Iifüehrig i Teil 6
Wo d Israelite endlich im versprochene Land sind, wird d Stiftshütte zum Zentrum vo de wahre Abetig. D Prieschter lehred s Gsetz und d Richter füehred s Volk. De Teil 6 zeigt, wie starch sich Entscheidige und Handlige vo Einzelne uf anderi tüend uswirke. Jede Israelit het Jehova und au sine Mitmensche gegenüber e Verantwortig. Zeig, wie d Debora, d Noomi, de Josua, d Hanna, d Tochter vom Jephtha und de Samuel ihres Umfeld beiiflusst hend. Tue betone, dass sich sogar Mensche us andere Völker uf d Siite vo de Israelite stelled, wil si wüssed, dass Jehova mit ihne isch. Zu dene ghöred d Rahab, d Ruth, d Jael und d Gibeoniter.
IN DIESER RUBRIK
GSCHICHT 30
D Rahab versteckt d Spion
D Muure vo Jericho krached zäme. Aber de Rahab ihres Huus, wo uf de Stadtmuur staht, gaht nid kaputt.
GSCHICHT 31
De Josua und d Gibeoniter
De Josua betet zu Gott und seit: «Sunne, bliib stah!» Was passiert denn?
GSCHICHT 32
En neue Afüehrer und zwei muetigi Fraue
Nach em Tod vom Josua, fanged d Israelite a, Götze azbete. Wege dem gahts ihne schlecht, bis ihne drü muetigi Diener vo Jehova helfed.
GSCHICHT 33
D Ruth und d Noomi
Nachdem d Männer vo de Ruth und de Noomi gstorbe sind, göhnd si uf Israel zrugg. Dört schaffet d Ruth ufeme Feld und lernt de Boas kenne.
GSCHICHT 34
De Gideon besiigt d Midianiter
D Midianiter mached de Israelite s Lebe schwer, drum bitted si Jehova um Hilf. Wie schaffts de Gideon mit sinere chliine Armee, 135 000 Männer z besiige?
GSCHICHT 35
D Hanna betet um en Sohn
De Elkana gaht mit de Hanna, de Peninna und de Chind uf Silo, um Jehova bi de Stiftshütte azbete. Dört betet d Hanna um en Sohn. Es Jahr später chunnt de Samuel uf d Welt.
GSCHICHT 36
S Verspreche vom Jephtha
Was verspricht de Jephtha und werum? Wie reagiert sini Tochter uf das Verspreche?
GSCHICHT 37
Jehova redt mit em Samuel
D Söhn vom Hohe Prieschter Eli halted sich nid a d Gsetz vo Gott. Wil de Samuel andersch isch, redt Jehova emal i de Nacht mit ihm.
GSCHICHT 38
Jehova macht de Simson starch
Gott macht de Simson eso starch, dass er d Israelite vo de Philister cha befreie. Aber de Simson macht en grosse Fehler und d Philister chönnd ihn iisperre.