovop dhokeachem kiteak zaun asa tem zannam zaiat.
“Pornography Pollovop Dhokeachem Kiteak?” (The Watchtower, August 1, 2013)
Eka dadlean pornography pollovpachi sonvoim koxi soddli tem zannam zaiat.
“Hanv Zaite Pavtti Chuklom Punn Xevottak Jiklom” (The Watchtower No. 4 2016)
a Pornography mhunnttlear burxim chitram vo video pollovop, burxe audio vo gitam aikop vo burxe lekh vachop jea udexim eka munxa bhitor burxeo vonddovnneo vaddttat. Masturbation mhunnttlear kuddicho sontos bhogunk aploch loingik bhag uchamboll korop.
b Hea odheai-achea Anik Sodhat bhagant, “Sigrett Koxi Soddchi?” hea lekhant sigrett soddunk modot zaunk thoddeo vatto dilʼleo asat.
c Fon vo computera vorvim burxeo messege-i, fottu vo video dhaddttat taka sexting mhunnttat.
d Masturbation-achi sonvoim pois korunk, Questions Young People Ask— Answers That Work, Volume 1, chapter 25-ant “Masturbation-achi Sonvoim Pois Korunk Modot” polloiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
