ગીતશાસ્ત્ર ૬૪:૧-૧૦
-
છૂપા હુમલાથી રક્ષણ
-
“ઈશ્વર તેઓને બાણ મારશે” (૭)
-
સંગીત સંચાલક માટે સૂચન. દાઉદનું ગીત.
૬૪ હે ભગવાન, હું આજીજી કરું છું, મારું સાંભળો.+
ખૂંખાર દુશ્મનોથી મારો જીવ બચાવો.
૨ દુષ્ટ માણસોનાં છૂપાં કાવતરાંથીઅને દુરાચારીઓના ટોળાથી મારું રક્ષણ કરો.+
૩ તેઓ પોતાની જીભને તલવાર જેવી તેજ કરે છે.
તેઓ પોતાના કઠોર શબ્દો બાણની જેમ તાકે છે,
૪ જેથી તેઓ છુપાઈને નિર્દોષ પર હુમલો કરે.
તેઓ ડર્યા વગર, અચાનક તેને બાણ મારે છે.
૫ તેઓ પોતાના દુષ્ટ ઇરાદાઓમાં રચ્યાપચ્યા રહે છે.*
તેઓ પોતાના ફાંદાઓ છુપાવવાની ચર્ચા કરે છે.
તેઓ કહે છે: “એ ફાંદાઓની કોને ખબર પડવાની છે?”+
૬ તેઓ દુષ્ટ કામો કરવા નવી નવી તરકીબો શોધે છે.
તેઓ છૂપી રીતે કપટી યોજનાઓ ઘડે છે.+
તેઓના મનમાં શું ચાલે છે, એ જાણવું અશક્ય છે.
૭ પણ ઈશ્વર તેઓને બાણ મારશે+
અને તેઓ તરત એનાથી ઘાયલ થશે.
૮ તેઓની જ જીભ તેઓનો વિનાશ લાવશે.+
તેઓને જોનારાઓ તિરસ્કારથી માથું ધુણાવશે.
૯ બધા માણસો ગભરાશે,તેઓ ઈશ્વરનાં કામો જાહેર કરશેઅને તેમનાં કાર્યોની તેઓને સમજણ પડશે.+
૧૦ નેક જનો યહોવાને લીધે આનંદ કરશે અને તેમનામાં આશરો લેશે.+
સાચા દિલના બધા લોકો તેમનો મહિમા ગાશે.
ફૂટનોટ
^ અથવા, “તેઓ એકબીજાને દુષ્ટતા કરવા ઉશ્કેરે છે.”
