ગીતશાસ્ત્ર ૮૨:૧-૮
આસાફનું ગીત.+
૮૨ ઈશ્વર પવિત્ર સભામાં બિરાજમાન થયા છે,+તે દેવોની* વચ્ચે ન્યાય કરે છે અને કહે છે:+
૨ “ક્યાં સુધી તમે ન્યાય ઊંધો વાળશો+
અને દુષ્ટોનો પક્ષ લેશો?+ (સેલાહ)
૩ દીન-દુખિયા અને અનાથોનો બચાવ* કરો.+
લાચાર અને નિરાધારોનો ન્યાય કરો.+
૪ દીન-દુખિયા અને ગરીબોને છોડાવો.
તેઓને દુષ્ટના પંજામાંથી બચાવી લો.”
૫ ન્યાયાધીશો નથી કંઈ જાણતા, નથી કંઈ સમજતા,+તેઓ અંધારામાં આમતેમ ફાંફા મારે છે.
નથી રહ્યો ઇન્સાફ કે નથી રહ્યો નિયમો માટે કોઈ આદર.*+
૬ “મેં* કહ્યું, ‘તમે દેવો* છો,+તમે બધા સર્વોચ્ચ ઈશ્વરના દીકરાઓ છો.
૭ પણ માણસોની જેમ તમે મરણ પામશો,+બીજા અધિકારીઓની જેમ તમારો અંત આવશે.’”+
૮ હે ઈશ્વર, ઊઠો અને પૃથ્વીનો ન્યાય કરો,+કેમ કે બધી પ્રજાઓ તમારી જ છે.
ફૂટનોટ
^ અથવા, “દેવો જેવાની.” દેખીતું છે, અહીં ઇઝરાયેલના ન્યાયાધીશોની વાત થાય છે.
^ અથવા, “ઇન્સાફ.”
^ મૂળ, “પૃથ્વીના તમામ પાયા હાલી ઊઠ્યા છે.”
^ એટલે કે, ઈશ્વર.
^ અથવા, “દેવો જેવા.”
