Hem soddun content-ant vochat

Hem soddun table of contents-ant vochat

Log In (opens new window)
JW.ORG Sodhat

Kazar

Kazar

Kazarachi survat koxi zali?

Ut. 1:27, 28; 2:22-24; Mt. 19:4-6

Eka Kristanvan aplo kazari sangati mhunn konnank vinchun kaddunk zai?

Bautizm ghetlolo aplo put vo dhuv, bautizm gheunk naslolea lagim kazar zaunk sodhta zalear, ek khoro Kristanv taka kiteak maniotai diuncho na?

1Kor. 7:39; 2Kor. 6:14, 15

  • Bible-antleo ghoddnneo:

    • Ut. 24:1-4, 7—Abraham zanntto asonui, Jehovachi bhokti korinant tea Kananitkaram modli nhoi, punn tachi bhokti kortat tanchea modli aplea putak bail vinchun kaddunk tannem ghott nichov kelʼlo

    • Ut. 28:1-4—Jakoban Kananitkaram modli nhoi, punn Jehovachi bhokti kortat tanchea modli bail vinchun kaddchi mhunn Izak taka sangta

Aplo ek sevok onbhavarthea lagim kazar zata zalear Jehovak koxem dista?

D.S. 7:3, 4

  • Bible-antleo ghoddnneo:

    • 1Raz. 11:1-6, 9-11—Jehova Solomonacher ragar zalo, karonn videxi bailam lagim kazar zaunchem nhoi mhunn kaido astana-i to tanchea lagim kazar zalo, ani tanchem aikon khottea devanchi bhokti korunk laglo

    • Ne. 13:23-27—Izraelitkar dadle videxi bailam lagim kazar zale tednam, Jehova Deva bhaxen, Razpal Nehemiasan khub ragar zaun tankam xist dili ani tanchi chuk sudharunk sangli

Visvaxiponni Jehovachi seva korta toslo ani borem nanv aslolo kazari sangati vinchun kaddop zannvaiechem, oxem ami kiteak mhunnonk xoktat?

Mho. 18:22; 31:10, 28

Ef. 5:28-31, 33 pasun polloiat

  • Bible-antleo ghoddnneo:

    • 1Sam. 25:2, 3, 14-17—Abigailacho ghov Nabal girest aslo, punn to krur ani vaitt sobhavacho aslo dekhun, to boro ghov zaunk pavonk na

    • Mho. 21:9—Sarko kazari sangati vinchun kaddinant zalear, ami tachea sangata khuxal ani xantin ravonk xokchimnant

    • Rom. 7:2—Ek bail kazar zata tednam, ti oporipurnn aslolea ghovachea odhikara khala ieta mhunn apostl Paulun somzailem. Tor ek zannvaiechi bail aplo kazari sangati vinchun kaddtta tednam, ti bariksannen vinchun kaddttoli

Kazar zaunk sodhtat zalear

Ek dadlo kazar zaunk sodhta zalear, tannem aplea bailechi ani bhurgeanchi kallji gheunk zatoli mhunn kiteak khatri korun gheunk zai?

1Tim. 5:8

  • Bible-antli ghoddnni:

    • Mho. 24:27—Kazar zaunk sodhtolea munxan aplea bailecho ani bhurgeancho samball korunk toiar asonk zai. Oxem kortolo zalear tannem kazara poilinch vavr korunk zai

Dating kortana dusream koddlean margdorxon ghevop ani eka-mekachea bhailea rupacher nhoi, punn gunnancher dhean divop kiteak gorjechem?

Mho. 13:10; 1Ped. 3:3-6

  • Bible-antleo ghoddnneo:

    • Ruth 2:4-7, 10-12—Ruth khub mhenot kortali, Naomi koddem bore toren vagtali, Jehovacho khub mog kortali ani patiepa sarke lok pasun tichea vixim borem uloitale. Hem soglem polloun, Ruth kosle torechi bail tem Boaz zannam zaunk pavlo

    • Ruth 2:8, 9, 20—Boaz doiall, udar kallzacho ani Jehovacho khub mog korta mhunn Ruthan polloilem

Dating kortana ani kazarachem utor zalea uprant, ek zoddpem noitik ritin nitoll ravlolem Jehovak kiteak zai?

