ગીતશાસ્ત્ર ૨૪:૧-૧૦
-
ગૌરવવાન રાજાધિરાજ પ્રવેશદ્વારોમાં આવે છે
-
‘પૃથ્વી યહોવાની છે’ (૧)
-
દાઉદનું ગીત.
૨૪ પૃથ્વી અને એમાંનું બધું જ યહોવાનું છે.+
ધરતી અને એના પર રહેનારા તેમના છે.
૨ તેમણે સમુદ્રો પર પૃથ્વીનો મજબૂત પાયો નાખ્યો છે+
અને નદીઓ પર એને સ્થિર કરી છે.
૩ યહોવાના પર્વત પર કોણ ચઢી શકશે?+
તેમના પવિત્ર સ્થાનમાં કોણ ઊભો રહી શકશે?
૪ ફક્ત એ જ જેના હાથ શુદ્ધ છે અને જેનું દિલ સાફ છે,+જેણે મારા* જૂઠા સમ ખાધા નથી,જેણે જૂઠા સોગંદ લીધા નથી.+
૫ તે યહોવાના આશીર્વાદો મેળવશે,+ઉદ્ધાર કરનાર ઈશ્વર તેને નેક ઠરાવશે.+
૬ હે યાકૂબના ઈશ્વર, આ પેઢી તમારું માર્ગદર્શન શોધે છે,તેઓ તમારી કૃપા* શોધે છે. (સેલાહ)
૭ ઓ દરવાજાઓ, ઊંચા થાઓ,+ઓ જૂના પ્રવેશદ્વારો, ઊઘડી જાઓ,*જેથી ગૌરવવાન રાજાધિરાજ અંદર આવે!+
૮ આ ગૌરવવાન રાજાધિરાજ કોણ છે?
યહોવા, જે બળવાન અને શૂરવીર છે,+યહોવા, જે બહાદુર યોદ્ધા છે.+
૯ ઓ દરવાજાઓ, ઊંચા થાઓ,+ઓ જૂના પ્રવેશદ્વારો, ઊઘડી જાઓ,જેથી ગૌરવવાન રાજાધિરાજ અંદર આવે!
૧૦ આ ગૌરવવાન રાજાધિરાજ કોણ છે?
એ ગૌરવવાન રાજાધિરાજ તો સૈન્યોના ઈશ્વર યહોવા* છે!+ (સેલાહ)
ફૂટનોટ
^ યહોવાના જીવનને બતાવે છે કે જેના સમ કોઈ વ્યક્તિ લે છે.
^ મૂળ, “તમારું મુખ.”
^ અથવા, “ઊંચા થાઓ.”
