ગીતશાસ્ત્ર ૫:૧-૧૨
સંગીત સંચાલક માટે સૂચન: નહીલોથ* સાથે ગાવું. દાઉદનું ગીત.
૫ હે યહોવા, મારી વાણી સાંભળો,+મારા નિસાસાને ધ્યાન દો.
૨ હે મારા રાજા, મારા ભગવાન, હું તમને આજીજી કરું છું,મારી તરફ જુઓ, હું મદદની ભીખ માંગું છું.
૩ હે યહોવા, સવારે તમે મારો સાદ સાંભળશો,+હું રોજ સવારે તમારી આગળ હૈયું ઠાલવીશ+ અને આતુર મનથી રાહ જોઈશ.
૪ તમે એવા ઈશ્વર નથી કે બૂરાઈથી રાજી થાઓ,+ખરાબ માણસને તમે જરાય ચલાવી લેતા નથી.+
૫ કોઈ ઘમંડી તમારી આગળ ઊભો રહી શકતો નથી.
દુષ્ટ કામો કરનારા સર્વને તમે ધિક્કારો છો.+
૬ જૂઠું બોલનારાઓને તમે ખતમ કરી નાખશો.+
હિંસક અને કપટી લોકોથી* યહોવાને સખત નફરત છે.+
૭ પણ તમારા મહાન પ્રેમને*+ લીધે હું તમારા મંદિરમાં આવીશ,+હું આદરભાવથી તમારા પવિત્ર મંદિર* આગળ માથું નમાવીશ.+
૮ હે યહોવા, મારા દુશ્મનો ટાંપીને બેઠા છે, મને સાચા માર્ગે દોરો.
તમારા માર્ગે ચાલવા મદદ કરો કે મને ઠોકર ન લાગે.+
૯ તેઓની કોઈ વાતનો ભરોસો ન કરાય.
તેઓનું મન મેલું છે.
તેઓનું મોં ખુલ્લી કબર જેવું છે.
તેઓની જીભ મીઠું મીઠું બોલે છે.+
૧૦ પણ ભગવાન તેઓને ગુનેગાર ઠરાવશે.
તેઓએ ખોદેલા ખાડામાં તેઓ પોતે જ પડશે.+
તેઓનાં ઘણાં પાપને લીધે તેઓને હાંકી કાઢો,કેમ કે તેઓએ તમારી વિરુદ્ધ બળવો પોકાર્યો છે.
૧૧ તમારામાં આશરો લેનારાઓ હરખાશે.+
તેઓ હરઘડી ખુશીથી જયજયકાર કરશે.
તમે તેઓનું રક્ષણ કરશો,તમારા નામને ચાહનારા આનંદ મનાવશે.
૧૨ હે યહોવા, તમે સર્વ નેક લોકોને આશીર્વાદ આપશો.
તમે કૃપાની મોટી ઢાલથી તેઓનું રક્ષણ કરશો.+
ફૂટનોટ
^ અથવા, “ખૂની અને દગાખોરથી.”
^ અથવા, “અતૂટ પ્રેમને.”
^ અથવા, “પવિત્ર જગ્યા.” શબ્દસૂચિમાં “પવિત્ર જગ્યા” જુઓ.