ગીતશાસ્ત્ર ૯૭:૧-૧૨
૯૭ યહોવા રાજા બન્યા છે!+
પૃથ્વી ખુશી મનાવો+અને ટાપુઓ આનંદ કરો.+
૨ વાદળો અને ગાઢ અંધકાર તેમની ચારે બાજુ છે.+
સચ્ચાઈ અને ઇન્સાફ તેમના રાજ્યાસનનો પાયો છે.+
૩ તેમનો અગ્નિ આગળ આગળ જાય છે+અને બધી બાજુ દુશ્મનોને ભસ્મ કરી નાખે છે.+
૪ તેમની વીજળીના ચમકારાથી ધરતી ઝગમગી ઊઠે છે.
પૃથ્વી એ જોઈને થરથર કાંપે છે.+
૫ આખી ધરતીના માલિક યહોવા આગળપર્વતો મીણની જેમ પીગળી જાય છે.+
૬ આકાશો તેમનો સાચો માર્ગ જાહેર કરે છે,બધા લોકો તેમનું ગૌરવ જુએ છે.+
૭ કોતરેલી મૂર્તિઓને પૂજનારાઓ,પોતાના નકામા દેવોની બડાઈ હાંકનારાઓ ફજેત થાઓ.+
હે બધા દેવો, તેમની આગળ નમન* કરો.+
૮ હે યહોવા, તમારા ન્યાયચુકાદાઓ વિશે સાંભળીને+સિયોન આનંદ કરે છે.+
યહૂદાનાં નગરો* ખુશી મનાવે છે.
૯ હે યહોવા, તમે આખી પૃથ્વી પર સર્વોચ્ચ ઈશ્વર છો.
તમે બીજા બધા દેવો કરતાં મહાન છો.+
૧૦ હે યહોવાને ચાહનારાઓ, ખરાબ કામોને ધિક્કારો.+
તે પોતાના વફાદાર ભક્તોનાં જીવનનું રક્ષણ કરે છે.+
તે તેઓને દુષ્ટના પંજામાંથી છોડાવે છે.+
૧૧ નેક લોકો માટે પ્રકાશ ફેલાયો છે,+ખરાં દિલના લોકો માટે આનંદ આનંદ છવાયો છે.
૧૨ હે નેક દિલ લોકો, યહોવાને લીધે હરખાઓ.
તેમના પવિત્ર નામનો જયજયકાર કરો.
