ગીતશાસ્ત્ર ૬૦:૧-૧૨
સંગીત સંચાલક માટે સૂચન: “યાદ અપાવતું ફૂલ”* ગીતના સૂર પ્રમાણે ગાવું. મિખ્તામ.* દાઉદનું ગીત. શીખવવા માટે. દાઉદે અરામ-નાહરાઇમ અને અરામ-સોબાહ સામે લડાઈ કરી અને યોઆબે પાછા ફરતી વખતે ૧૨,૦૦૦ અદોમીઓને મીઠાની ખીણમાં મારી નાખ્યા, એ વખતનું ગીત.+
૬૦ હે ઈશ્વર, તેં અમને તરછોડી દીધા છે, અમારાં સૈન્યોને વેરવિખેર કરી નાખ્યાં છે.+
તું અમારા પર કોપાયમાન થયો છે, પણ હવે અમને ફરીથી કૃપા બતાવ.
૨ તેં ધરતીને કંપાવી, એને ચીરી નાખી.
હવે એની તિરાડો પૂર, કેમ કે એ તૂટી પડવાની અણીએ છે.
૩ તેં તારા લોકોને મુશ્કેલીઓ સહેવા દીધી.
તેં અમને એવો દ્રાક્ષદારૂ પિવડાવ્યો કે અમે લથડિયાં ખાઈએ.+
૪ તારો ડર રાખનારાઓને નિશાની આપ,*જેથી તેઓ ધનુષ્યના વારથી બચીને નાસી છૂટે. (સેલાહ)
૫ તારા વહાલા લોકોનો ઉદ્ધાર થાય એ માટેઅમને તારા જમણા હાથથી બચાવ અને અમને જવાબ આપ.+
૬ પવિત્ર* ઈશ્વર બોલ્યો છે:
“હું ખુશીથી મારા લોકોને શખેમ વારસામાં આપીશ,+સુક્કોથનો નીચાણ પ્રદેશ* પણ આપીશ.+
૭ ગિલયાદ મારું છે અને મનાશ્શા પણ મારું છે,+એફ્રાઈમ મારા માથાનો ટોપ* છે,યહૂદા મારો રાજદંડ છે.+
૮ મોઆબ મારા હાથ-પગ ધોવાનું વાસણ છે.+
અદોમ પર હું મારું ચંપલ ફેંકીશ.+
પલિસ્તને જીતીને હું ખુશી મનાવીશ.”+
૯ ઘેરાયેલા* શહેર પાસે મને કોણ લઈ જશે?
અદોમ સુધી મને કોણ દોરી જશે?+
૧૦ હે ઈશ્વર, તું અમને જીત અપાવીશ,પણ હમણાં તો તેં અમને ત્યજી દીધા છે.
હે અમારા ઈશ્વર, તું અમારાં સૈન્યો સાથે પણ આવતો નથી.+
૧૧ અમને મુશ્કેલીઓમાં સહાય કર,મનુષ્યો ઉદ્ધાર કરે એવી આશા ઠગારી છે.+
૧૨ ઈશ્વર અમને શક્તિ આપશે,+તે અમારા દુશ્મનોને કચડી નાખશે.+
ફૂટનોટ
^ આ કદાચ તારવાળા વાજિંત્ર, સંગીતની ધૂન કે ગીતના રાગને બતાવે છે. પણ એના ચોક્કસ અર્થની જાણ નથી.
^ અથવા કદાચ, “આપી છે.”
^ અથવા, “સુક્કોથની ખીણ.”
^ અથવા કદાચ, “પવિત્ર જગ્યામાંથી.”
^ મૂળ, “મારો કિલ્લો.”
^ અથવા કદાચ, “કિલ્લેબંધ.”