Gal. 5:19; Kol. 3:5; 1Tes. 4:4

  • Bible-antleo ghoddnneo:

    • Mho. 5:18, 19—Fokot kazari zoddpim thoddea khas vattamnim eka-mekak mog dakhounk xoktat

    • Git. 1:2; 2:6—Gonvlli ani Shulam ganvchem cheddum dating kortalim tednam, tannim eka-mekak aplim bhavnam sarke toren dakhoun dilim, punn tannim kainch vaitt korunk na

    • Git. 4:12; 8:8-10—Shulamachea cheddvak apleacher tabo aslo. Tika, bond kelʼlea bagek sor kelea

Eka zoddpean kaidea pormonnem kiteak kazar zaunk zai?

Mt. 22:21; Rom. 13:1; Tit. 3:1

Ghovacheo zobabdareo

Ghovamnim kitem kelʼlem Jehovak zai?

Ef. 5:23, 25, 28-31, 33

Ghovamnim konnachi dekh gheunk zai?

1Kor. 11:3; Ef. 5:23

Apunn aplea bailecho mog korta mhunn ani ticheo gorzo ani bhavnam somzota mhunn eka ghovan kiteak dakhounk zai?

Kol. 3:19; 1Ped. 3:7

  • Bible-antleo ghoddnneo:

    • Ut. 21:8-12—Saran jem sanglem tem Abrahamak avddonk naslem, tori astana Jehovan taka tichem aik mhunn sanglem

    • Mho. 31:10, 11, 16, 28—Ek zannvaiecho ghov aplea bailek, soglem apleak zai toxench korunk sangona, tachea bodlek to ticher visvas dovorta. Toxench to ticheo chuki sodhina, punn tichi tokhnnai korta

    • Ef. 5:33—Ghov aplea bailecho mog korta mhunn tika disonk zai, oxem apostl Paulun dakhoun dilem

Bailecheo zobabdareo

Eke bailek Jehovan kosleo zobabdareo dileat?

Ut. 2:18; Kol. 3:18; Tit. 2:4, 5

Eke bailecheo zobabdareo unnea molacheo asat kai?

Ut. 1:26-28, 31; 2:18

  • Bible-antleo ghoddnneo:

    • Mho. 1:8; 1Kor. 7:4—Kazari jivitant ani familint bailek ani avoik pasun Devan thoddo odhikar dila

    • 1Kor. 11:3—Jehovak soddun dor ekleak ek mukheli asa mhunn apostl Paulun dakhoun dilem

    • Heb. 13:7, 17—Sobhent dadleamnim toxench bailamnim fuddakar gheunk nemleant, tanchea adhin ravonk zai ani tanchem aikonk zai

Eke Kristi bailecho ghov onbhavarthi aslear pasun ti Jehovak koxi khuxal korunk xokta?

1Kor. 7:13-16; 1Ped. 3:1, 2

Eke bailen aplea ghovak kiteak resped diunk zai?

Ef. 5:33

  • Bible-antli ghoddnni:

    • Ut. 18:12; 1Ped. 3:5, 6—Saran aplea ghovak man dilo. Ti kallzantlean taka aplo “dhoni” mhunn mantali

Bible-ant koslea toreche bailechi tokhnnai kelea?

Mho. 19:14; 31:10, 13-31

  • Bible-antleo ghoddnneo:

    • Ut. 24:62-67—Izakachi avoi bhair poddtta tednam Rebeka taka bhuzvonn dita

    • 1Sam. 25:14-24, 32-38—Abigailacho ghov murkh aslo dekhun, ti Davida lagim doia dakhoi mhunn vinoti korun, aplea ghovak ani ghorabeak salvar korta

    • Est. 4:6-17; 5:1-8; 7:1-6; 8:3-6—Esther Rani aplo jiv dokheant ghalun don pavtti apounnem nastana aplea ghova lagim, mhunnche Raza lagim vochon Devachea lokanchi rakhonn kor mhunn tachea lagim vinoti korta

Oddchonneancho fuddo korop

Eka kazari zoddpeachea jivitant oddchonneo ietat tednam tancho fuddo korunk Bible-antlim khoinchim totvam tankam modot korunk xoktat?

