ગીતશાસ્ત્ર ૧૩૨:૧-૧૮
ચઢવાનું ગીત.
૧૩૨ હે યહોવા, દાઉદને યાદ કરો,તેનાં બધાં દુઃખોને યાદ કરો.+
૨ તેણે યહોવા આગળ સમ ખાધા હતા,યાકૂબના શક્તિશાળી ઈશ્વર આગળ આવી માનતા લીધી હતી:+
૩ “હું ઈશ્વર માટે મંદિર ન બાંધું ત્યાં સુધી, મારા તંબુમાં કે ઘરમાં જઈશ નહિ,+મારા પલંગ પર, મારી પથારી પર સૂઈશ નહિ,
૪ હું મારી આંખોને ઊંઘવા દઈશ નહિ,કે મારાં પોપચાંને ઝબકી મારવા દઈશ નહિ,
૫ હા, જ્યાં સુધી હું યહોવા માટે મંડપ,યાકૂબના શક્તિશાળી ઈશ્વર માટે ભવ્ય મંદિર ન બાંધું.”+
૬ જુઓ! અમે કરારકોશ* વિશે એફ્રાથાહમાં સાંભળ્યું હતું.+
જંગલના વિસ્તારોમાં એ અમને મળ્યો હતો.+
૭ ચાલો, આપણે તેમના ભવ્ય મંડપમાં જઈએ,+તેમના પગના આસન આગળ નમન કરીએ.+
૮ હે યહોવા, ઊઠો અને તમારા રહેઠાણમાં* આવો.+
હા, તમારો કરારકોશ પણ આવે, જે તમારી તાકાતની નિશાની છે.+
૯ તમારા યાજકો સચ્ચાઈનાં વસ્ત્રો પહેરે,તમારા વફાદાર લોકો ખુશીનો પોકાર કરે.
૧૦ તમારા સેવક દાઉદને તમે વચન આપ્યું હોવાથી,તમારા અભિષિક્તને તરછોડી ન દેશો.+
૧૧ યહોવાએ દાઉદ આગળ સોગંદ ખાધા છે,તે પોતાના આ વચનથી કદીયે ફરી જશે નહિ:
“તારા વંશજોમાંના એકનેહું તારી રાજગાદી પર બેસાડીશ.+
૧૨ જો તારા દીકરાઓ મારો કરાર પાળશે,મારાં શીખવેલાં સૂચનો પાળશે,+તો તેઓના દીકરાઓ પણતારી રાજગાદી પર હંમેશ માટે બેસશે.”+
૧૩ યહોવાએ સિયોન પસંદ કર્યું છે.+
તેમણે પોતાના રહેઠાણ માટે એની તમન્ના રાખતા કહ્યું:+
૧૪ “આ મારું કાયમ માટેનું રહેઠાણ છે.
હું અહીં રહીશ,+ કેમ કે એ જ મારી તમન્ના છે.
૧૫ મારા આશીર્વાદને લીધે એ શહેરમાં ભરપૂર ખોરાક હશે.
એના ગરીબોને હું રોટલીથી સંતોષ આપીશ.+
૧૬ એના યાજકોને હું ઉદ્ધારનાં વસ્ત્રો પહેરાવીશ,+એના વફાદાર લોકો ખુશીનો પોકાર કરશે.+
૧૭ ત્યાં હું દાઉદનું બળ વધારીશ.*
મેં મારા અભિષિક્ત માટે દીવો* તૈયાર કર્યો છે.+
૧૮ હું તેના દુશ્મનોને શરમથી ઢાંકી દઈશ,પણ તેના માથાનો મુગટ* ચમકતો રહેશે.”+
ફૂટનોટ
^ અથવા, “મંડપ.”
^ અથવા, “આરામની જગ્યામાં.”
^ મૂળ, “શિંગ ઊંચું કરીશ.” શબ્દસૂચિમાં “શિંગ” જુઓ.
^ કદાચ વંશજ.
^ અથવા, “તાજ.”
