ODHEAI 55
Tumchea Sobhek Modot Korat
Aiz sonvsarbhor hozaramnim sobha asat ani tea sobhamnim lakʼkhamnim lok khuxalkaien Jehovachi bhokti kortat. Thoim tankam Jehova vixim zaitem xikonk melltta, zaite solʼle mellttat ani tea pasot tim upkari asat. Ani hem upkariponn dakhounk tim veg-vegllea vattamnim sobhek modot kortat. Tor, tumi pasun tumchea sobhe pasot upkari asat mhunn koxem dakhounk zata tem zannam zaiat.
1. Sobhek tenko diunk ami amcho vell ani sokot koxi uzar korunk zata?
Ami sogleamnim zaitim kamam korunk zatat. Zoxem, sobhent jim zannttim vo bholaiken borim nant tea bhav-bhoinnank modot korunk zata. Tankam ami mittingek ieunk, tanchea pasot bazar haddunk, ghorantlim kamam korunk vo her vattamnim adar diunk zata. (Jakob 1:27 vachat.) Toxench, Raj-ghor nitoll korunk ani tacho samball korunk modot korunk zata.
Tea bhair, ami bautizm ghetla zalear porgottnni chodd korunk pioneer seva korunk zata. Titlench nhoi, songottnnent choltolea bandkamak tenko diunk zata vo goroz asa tea zagear vochon seva korunk zata. Toxench, bhavamnim sobhecho sevok zaunk vo vhoddil zaunk fuddem soronk zata. Him soglim kamam korunk amcher konnuch dobhav ghalina, punn amkam Devacho ani amchea bhav-bhoinnancho mog asa dekhun ami fuddem sortat. Tor, hem soglem kortana amchem chintop Izaias provadea sarkem asta. Tannem mhunnttlem, “ho polle hanv asam, mhaka dhadd.”—Izaias 6:9.
2. Ami poixe ani her vostu diun sobhek koso tenko diunk zata?
Ami amchea “dovlotin” Jehovak man diunk zata. (Mhonnʼnneo 3:9) Ami amche poixe ani her vostu Jehovachea kamak dan korunk khuxal zatat. Ami dan kortat te poixe amchea sobhek, porgottnnechea kamak ani odruxttak sampoddlolea bhav-bhoinnank modot korunk uzar zatat. (2 Korintkarank 9:7 vachat.) Zaitim zannam, hea kamak ap-khuxen denngim diunk chukoinastana ‘kitem tori kuxin kaddun dovortat.’ (1 Korintkarank 16:2 vachat.) Hem dan ami koxem diunk zata? Amchea sobhent aslolea dan-petteam vorvim vo donate.pr418.com hea udexim online pasun ami dan diunk zata. Ami Jehovacho mog kortat ani tache upkari asat mhunn dakhounk hi ek bori vatt zaun asa.
KHOLAIEN XIKAT
Sobhek tenko diunk ami kitem korunk zata tea vixim anik zannam zaiat.
3. Ami poixe ani her vostu dan korunk zatat
Amkam eke gorib vidvechem borem udharonn asa. Tiche lagim thodde poixe asle, punn tinnem te sogle dan kele ani hem polloun Jezun tichi tokhnnai keli. Tor, ami khuxen amche lagim asa tem dan kortat tednam Jehova ani Jezu khub khuxal zatat. Lukas 21:1-4 vachun sokol dilʼlea prosnanche zobab zannam zaum-ia:
-
Ami chodd dan dilearuch Jehova khuxal zatolo kai?
-
Ami khuxen dan kelear Jehovak ani Jezuk koxem dista?
Ami dan kortat te poixe koxe uzar zatat tem zannam zaunk ami ek VIDEO polloun sokol dilʼlea prosnacho zobab zannam zaum-ia:
-
Sonvsarbhor aslolea sobhank modot zaunk ami ditat tem dan koxem uzar zata?
4. Ami modot korunk fuddem soronk zata
Adlea kallar, Jehovache sevok te bhokti kortale tea zageancho samball korunk vaurtale. Tannim aple poixe dan kele itlench nhoi. Tannim anik kitem kelem tem zannam zaunk 2 Itihas 34:9-11 vachun sokol dilʼlea prosnacho zobab zannam zaum-ia:
-
Dor eka Israelitkaran Jehovachi bhokti korchea zageancho koxe ritin samball kelo?
Adlea kallachea Jehovachea sevokanchi dekh gheun Jehovachim Sakxi pasun toxench kortat. Hea vixim zannam zaunk, VIDEO polloun sokol dilʼlea prosnanche zobab zannam zaum-ia:
-
Amchem Raj-ghor nitoll dovrunk ani tacho bore ritin samball korunk kiteak gorjechem?
-
Hea kamank tumi khoinchea ritin modot korunk zata?
5. Sobhent zobabdareo samballunk bhavamnim fuddem soronk zata
Sobhent zobabdareo samballunk bhavamnim fuddem soronk zata mhunn Bible sangta. Hem tannim koxem korunk zata tem zannam zaunk ami ek VIDEO polloun sokol dilʼlea prosnacho zobab zannam zaum-ia:
-
Ryan-an sobhent anik chodd modot korunk kitem kelem?
Sobhecho sevok ani vhoddil zaunk bhavamnim koxe purte zaunk zata, tem Bible-ant sanglam. 1 Timotak 3:1-13 vachun sokol dilʼlea prosnanche zobab zannam zaum-ia:
THODDIM VICHARIT: “Jehovachea Sakxeanchea kamank poixe khoim thaun ietat?”
-
Tumi tankam kitem sangtolim?
KITEM XIKLIM
Sobhek tenko diunk ami amcho vell, poixe vo her vostu diun amchean zata tem kortat tednam Jehova tacho khub valor korta.
Porot Ugddas Korum-ia
-
Sobhek tenko diunk ami amcho vell ani sokot koxi uzar korunk zata?
-
Ami poixe ani her vostu diun sobhek koso tenko diunk zata?
-
Sobhek tenko diunk tumi kitem korunk sodhtat?
ANIK SODHAT
Aiz Dev aplea sevokam koddlean dhavo-vantto kiteak magonam tem zannam zaiat.
Thoddeo zobabdareo bautizm ghetlolea bhavank dil’leo asat. Punn bautizm ghetlole eke bhoinnik heo zobabdareo korunk poddlear kitem?
“Vhoddilank Sobhent Aslolo Odhikar” (Pahrogopur, Febrer 2021
Thoddea Sakxeamnim khub teag korun bhav-bhoinnank prokaxonam pavoilim, tea dhirvont Sakxeank ami mellom-ia.
Jehovachea Sakxeanchea kamank poixe khoim thaun mellttat ani hem dusrea dhorma thaun koxem vegllem asa tem zannam zaiat.
“Jehovachea Sakxeank Aplea Kamank Khoim Thaun Poixe Mellttat?” (Web article)
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
