ગીતશાસ્ત્ર ૧૧૬:૧-૧૯
૧૧૬ હું યહોવાને ચાહું છું,કેમ કે તે મારો સાદ, મદદ માટેનો મારો પોકાર સાંભળે છે.*+
૨ તે નીચા નમીને મને કાન ધરે છે.+
હું જિંદગીભર તેમને પ્રાર્થના કરીશ.
૩ મોતનાં બંધનોએ મને ઘેરી લીધો.
કબરની જંજીરોએ મને જકડી લીધો.+
મારા પર દુઃખ અને શોકનાં વાદળ છવાઈ ગયાં.+
૪ પણ મેં યહોવાના નામનો પોકાર કર્યો:+
“હે યહોવા, મને બચાવો!”
૫ યહોવા કરુણા* બતાવે છે, તે સાચા ઈશ્વર છે.+
આપણા ઈશ્વર દયાળુ છે.+
૬ યહોવા ભોળા લોકોની રક્ષા કરે છે.+
મને લાચાર બનાવી દેવાયો હતો, પણ તેમણે મને બચાવી લીધો.
૭ મને ફરીથી નિરાંત થશે,કેમ કે યહોવાનો હાથ મારા પર છે.
૮ તમે મને મોતના મોંમાંથી બચાવ્યો,મારાં આંસુ લૂછ્યાં અને મારા પગને ઠોકર ખાતા બચાવી લીધા.+
૯ હું જીવતો રહીશ અને યહોવા સાથે ચાલતો રહીશ.
૧૦ ભલે હું ઘણો દુઃખી થઈ ગયો હતો,પણ મને શ્રદ્ધા હોવાથી હું બોલી ઊઠ્યો.+
૧૧ હું ગભરાઈ ગયો અને મેં કહ્યું:
“દરેક માણસ જૂઠો છે.”+
૧૨ મારા પર કરેલા ઉપકારના બદલામાંહું યહોવાને શું આપું?
૧૩ હું ઉદ્ધારનો પ્યાલો પીશઅને યહોવાના નામનો પોકાર કરીશ.
૧૪ યહોવા આગળ લીધેલી માનતાઓહું તેમના સર્વ લોકોની હાજરીમાં પૂરી કરીશ.+
૧૫ યહોવાની નજરે તેમનાવફાદાર ભક્તોનું મરણ બહુ મૂલ્યવાન* છે.+
૧૬ હે યહોવા, હું કાલાવાલા કરું છું,કારણ કે હું તમારો દાસ છું.
હું તમારો દાસ, તમારી દાસીનો દીકરો છું.
તમે મને મારાં બંધનોથી આઝાદ કર્યો છે.+
૧૭ હું તમને આભાર-અર્પણ ચઢાવીશ,+હું યહોવાના નામનો પોકાર કરીશ.
૧૮ યહોવા આગળ લીધેલી માનતાઓ+હું તેમના સર્વ લોકોની હાજરીમાં પૂરી કરીશ.+
૧૯ હે યરૂશાલેમ, તારી વચ્ચે,યહોવાના મંદિરના આંગણાંમાં એ પૂરી કરીશ.+
યાહનો જયજયકાર કરો!*+
ફૂટનોટ
^ અથવા કદાચ, “હું પ્રેમ કરું છું, કેમ કે યહોવા સાંભળે છે.”
^ અથવા, “કૃપા.”
^ અથવા, “કીમતી.”
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.