ગીતશાસ્ત્ર ૯૨:૧-૧૫
સાબ્બાથના* દિવસ માટે ગીત.
૯૨ કેવું સારું કે યહોવાનો આભાર માનીએ,+હે સર્વોચ્ચ ઈશ્વર, તમારા નામના ગુણગાન ગાઈએ,*
૨ સવારે તમારો અતૂટ પ્રેમ જણાવીએ+અને રાતે તમારી વફાદારી જાહેર કરીએ;
૩ એની સાથે દસ તારવાળું વાજિંત્ર અને સિતાર વગાડીએ,વીણાનો સૂર રેલાવીએ.+
૪ હે યહોવા, તમારાં કાર્યોથી તમે મને ખુશી આપી છે.
તમારા હાથનાં કામોને લીધે, હું તમારો જયજયકાર કરીશ.
૫ હે યહોવા, તમારાં કામ કેવાં મહાન છે!+
તમારા વિચારો કેટલા ઊંડા છે!+
૬ બુદ્ધિ વગરનો માણસ એ જાણી શકતો નથી.
મૂર્ખ માણસ આ વાત સમજી શકતો નથી:+
૭ ભલે દુષ્ટો ઘાસની જેમ ફૂટી નીકળેઅને બધા અપરાધીઓ ફૂલે-ફાલે,પણ તેઓનો કાયમ માટે વિનાશ થશે.+
૮ હે યહોવા, તમે સદા માટે સર્વોચ્ચ ઈશ્વર છો.
૯ હે યહોવા, તમારા દુશ્મનોની પડતી જુઓ,જુઓ કે તમારા વેરીઓનો કેવો વિનાશ થાય છે!
બધા ગુનેગારોને કેવા વેરવિખેર કરી દેવામાં આવે છે!+
૧૦ પણ તમે મારી તાકાત જંગલી સાંઢ જેટલી વધારશો.*
હું મારા શરીરે તાજું તેલ ચોળીશ, જેથી મને તાજગી મળે.+
૧૧ મારી આંખો દુશ્મનોની હાર જોશે.+
મારા કાન સાંભળશે કે મારા પર હુમલો કરનારા દુષ્ટોની કેવી પડતી થઈ છે.
૧૨ નેક લોકો ખજૂરીની જેમ ફૂલશે-ફાલશે,લબાનોનના દેવદારની જેમ ઘટાદાર થશે.+
૧૩ તેઓને યહોવાના મંદિરમાં રોપવામાં આવ્યા છે.
તેઓ આપણા ઈશ્વરનાં આંગણાંમાં ખીલી ઊઠ્યા છે.+
૧૪ ઘડપણમાં પણ તેઓ ફૂલશે-ફાલશે.+
તેઓ તાજા-માજા અને લીલાછમ રહેશે+
૧૫ અને પોકારશે કે યહોવા જ સાચા છે.
તે મારા ખડક છે,+ જેમનામાં કોઈ બૂરાઈ નથી.
