ગીતશાસ્ત્ર ૧૪૦:૧-૧૩
સંગીત સંચાલક માટે સૂચન. દાઉદનું ગીત.
૧૪૦ હે યહોવા, દુષ્ટોથી મને બચાવો.
હિંસક માણસોથી મારું રક્ષણ કરો;+
૨ તેઓ પોતાનાં મનમાં કાવતરાં ઘડે છે+અને આખો દિવસ ઝઘડા કરાવે છે.
૩ તેઓ પોતાની જીભ સાપની જીભ જેવી તેજ બનાવે છે.+
તેઓનું બોલવું સાપના ઝેર જેવું ખતરનાક છે.+ (સેલાહ)
૪ હે યહોવા, દુષ્ટોના હાથમાંથી મને બચાવો.+
મને ફસાવવા માટે કાવતરાં ઘડનારાહિંસક માણસોથી મારું રક્ષણ કરો.
૫ ઘમંડી લોકો મારા માટે ફાંદો ગોઠવી રાખે છે.
તેઓ રસ્તા પાસે દોરડાની જાળ ફેલાવે છે.+
તેઓ મને પકડવા છટકું ગોઠવે છે.+ (સેલાહ)
૬ હું યહોવાને કહું છું: “તમે મારા ઈશ્વર છો.
હે યહોવા, મદદ માટેનો મારો પોકાર સાંભળો!”+
૭ હે વિશ્વના માલિક યહોવા, મારા શક્તિશાળી તારણહાર,લડાઈના દિવસે તમે મારું માથું સલામત રાખો છો.+
૮ હે યહોવા, દુષ્ટોની ઇચ્છાઓ પૂરી થવા ન દેતા,તેઓની યોજનાઓ નિષ્ફળ કરો, જેથી તેઓ ફુલાઈ ન જાય. (સેલાહ)+
૯ જેઓ મને ઘેરી વળે છે,તેઓના કાવાદાવા તેઓને જ માથે આવી પડે.+
૧૦ તેઓ પર ધગધગતા અંગારા વરસી પડે.+
તેઓને આગમાં ધકેલી દેવામાં આવે,ઊંડા ખાડામાં+ નાખી દેવામાં આવે, જેથી પાછા ઊઠે જ નહિ.
૧૧ નિંદા કરનારાઓને પૃથ્વી પર* કોઈ જગ્યા ન મળે,+હિંસક માણસોનો બૂરાઈ પીછો કરે અને તેઓને મારી નાખે.
૧૨ હું જાણું છું કે યહોવા દીન-દુખિયાઓનો બચાવ કરશેઅને ગરીબોને ન્યાય અપાવશે.+
૧૩ નેક જનો જરૂર તમારા નામની સ્તુતિ કરશે.
સાચા દિલના લોકો તમારી નજર આગળ વસશે.+
ફૂટનોટ
^ અથવા, “દેશમાં.”
