ગીતશાસ્ત્ર ૮૫:૧-૧૩
સંગીત સંચાલક માટે સૂચન. કોરાહના દીકરાઓનું ગીત.+
૮૫ હે યહોવા, તમે તમારા દેશ પર કૃપા વરસાવી છે.+
ગુલામીમાં ગયેલાં યાકૂબનાં બાળકોને તમે પાછાં લાવ્યાં છો.+
૨ તમે તમારા લોકોની ભૂલ માફ કરી દીધી છે.
તમે તેઓનાં બધાં પાપ માફ કરી દીધાં છે.+ (સેલાહ)
૩ તમે તમારો કોપ રોકી રાખ્યો છે,તમે તમારા ગુસ્સાની આગ ઠારી દીધી છે.+
૪ અમારો ઉદ્ધાર કરનાર ઈશ્વર, અમારા પર ફરીથી કૃપા બતાવો.*
અમારા પર નારાજ રહેશો નહિ.+
૫ શું તમે સદાને માટે અમારા પર ગુસ્સો કરશો?+
શું તમારો કોપ પેઢી દર પેઢી સળગતો રહેશે?
૬ શું તમે અમને ફરીથી તાજગી નહિ આપો,જેથી તમારા લોકો તમારા લીધે ખુશી મેળવે?+
૭ હે યહોવા, તમારો અતૂટ પ્રેમ* બતાવો+
અને અમારો ઉદ્ધાર કરો.
૮ સાચા ઈશ્વર યહોવા જે કહે છે એ હું સાંભળીશ,કેમ કે તે પોતાના ભક્તો, પોતાના વફાદાર લોકો સાથે શાંતિની વાત કરશે.+
પણ તેઓ ફરીથી પોતાના પર વધારે પડતો ભરોસો રાખે, એવું થવા ન દેશો.+
૯ ઈશ્વર પોતાનો ડર રાખનારાઓને જરૂર બચાવશે,+જેથી આપણા દેશમાં તેમનું ગૌરવ રહે.
૧૦ અતૂટ પ્રેમ અને વફાદારી સંપીને રહેશે.
સચ્ચાઈ અને શાંતિ એકબીજાને ચુંબન કરશે.+
૧૧ ધરતીમાંથી વફાદારીનો ફણગો ફૂટી નીકળશે,આકાશમાંથી સચ્ચાઈ* ઝળહળશે.+
૧૨ હા, યહોવા આબાદી આપશે.*+
આપણી ધરતી પોતાની ફસલ આપશે.+
૧૩ ઇન્સાફ* તેમની આગળ ચાલશે+અને તેમનાં પગલાં માટે માર્ગ તૈયાર કરશે.
ફૂટનોટ
^ અથવા, “અમને ફરીથી ભેગા કરો.”
^ અથવા, “ન્યાય.” શબ્દસૂચિમાં “ન્યાયી” જુઓ.
^ અથવા, “જે સારું છે એ આપશે.”
^ અથવા, “ભલાઈ.”
