Chint diun ani magnnem korun toiari kor. Tujem dhean svotacher nhoi punn tujea sondexacher dovorunk magnnem korun adar mag. Mukhel mudʼde sarke motint dovor. Tuje vichar tujea utramnim sang. Boroiloli asat toxinch utram uzar korun sangom naka.

Kallza thaun uloi. Tuzo sondex aiknnareamnim aikon ghevop kiteak gorjecho tem chint. Tujem dhean aiknnareancher dovor. Tednam tuka tanchi porva asa ani tum sangta tem khorem mhunn tujea tonddar ani hav-bhavant tankam dison ietolem.

Tujea aiknnareank polloun uloi. Aiknnareank vaitt disonam zalear, tanchea tonddak polloun uloilear chodd borem. Bhaxonn dita tednam, akʼkhea zomeak pollounche bodlek, eka vellar eka munxak polloun uloi.