1Kor. 13:4-8; Ef. 5:33; Kol. 3:12-14

Poixeam vixim sarkem chintop dovrunk eka kazari zoddpeak khoinchim totvam modot korunk xoktat?

Luk. 12:15; Filp. 4:5; 1Tim. 6:9, 10; Heb. 13:5

“Poixe” pasun polloiat

Soiream lagim vo sasupai ani sasumai lagim eka kazari zoddpeachem borem pottona zalear tankam khoinchim totvam modot korunk xoktat?

St. 34:14; Mt. 19:5, 6; 1Kor. 13:4, 5

Kuddichea sombonda vixim eka kazari zoddpeak khoinchim totvam modot korunk xoktat?

Mho. 5:15-20; Mt. 5:27, 28; 1Kor. 7:3-5; 10:24; Filp. 2:4; Heb. 13:4

Kazari sangateachea chukincher dhean diunchea bodlek tachea vo tichea borea gunnancher dhean divop kiteak gorjechem?

St. 103:14; 130:3, 4; Mho. 17:9; 1Ped. 4:8

Rag dhorun ravchea bodlek mogan rokddeoch oddchonneo suttaveo korop kiteak borem zaun asa?

St. 37:8; Mho. 14:29; Ef. 4:26, 27; Jak. 1:19, 20

Ragan borop, bob marop, opman korop ani marop, oxem eka Kristanvan kednanch korunk zaina. Kiteak?

St. 11:5; Gal. 5:19-21; Ef. 4:31, 32; Tit. 3:2

Ghov-bailam modem oddchonneo ietat tednam ghovacho ani bailecho dhei kitem asonk zai?

St. 34:14; Mt. 5:9; Rom. 12:17, 18, 21

Kazari jivitant Jehova Devak poilea zagear dovorlear kitem besanvam mellttolim?

Up. 4:9-12

Kazari jivita pasot dorje

Kazari jivita vixim ani kuddichea sombonda vixim Jehovache dorje kitem zaun asat?

Mho. 6:32; Mt. 5:27, 28; 1Kor. 6:9, 10; Heb. 13:4

Eka Kristanvak tachi bail vo ghov astana anik bail vo ghov korop sarkem kai?

Mt. 19:8, 9; 1Kor. 7:2; 1Tim. 3:2, 12

Kazar fokot dadlo ani baile modem zaunk zai mhunn amkam koxem kolltta?

Ut. 2:18, 22, 24; Mt. 19:4-6; Rom. 1:23-27

Kazari zoddpeamnim sangata kiteak ravonk zai?

Mk. 10:6-9; Rom. 7:2, 3; 1Kor. 7:10, 11

Bible-a pormonnem divors diunk ekuch karonn asa tem khoinchem?

Mt. 5:32; 19:9

Bible-ant sanglam tea karonna bhair, ek Kristanv divors dita tednam Jehovak koxem dista?

Mal. 2:13-16

Ekleacho ghov vo bail morta tednam tannem vo tinnem porot kazar zaunk zata kai?

Rom. 7:2, 3; 1Kor. 7:39

 

Tumkam Hem-ui Avoddttolem

AMCHEA VIXIM

Tumkam Bhett Diunk Vinonti Korat

Bible-acher adarit aslolea prosnacher bhasabhas korat, vo Jehovachea Sakxeam vixim anik zannam zaiat.

SODANCHEA JIVITA PASOT BIBLE-ANTLEAN MODOT

Kazar

Konkani (Romi)
Kazar
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl panam 58-62
DOWNLOAD KHOINCHEA RITIN KORCHEM
Kazar
Digital prokaxonam khoinche ritin download korchim Sodanchea Jivita Pasot Bible-antlean Modot