Was mir us de Bible chönnd lerne
Chumm mit uf e Ziitreis: Vo de Schöpfig bis zu de Geburt vo Jesus und denn no wiiter, bis s Königriich vo Gott da isch.
En Brief vo de Leitende Körperschaft
Wie mer das Buech brucht.
GSCHICHT 1
Gott macht de Himmel und d Erde
D Bible seit, Gott het de Himmel und d Erde gmacht. Aber was het er als Allererschts erschaffe?
GSCHICHT 2
Gott macht de erscht Maa und di erschti Frau
Gott macht de erscht Maa und di erschti Frau und si dörfed im Garte Eden wohne. Er wet, dass si Chind hend und di ganzi Erde zumene Paradiis mached.
GSCHICHT 3
De Adam und d Eva losed nid uf Gott
Was isch a eim Baum im Garte Eden so bsundrigs? Werum isst d Eva d Frucht vo dem Baum?
GSCHICHT 4
Verruckt sii isch gfährlich
Gott het am Opfer vom Abel Freud, aber a dem vom Kain nid. Das macht de Kain sehr verruckt und er macht öppis Schlimms.
GSCHICHT 5
D Arche Noah
Bösi Engel chömmed uf d Erde abe und hürated. Mit ihrne Fraue chömmed si Söhn über, wo brutali Riise werded. Überall isch Gwalt. Aber de Noah isch andersch: Er het Gott sehr gern und lost uf ihn.
GSCHICHT 6
Acht Mensche werded grettet
Es regnet 40 Täg und 40 Nächt. De Noah und sini Familie sind meh als eis Jahr i de Arche. Nachher chönnd si endlich usegah.
GSCHICHT 7
De Turm vo Babel
D Mensche fanged a, e Stadt z baue und en sehr höche Turm. Wiso macht Gott plötzlich, dass si verschideni Sprache reded?
GSCHICHT 8
De Abraham und d Sara losed uf Gott
Wiso verlönd de Abraham und d Sara d Stadt und lebed vo jetzt a i Zelt?
GSCHICHT 9
Endlich en Sohn!
Wie haltet Jehova sis Verspreche, wo er em Abraham gee het? Und wele Sohn vom Abraham wählt er für das us: de Ismael oder de Isaak?
GSCHICHT 10
Denk a d Frau vom Lot
Gott laat Füür und Schwefel uf Sodom und Gomorra regne. Werum zerstört er die Städt? Und werum sötted mir a d Frau vom Lot denke?
GSCHICHT 11
Em Abraham sin Glaube wird prüeft
Gott seit zum Abraham: «Nimm bitte din einzige Sohn und gang mit ihm uf en Berg im Land Moria und tuen ihn dört opfere.» Wie reagiert de Abraham?
GSCHICHT 12
S Erb chunnt de Jakob über
De Isaak und d Rebekka hend Zwilling: De Esau und de Jakob. De Esau isch älter und chunnt wege dem es bsundrigs Erb über. Werum git er das für en Teller Esse uf?
GSCHICHT 13
De Jakob und de Esau mached Fride
Wie schaffts de Jakob, vomene Engel gsegnet z werde? Wie macht er mit sim Brüeder Esau Fride?
GSCHICHT 15
Jehova vergisst de Joseph nid
De Joseph isch zwar wiit weg vo sinere Familie, aber Gott laat ihn nid allei.
GSCHICHT 17
De Moses entscheidet sich für Jehova
De chli Moses wird grettet, wil sis Mami en muetige Plan het.
GSCHICHT 19
Di erschte drü Plage
De Pharao bringt Unglück über sis Volk, nume wil er z stolz isch, zu öppis Eifachem Ja z säge.
GSCHICHT 22
S Wunder am Rote Meer
De Pharao überlebt di 10 Plage, aber wird er au s nöchschte Wunder vo Gott überlebe?
GSCHICHT 23
Es Verspreche für Jehova
Wo d Israelite bim Berg Sinai sind, gebed si Gott es bsundrigs Verspreche.
GSCHICHT 24
Si halted ihres Verspreche nid
I dere Ziit, wo de Moses uf em Berg di 10 Gebot überchunnt, mached d Israelite en schlimme Fehler.
GSCHICHT 26
Di 12 Spion
De Josua und de Kaleb denked nid gliich wie di andere 10 Männer, wo s Land Kanaan göhnd go usspioniere.
GSCHICHT 27
Si rebelliered gege Jehova
De Korah, de Dathan, de Abiram und 250 anderi Männer verstöhnd nid, was für Jehova wichtig isch.
GSCHICHT 30
D Rahab versteckt d Spion
D Muure vo Jericho krached zäme. Aber de Rahab ihres Huus, wo uf de Stadtmuur staht, gaht nid kaputt.
