ગીતશાસ્ત્ર ૮૧:૧-૧૬
ગિત્તીથ* વિશે સંગીત સંચાલક માટે સૂચન. આસાફનું ગીત.+
૮૧ ઈશ્વર આપણું બળ છે, તેમની આગળ ખુશીથી પોકારી ઊઠો,+યાકૂબના ઈશ્વરની આગળ વિજયનો પોકાર કરો.
૨ સંગીત વગાડો, ખંજરી ઉપાડો,તારવાળા વાજિંત્ર સાથે મધુર વીણા વગાડો.
૩ ચાંદરાતે* અને પૂનમની રાતે રણશિંગડું વગાડો,+કેમ કે એ આપણા માટે તહેવારનો દિવસ છે.+
૪ ઇઝરાયેલ માટે એ ફરમાન છે,યાકૂબના ઈશ્વરનો એ આદેશ છે.+
૫ ઈશ્વર જ્યારે ઇજિપ્તની વિરુદ્ધ થયા,+ત્યારે તેમણે યૂસફ માટે આ નિયમ ઠરાવ્યો હતો.+
મને એક અજાણી વાણી* સંભળાઈ:
૬ “મેં તેના ખભા પરનો બોજ ઉપાડી લીધો,+તેના હાથમાંથી ટોપલો લઈ લીધો.
૭ તારા સંકટમાં તેં પોકાર કર્યો અને મેં તને છોડાવ્યો.+
ગર્જના કરનારાં વાદળોમાંથી મેં તને જવાબ આપ્યો.+
મરીબાહના* પાણી પાસે મેં તારી કસોટી કરી.+ (સેલાહ)
૮ હે મારા લોકો, સાંભળો. હું તમને ચેતવણી આપું છું.
ઓ ઇઝરાયેલીઓ, તમે મારું સાંભળો તો કેવું સારું!+
૯ તો તમારી વચ્ચે બીજો કોઈ દેવ ન હોત,તમે કોઈ પારકા દેવ આગળ નમ્યા ન હોત.+
૧૦ હું યહોવા તમારો ઈશ્વર છું,હું જ તમને ઇજિપ્ત દેશમાંથી બહાર કાઢી લાવ્યો છું.+
તમારું મોં ખોલો, તમે ધરાઓ ત્યાં સુધી હું ખવડાવીશ.+
૧૧ પણ મારા લોકોએ મારી વાણી સાંભળી નહિ.
ઇઝરાયેલે મારું કહેવું માન્યું નહિ.+
૧૨ એટલે તેઓનાં હઠીલાં હૃદય પ્રમાણે મેં તેઓને ચાલવા દીધા.
તેઓએ પોતાની મનમાની કરી.+
૧૩ કાશ, મારા લોકોએ મારું સાંભળ્યું હોત+અને ઇઝરાયેલ મારા માર્ગે ચાલ્યો હોત!+
૧૪ તો તેઓના દુશ્મનોને મેં તરત હરાવી દીધા હોત,તેઓના શત્રુઓ વિરુદ્ધ મારો હાથ ઉગામ્યો હોત.+
૧૫ યહોવાને નફરત કરનારાઓ તેમની આગળ થરથર કાંપશે.
તેઓનો અંત કાયમી હશે.
૧૬ પણ તને* તો તે સૌથી સારા ઘઉં ખવડાવશે,+ખડકમાંના મધથી તને સંતોષ આપશે.”+
