ગીતશાસ્ત્ર ૧૩૫:૧-૨૧
૧૩૫ યાહનો જયજયકાર કરો!*
યહોવાના નામની સ્તુતિ કરો.
હે યહોવાના સેવકો, સ્તુતિ કરો;+
૨ યહોવાના મંદિરમાં, હા, આપણા ઈશ્વરના ઘરનાં આંગણાંમાંસેવા આપનારાઓ, તેમની સ્તુતિ કરો.+
૩ યાહનો જયજયકાર કરો,* કેમ કે યહોવા ભલા છે.+
તેમના નામનો જયજયકાર કરો,* કેમ કે એ આનંદ આપનારું છે.
૪ યાહે પોતાના માટે યાકૂબને પસંદ કર્યો છે,તેમણે ઇઝરાયેલને પોતાની ખાસ સંપત્તિ* તરીકે પસંદ કર્યો છે.+
૫ હું સારી રીતે જાણું છું કે યહોવા મહાન છે.
આપણા ઈશ્વર બીજા બધા દેવો કરતાં ઘણા મહાન છે.+
૬ આકાશમાં અને પૃથ્વી પર, સાગરોમાં અને એના ઊંડાણોમાં,યહોવા જે ચાહે છે, એ બધું જ કરે છે.+
૭ તે પૃથ્વીને છેડેથી વાદળોને* ઉપર ચઢાવે છે.
તે વરસાદમાં વીજળી ચમકાવે છે.*
તે પોતાના ભંડારોમાંથી પવન ફૂંકાવે છે.+
૮ તેમણે ઇજિપ્તના પ્રથમ જન્મેલાઓને,હા, માણસો અને જાનવરોના પ્રથમ જન્મેલાઓને મારી નાખ્યા.+
૯ તેમણે ઇજિપ્તમાં રાજા* અને તેના બધા સેવકો આગળ+
પરાક્રમો* અને ચમત્કારો કર્યા.+
૧૦ તેમણે ઘણી પ્રજાઓનો નાશ કર્યો+અને શૂરવીર રાજાઓને મારી નાખ્યા.+
૧૧ તેમણે અમોરીઓના રાજા સીહોનને+અને બાશાનના રાજા ઓગને મારી નાખ્યા,+કનાનનાં બધાં રાજ્યોનો વિનાશ કર્યો.
૧૨ તેમણે તેઓનો વિસ્તાર વારસા તરીકે આપ્યો,હા, પોતાના ઇઝરાયેલી લોકોને વારસા તરીકે આપ્યો.+
૧૩ હે યહોવા, તમારું નામ કાયમ ટકી રહે છે.
હે યહોવા, તમારી કીર્તિ* પેઢી દર પેઢી ટકી રહે છે.+
૧૪ યહોવા પોતાના લોકોને બચાવશે,+તે પોતાના ભક્તોને કરુણા બતાવશે.+
૧૫ બીજી પ્રજાઓની મૂર્તિઓ સોના-ચાંદીની છે,એ તો માણસના હાથની કરામત છે.+
૧૬ તેઓને મોં છે, પણ બોલી શકતી નથી.+
આંખો છે, પણ જોઈ શકતી નથી.
૧૭ તેઓને કાન છે, પણ સાંભળી શકતી નથી.
તેઓના મોંમાંથી શ્વાસ પણ નીકળતો નથી.+
૧૮ મૂર્તિઓ ઘડનારા પણ એના જેવા જ થઈ જશે.+
એના પર ભરોસો રાખનારા બધા એવા જ થઈ જશે.+
૧૯ હે ઇઝરાયેલના લોકો, યહોવાની સ્તુતિ કરો.
હે હારુનનું કુટુંબ, યહોવાની સ્તુતિ કરો.
૨૦ હે લેવીનું કુટુંબ, યહોવાની સ્તુતિ કરો.+
યહોવાનો ડર રાખનારાઓ, યહોવાની સ્તુતિ કરો.
૨૧ યરૂશાલેમમાં વસનાર યહોવાની+સિયોનમાંથી સ્તુતિ થાઓ.+
યાહનો જયજયકાર કરો!*+
ફૂટનોટ
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
^ અથવા, “જયજયકાર કરવા સંગીત વગાડો.”
^ અથવા, “ખાસ પ્રજા.”
^ અથવા કદાચ, “તે વરસાદ માટે દ્વાર બનાવે છે.”
^ અથવા, “વરાળને.”
^ અથવા, “ફારુન.” શબ્દસૂચિમાં “ફારુન” જુઓ.
^ અથવા, “નિશાનીઓ બતાવી.”
^ અથવા, “તમારું નામ.” મૂળ, “યાદગીરી.”
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