GSCHICHT 31
De Josua und d Gibeoniter
De Josua betet zu Gott und seit: «Sunne, bliib stah!» Was passiert denn?
GSCHICHT 32
En neue Afüehrer und zwei muetigi Fraue
Nach em Tod vom Josua, fanged d Israelite a, Götze azbete. Wege dem gahts ihne schlecht, bis ihne drü muetigi Diener vo Jehova helfed.
GSCHICHT 33
D Ruth und d Noomi
Nachdem d Männer vo de Ruth und de Noomi gstorbe sind, göhnd si uf Israel zrugg. Dört schaffet d Ruth ufeme Feld und lernt de Boas kenne.
GSCHICHT 34
De Gideon besiigt d Midianiter
D Midianiter mached de Israelite s Lebe schwer, drum bitted si Jehova um Hilf. Wie schaffts de Gideon mit sinere chliine Armee, 135 000 Männer z besiige?
GSCHICHT 35
D Hanna betet um en Sohn
De Elkana gaht mit de Hanna, de Peninna und de Chind uf Silo, um Jehova bi de Stiftshütte azbete. Dört betet d Hanna um en Sohn. Es Jahr später chunnt de Samuel uf d Welt.
GSCHICHT 36
S Verspreche vom Jephtha
Was verspricht de Jephtha und werum? Wie reagiert sini Tochter uf das Verspreche?
GSCHICHT 37
Jehova redt mit em Samuel
D Söhn vom Hohe Prieschter Eli halted sich nid a d Gsetz vo Gott. Wil de Samuel andersch isch, redt Jehova emal i de Nacht mit ihm.
GSCHICHT 38
Jehova macht de Simson starch
Gott macht de Simson eso starch, dass er d Israelite vo de Philister cha befreie. Aber de Simson macht en grosse Fehler und d Philister chönnd ihn iisperre.
GSCHICHT 39
De erscht König vo Israel
Gott het de Israelite Richter gee, aber si wend en König. Ihre erscht König isch de Saul. Am Afang lost er uf Gott, aber mit de Ziit änderet sich das.
GSCHICHT 40
De David und de Goliath
Jehova wählt de David als nöchschte König vo Israel us. Das isch e gueti Wahl. Werum?
GSCHICHT 41
De David und de Saul
Wiso fangt de König Saul a, de David z hasse? Und wie reagiert de David uf das?
GSCHICHT 42
De Jonathan isch muetig und treu
Em König Saul sin ältischt Sohn wird de bescht Fründ vom David.
GSCHICHT 44
En Tempel für Jehova
Wie gfallt Gott de Tempel und em Salomo sis Gebet? Und für was isch de Salomo bekannt?
GSCHICHT 49
E bösi Königin wird bestraft
D Isebel tötet de Naboth, nume dass si sin Wiigarte cha ha. Jehova gseht das und bestraft si.
GSCHICHT 50
Jehova kämpft für de Josaphat
De guet König Josaphat betet zu Jehova um Hilf, wo Juda vo Feinde bedroht wird.
GSCHICHT 51
De Chrieger und s chliine Meitli
Es israelitisches Meitli verzellt vo de Chraft vo Jehova und denn passiert es grosses Wunder.
GSCHICHT 52
D Armee vo Jehova us Füür
De Diener vom Elisa gseht di vile Engel, wo mit ihne sind, drum muess er kei Angscht ha vor em Feind.
GSCHICHT 54
Jehova isch mit em Jona geduldig
Wiso wird e Prophet vo Gott vomene grosse Fisch verschluckt? Wie chunnt er da wider use? Und was lernt er vo Jehova?
GSCHICHT 55
De Engel vo Jehova hilft em Hiskia
D Feinde vo Juda behaupted, dass Jehova sis Volk nid wird beschütze. Das stimmt aber nid!
GSCHICHT 56
De Josia liebt s Gsetz vo Jehova
De Josia wird mit 8i König. Er hilft sim Volk, Jehova wider z diene.
GSCHICHT 57
De Jeremia chunnt vo Jehova en Uftrag über
Was dee jung Prophet seit, macht di Ältischte vom Volk verruckt.
GSCHICHT 58
Jerusalem wird zerstört
D Mensche vo Juda wend nid ufhöre, falschi Götter azbete. Drum hilft ihne Jehova nüm.
GSCHICHT 59
Vier Jugendlichi losed uf Jehova
Vier Jugendlichi us Juda wend uf Jehova lose, au wenn si bim König z Babylon lebed.
GSCHICHT 60
Es Königriich, wo für immer bliibt
De Daniel erklärt em Nebukadnezar, was sin komisch Traum bedütet.
