એમાં કોઈ શંકા નથી કે બાઇબલના જ્ઞાનની ઝલક મેળવીને, યહોવા માટેનો તમારો પ્રેમ વધ્યો હશે! પરંતુ, એ પ્રેમ હજી વધતો રહે એ માટે સતત પ્રયત્નો કરતા રહેવાની જરૂર છે. (૧ પીતર ૨:૨) ઈશ્વરની નજીક રહેવા તમે બાઇબલનો અભ્યાસ ચાલુ જ રાખજો. કાયમ જીવવાની તમારી આશા એના પર જ નભે છે!—યોહાન ૧૭:૩; યહુદા ૨૧ વાંચો.

તમે જેમ જેમ ઈશ્વરના જ્ઞાનમાં વધતા જશો, તેમ તેમ તમારી શ્રદ્ધા મજબૂત થતી જશે. તમારી શ્રદ્ધાથી તમે ઈશ્વરને ખુશ કરી શકશો. (હિબ્રૂ ૧૧:૧, ૬) એ શ્રદ્ધા તમને પોતાનાં પાપોનો દિલથી પસ્તાવો કરવા અને જીવનમાં જરૂરી સુધારા કરવા પ્રોત્સાહન આપશે.—પ્રેરિતોનાં કૃત્યો ૩:૧૯ વાંચો.

બધાને ખુશખબર જણાવવાનું મન થાય છે. એટલે સ્વાભાવિક છે કે તમે જે શીખ્યા છો એ બીજાઓને જણાવવાનું મન થશે. બાઇબલનો અભ્યાસ ચાલુ રાખીને તમે સારી રીતે બાઇબલ વાપરતા શીખશો. પછી, યહોવામાં તમારી શ્રદ્ધા અને ખુશખબર વિષે તમે બીજાઓને જણાવી શકશો.—રોમનો ૧૦:૧૩-૧૫ વાંચો.

ઘણા લોકો ખુશખબર જણાવવાની શરૂઆત પોતાના મિત્રો અને સગાં-સંબંધીઓથી કરે છે. તમે એમ કરો તો સમજી-વિચારીને કરજો. તેઓની માન્યતા ખોટી છે એમ કહેવાને બદલે, ઈશ્વરે આપેલાં વચનો વિષે તેઓને જણાવો. એ પણ યાદ રાખો કે તમે જે કહો છો એના કરતાં, તમારાં સારાં વાણી-વર્તનની લોકો પર વધારે સારી અસર પડશે.—૨ તીમોથી ૨:૨૪, ૨૫ વાંચો.

બાઇબલમાંથી શીખતા રહેશો તેમ ઈશ્વર સાથેનો તમારો સંબંધ ગાઢ બનશે. આમ, તમે ઈશ્વર સાથે અનમોલ સંબંધ બાંધી શકશો. પછી, તેમના કુટુંબનો તમે ભાગ બનશો.—૨ કોરીંથી ૬:૧૮ વાંચો.

બાઇબલમાંથી શીખીને તમે એના સિદ્ધાંતો પ્રમાણે ખરુંખોટું પારખતા શીખશો. બાઇબલનો અભ્યાસ કરતા રહીને તમે ઈશ્વરની ભક્તિમાં પ્રગતિ કરી શકશો. (હિબ્રૂ ૫:૧૩, ૧૪) યહોવાના સાક્ષીઓમાંથી કોઈને કહો કે તમારી સાથે પવિત્ર બાઇબલ શું શીખવે છે? પુસ્તક વાપરીને બાઇબલનો અભ્યાસ કરે. બાઇબલમાંથી તમે જેટલું વધારે શીખશો, એટલું તમારું જીવન વધારે સુખી બનશે!—ગીતશાસ્ત્ર ૧:૧-૩; ૭૩:૨૭, ૨૮ વાંચો.

આનંદી ઈશ્વર યહોવાએ આપણને ખુશખબર આપી છે. તેમના ભક્તોની નજીક જઈને તમે યહોવાની નજીક જઈ શકો છો. (હિબ્રૂ ૧૦:૨૪, ૨૫) યહોવાને ખુશ કરવા બનતા બધા જ પ્રયત્નો કરતા રહો. એમ કરીને તમે હંમેશ માટેના જીવનનો આશીર્વાદ મેળવી શકશો. ખરેખર, ઈશ્વરની નજીક જવું એ જ તમારા માટે સૌથી ઉત્તમ છે!—તીતસ ૧:૨ વાંચો.