Iifüehrig i Teil 7
I dem Teil gahts um d Lebensgschicht vom König Saul und vom König David, und er deckt öppe 80 Jahr ab. Zerscht isch de Saul demüetig und het Ehrfurcht vor Gott. Er tuet sich denn aber verändere und lost nüm uf ihn. Jehova wett ihn drum nüm als König und git em Samuel de Uftrag, er söll de David zum nöchschte König vo Israel salbe. De Saul wird iifersüchtig, drum probiert er de David immer wider z töte. Aber de David rächt sich nie. De Sohn vom Saul, de Jonathan, hebt treu und loyal zum David, wil er weiss, dass Jehova ihn usgwählt het. De David tuet es paar Mal schwer sündige, aber er laat sich vo Jehova jedes Mal korrigiere. Zeig dim Chind: Es isch wichtig, dass mir Jehova immer treu sind und die unterstützed, wo er iigsetzt het.
IN DIESER RUBRIK
GSCHICHT 39
De erscht König vo Israel
Gott het de Israelite Richter gee, aber si wend en König. Ihre erscht König isch de Saul. Am Afang lost er uf Gott, aber mit de Ziit änderet sich das.
GSCHICHT 40
De David und de Goliath
Jehova wählt de David als nöchschte König vo Israel us. Das isch e gueti Wahl. Werum?
GSCHICHT 41
De David und de Saul
Wiso fangt de König Saul a, de David z hasse? Und wie reagiert de David uf das?
GSCHICHT 42
De Jonathan isch muetig und treu
Em König Saul sin ältischt Sohn wird de bescht Fründ vom David.