ગીતશાસ્ત્ર ૮૭:૧-૭
-
સાચા ઈશ્વરનું શહેર સિયોન
-
જેઓનો જન્મ સિયોનમાં થયો (૪-૬)
-
કોરાહના દીકરાઓનું ગીત.+
૮૭ ઈશ્વરના શહેરનો પાયો પવિત્ર પર્વતોમાં છે.+
૨ યહોવાને યાકૂબના બધા તંબુઓ કરતાં,સિયોનના દરવાજા વધારે વહાલા છે.+
૩ હે સાચા ઈશ્વરના શહેર, તારા વિશે કેવી સારી સારી વાતો થાય છે!+ (સેલાહ)
૪ મને જાણનારાઓમાં* હું રાહાબ*+ અને બાબેલોનની ગણતરી કરીશ.
આ રહ્યા પલિસ્ત, તૂર અને કૂશ.*
એ દરેક વિશે એવું કહેવામાં આવશે કે, “એનો જન્મ ત્યાં થયો હતો.”
૫ સિયોન વિશે આવું કહેવામાં આવશે:
“એમાં દરેકેદરેકનો જન્મ થયો હતો.”
સર્વોચ્ચ ઈશ્વર એને સ્થિર રાખશે.
૬ લોકોની નોંધણી કરતી વખતે, યહોવા જાહેર કરશે:
“આનો જન્મ ત્યાં થયો હતો.” (સેલાહ)
૭ ગાનારાઓ+ અને નાચનારાઓ+ કહેશે:
“સિયોન મારા આશીર્વાદોનો* ઝરો છે.”+
ફૂટનોટ
^ અથવા, “સ્વીકાર કરનારાઓમાં.”
^ અહીં કદાચ ઇજિપ્તની વાત થાય છે.
^ અથવા, “ઇથિયોપિયા.”
^ અથવા, “સિયોન મારા માટે બધી વસ્તુઓનો.”
