ગીતશાસ્ત્ર ૫૧:૧-૧૯
સંગીત સંચાલક માટે સૂચન. દાઉદે બાથ-શેબા+ સાથે વ્યભિચાર કર્યો, ત્યાર બાદ નાથાન પ્રબોધક* દાઉદને મળવા આવ્યો, એ વખતનું દાઉદનું ગીત.
૫૧ હે ભગવાન, તમારા અતૂટ પ્રેમને* લીધે મારા પર કૃપા બતાવો.+
તમારી અપાર દયાને લીધે મારાં પાપ ભૂંસી નાખો.+
૨ મારા અપરાધો પૂરેપૂરા ધોઈ નાખો+અને મારાં પાપથી મને શુદ્ધ કરો.+
૩ હું મારી ભૂલો સારી રીતે જાણું છુંઅને મારું પાપ મારી નજર આગળથી ખસતું નથી.*+
૪ મેં તમારી વિરુદ્ધ, હા, સૌથી વધારે તો તમારી વિરુદ્ધ પાપ કર્યું છે.+
મેં તમારી નજરમાં એકદમ ખરાબ કામ કર્યું છે.+
એટલે તમે બોલો છો એમાં તમે સાચા* છોઅને તમારો ન્યાય સાચો છે.+
૫ જુઓ, હું તો જન્મથી જ પાપી છું,મારી માતાએ ગર્ભ ધારણ કર્યો ત્યારથી મારામાં પાપ વસે છે.+
૬ જુઓ, તમે સાચા દિલના માણસથી ખુશ થાઓ છો.+
મારા મનને બુદ્ધિશાળી બનતા શીખવો.
૭ મારાં પાપમાંથી મને શુદ્ધ કરો,* જેથી હું પવિત્ર થાઉં;+મને નવડાવો, જેથી હું હિમથી પણ સફેદ થાઉં.+
૮ મને ખુશી અને હર્ષનો પોકાર સાંભળવા દો,જેથી તમે ભાંગેલાં હાડકાં સાજાં થાય.*+
૯ મારાં પાપ પરથી તમારી નજર હટાવી લો+અને મારી બધી ભૂલો મિટાવી દો.*+
૧૦ હે ભગવાન, મને શુદ્ધ હૃદય આપો,+મને નવું, અડગ મન આપો.+
૧૧ તમારી આગળથી મને કાઢી ન મૂકોઅને મારા પરથી તમારી પવિત્ર શક્તિ* લઈ ન લો.
૧૨ તમે મને બચાવીને જે ખુશી આપી હતી, એવી ખુશી પાછી આપો.+
એવી પ્રેરણા આપો કે હું તમારી આજ્ઞાઓ પાળવા સદા તૈયાર રહું.
૧૩ હું ગુનેગારોને તમારા માર્ગો વિશે શીખવીશ,+જેથી પાપીઓ તમારી પાસે પાછા આવે.
૧૪ હે ઈશ્વર, મારો ઉદ્ધાર કરનાર ઈશ્વર,+ મને ખૂનના દોષથી બચાવી લો.+
એટલે મારી જીભ તમારા ન્યાયના માર્ગ વિશે ખુશીથી ગાશે.+
૧૫ હે યહોવા, મારા હોઠ ઉઘાડો,જેથી મારું મોં તમારો જયજયકાર કરે.+
૧૬ તમને બલિદાન નથી જોઈતું, નહિ તો મેં એ આપ્યું હોત.+
તમને અગ્નિ-અર્પણથી ખુશી થતી નથી.+
૧૭ કચડાયેલું મન એવું બલિદાન છે, જે ઈશ્વરને ગમે છે.
હે ઈશ્વર, દુઃખી અને કચડાયેલા મનને તમે તરછોડી દેશો નહિ.+
૧૮ કૃપા કરીને સિયોનનું ભલું કરો.
યરૂશાલેમની દીવાલો બાંધો.
૧૯ પછી અગ્નિ-અર્પણો અને આખેઆખાં અર્પણોથી,નેક લોકોનાં બલિદાનોથી તમે રાજી થશો.
પછી તમારી વેદી પર આખલા ચઢાવવામાં આવશે.+
ફૂટનોટ
^ અથવા, “મારા મનમાં ભમ્યા કરે છે.”
^ અથવા, “ન્યાયી.” શબ્દસૂચિમાં “ન્યાયી” જુઓ.
^ મૂળ, “મરવો છોડની ડાળીથી મારાં પાપમાંથી મને શુદ્ધ કરો.”
^ મૂળ, “હાડકાંને આનંદ થાય.”
^ અથવા, “મારાં પાપ ભૂંસી નાખો.”
