ગીતશાસ્ત્ર ૯૫:૧-૧૧
૯૫ આવો, યહોવાને ખુશીથી પોકારીએ!
આપણા ઉદ્ધારના ખડકનો આનંદથી જયજયકાર કરીએ.+
૨ તેમનો આભાર માનતાં માનતાં તેમની આગળ આવીએ.+
તેમનાં ગીતો ગાઈએ અને વિજયનો પોકાર કરીએ.
૩ યહોવા મહાન ઈશ્વર છે.
બધા દેવો કરતાં મહાન રાજા છે.+
૪ પૃથ્વીનાં ઊંડાણો તેમના હાથમાં છે.
પર્વતોનાં શિખરો પણ તેમનાં જ છે.+
૫ સમુદ્ર તેમણે બનાવ્યો છે, એ તેમનો છે+અને કોરી ભૂમિની રચના પણ તેમણે જ કરી છે.+
૬ આવો, આપણા સર્જનહાર યહોવા આગળ ઘૂંટણિયે પડીએ.+
તેમની ભક્તિ કરીએ અને તેમને નમન કરીએ.
૭ તે આપણા ભગવાન છે,આપણે તેમનાં ચારાનાં ઘેટાં છીએ,તે પોતાનાં ઘેટાંની સંભાળ રાખે છે.+
આજે જો તમે તેમનું સાંભળો,+
૮ તો તમારું દિલ કઠણ ન કરતા,જેમ તમારા બાપદાદાઓએ મરીબાહમાં*અને વેરાન પ્રદેશના માસ્સાહમાં* કર્યું હતું.+
૯ તેઓએ ત્યાં મારી કસોટી કરી.+
મારા ચમત્કારો જોયા હતા, છતાં મને પડકાર ફેંક્યો.+
૧૦ મને એ પેઢી પર ૪૦ વર્ષો સુધી નફરત થઈ અને મેં કહ્યું:
“તેઓનાં દિલ હંમેશાં ભટકી જાય છે.
તેઓ મારા માર્ગો જાણતા નથી.”
૧૧ એટલે મેં ગુસ્સે ભરાઈને સોગંદ લીધા:
“તેઓ મારા આરામમાં પ્રવેશ કરશે નહિ.”+
