ગીતશાસ્ત્ર ૧૪૬:૧-૧૦
૧૪૬ યાહનો જયજયકાર કરો!*+
મારું રોમેરોમ યહોવાનો જયજયકાર કરો!+
૨ હું જીવનભર યહોવાની આરાધના કરીશ.
હું જીવીશ ત્યાં સુધી મારા ઈશ્વર માટે સ્તુતિનાં ગીતો ગાઈશ.*
૩ શાસકોમાં* ભરોસો ન રાખ,માણસોમાં પણ નહિ, કેમ કે તેઓ ઉદ્ધાર કરી શકતા નથી.+
૪ માણસનો શ્વાસ* બંધ થઈ જાય છે અને તે પાછો ભૂમિમાં મળી જાય છે;+એ જ દિવસે તેના વિચારો નાશ પામે છે.+
૫ સુખી છે એ માણસ, જેને યાકૂબના ઈશ્વર સહાય કરે છે,+જેને પોતાના ઈશ્વર યહોવામાં આશા છે.+
૬ તેમણે આકાશ અને પૃથ્વી,સમુદ્ર અને એમાંનું બધું બનાવ્યું છે.+
તે હંમેશાં વફાદાર રહે છે.+
૭ ઠગાઈનો ભોગ બનનારાઓને તે ન્યાય આપે છે,ભૂખ્યાઓને તે ખાવાનું આપે છે.+
યહોવા કેદીઓને છોડાવે છે.+
૮ યહોવા આંધળાઓની આંખો ખોલે છે;+યહોવા બોજથી વળી ગયેલા લોકોને ઊભા કરે છે.+
યહોવા નેક લોકોને ચાહે છે.
૯ યહોવા પરદેશીઓનું રક્ષણ કરે છે,અનાથો અને વિધવાઓની સંભાળ રાખે છે,+પણ દુષ્ટોની યોજનાઓ તે ઊંધી વાળે છે.+
૧૦ યહોવા હંમેશ માટે રાજા રહેશે.+
હે સિયોન, તારા ઈશ્વર પેઢી દર પેઢી રાજ કરશે.
યાહનો જયજયકાર કરો!*
ફૂટનોટ
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
^ અથવા, “ગીતો ગાવા સંગીત વગાડીશ.”
^ અથવા, “અધિકારીઓમાં.”
^ શબ્દસૂચિમાં “નેફેશ; સાઈકી” જુઓ.
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