GSCHICHT 61
Si verbüged sich nid
De Schadrach, de Meschach und de Abednego beted d Statue vom König nid a.
GSCHICHT 62
De Traum vom grosse Baum
Em Nebukadnezar sin Traum zeigt, was i sinere Zuekunft wird passiere.
GSCHICHT 66
De Esra erklärt s Gsetz vo Gott
D Israelite losed em Esra zue und verspreched denn Jehova öppis Bsundrigs.
GSCHICHT 67
D Muure vo Jerusalem
De Nehemia ghört, dass sini Feinde en Agriff planed. Werum het er kei Angscht?
GSCHICHT 68
D Elisabeth chunnt es Baby über
Wiso cha de Maa vo de Elisabeth erscht wider rede, wo s Baby uf de Welt isch?
GSCHICHT 69
D Maria chunnt Bsuech über vom Engel Gabriel
Was de Engel Gabriel seit, veränderet de Maria ihres ganze Lebe.
GSCHICHT 73
De Johannes tuet de Weg für Jesus vorbereite
Wo de Johannes erwachse isch, wird er e Prophet. Er seit, dass de Messias glii chunnt. Wie reagiered d Mensche druf?
GSCHICHT 75
De Tüfel teschtet Jesus
Wie probiert de Tüfel Jesus drü Mal zu öppis Schlechtem z überrede? Wie reagiert Jesus druf?
GSCHICHT 76
Jesus jagt d Händler us em Tempel use
Werum jagt Jesus d Tier us em Tempel? Und werum rüehrt er d Tisch vo de Geldwechsler um?
GSCHICHT 77
D Frau bim Brunne
Werum isch d Samariterin überrascht, wo Jesus mit ihre redt? Was seit er zu ihre, wo er no niemerem verzellt het?
GSCHICHT 78
Jesus prediget d Botschaft vom Königriich
Jesus ladt es paar vo sine Jünger ii, «Menschefischer» z werde. Später lehrt er 70 vo sine Jünger, wie si di gueti Botschaft chönnd predige.
GSCHICHT 79
Jesus wirkt vil Wunder
Überall, wo Jesus hii gaht, chömmed chranki Lüt zu ihm. Er macht si alli wider gsund. Er uferweckt sogar es chliises Meitli.
GSCHICHT 83
Jesus git Tuusige vo Lüt öppis z esse
Was cha mer us dem Wunder über Jesus und Jehova lerne?
GSCHICHT 84
Jesus lauft uf em Wasser
Chasch du dir vorstelle, wie sich d Aposchtel fühled, wo si das Wunder erlebed?
GSCHICHT 86
Jesus uferweckt de Lazarus
Wo Jesus d Maria gseht brüele, fangt er au grad a. Aber scho glii sind si nüm truurig.
GSCHICHT 87
S Abigmahl
Jesus git sine Aposchtel wichtigi Awiisige, wo si s letschte Mal mitenand essed.
GSCHICHT 88
Jesus wird gfange gno
De Judas Iskariot chunnt mit vilne Männer, wo Schwerter und Chnebel debii hend, i Garte Gethsehmane. Si wend Jesus verhafte.
GSCHICHT 89
De Petrus laat Jesus im Stich
Was passiert mit Jesus im Huus vom Kaiphas? Und was passiert im Innehof?
GSCHICHT 94
D Jünger chömmed de heilig Geischt über
Was chönnd d Jünger, wo si de heilig Geischt überchömmed?
GSCHICHT 95
Nüt cha si stoppe
D Füehrer vo de Jude, wo Jesus töted hend, wend jetzt au sini Jünger stoppe. Aber si schaffeds nid.
GSCHICHT 97
De Kornelius chunnt heilige Geischt über
Wiso schickt Gott de Petrus zu dem Maa, wo kei Jud isch?
GSCHICHT 98
D Chrischte prediged i immer meh Länder
De Aposchtel Paulus und sini Begleiter göhnd in anderi Länder go predige.
GSCHICHT 99
En Gfängniswärter lernt d Wahrheit kenne
Was het e Dämon, es Erdbebe und es Schwert mit dere Gschicht z tue?
GSCHICHT 100
De Paulus und de Timotheus
Si hend vil Jahr zäme für Jehova gschaffed und sind gueti Fründe worde.
GSCHICHT 101
De Paulus wird uf Rom gschickt
D Reis isch gfährlich, aber nüt cha dee Aposchtel ufhalte.
GSCHICHT 103
«Dis Königriich söll cho»
D Offebarig zeigt, wie s Riich vo Gott s Lebe uf de Erde wird verändere.
