ગીતોનું ગીત ૧:૧-૧૭
૧ ગીતોમાં સૌથી સુંદર ગીત,* સુલેમાનનું ગીત:+
૨ “તારા હોઠોથી મને ચુંબન કર,કેમ કે તારો પ્રેમ દ્રાક્ષદારૂ કરતાં ઉત્તમ છે.+
૩ તારા અત્તરની મહેક મન મોહી લે છે.+
તારું નામ માથા પર રેડાયેલા ખુશબોદાર તેલ જેવું છે.+
એટલે જ તો યુવતીઓ તને ચાહે છે.
૪ રાજા મને તેના શયનખંડમાં લાવ્યો છે!
તું મને અહીંથી લઈ જા.* ચાલ, આપણે દૂર ભાગી જઈએ.
સાથે મળીને આનંદ કરીએ, હા, ખુશી મનાવીએ.
ચાલ, તારા પ્રેમની વાતો કરીએ, તારો પ્રેમ દ્રાક્ષદારૂ કરતાં ઉત્તમ છે.
એટલે તો તેઓ* તારા પર મોહી પડી છે.
૫ હે યરૂશાલેમની દીકરીઓ, હું કેદારના તંબુઓ+ જેવી શ્યામ* છું,પણ સુલેમાનના તંબુઓ+ જેવી રૂપાળી છું.
૬ હું શ્યામ છું, એટલે મને જોયા ન કરો,કેમ કે સૂર્યના તાપે મને દઝાડી છે.
મારા ભાઈઓ મારા પર ગુસ્સે હતા;તેઓએ મને દ્રાક્ષાવાડીઓની રખેવાળ ઠરાવી હતી,એટલે હું મારી પોતાની દ્રાક્ષાવાડી સંભાળી ન શકી.
૭ હે મારા વાલમ, મને કહે,તું તારાં ટોળાંને ક્યાં ચરાવે છે?+
બપોરના સમયે તેઓને ક્યાં સુવડાવે છે?
તારા સાથીદારોનાં ટોળાંમાંહું કેમ ઓઢણીથી* મારું મોં ઢાંકીને ફરું?”
૮ “હે યુવતીઓમાં સૌથી ખૂબસૂરત યુવતી, જો તને ખબર ન હોય,તો ટોળાંને પગલે પગલે ચાલી જા,અને ભરવાડોના તંબુની બાજુમાં તારી બકરીઓ ચરાવ.”
૯ “મારી પ્રિયતમા, મારી નજરમાં તું રાજાના* રથોએ જોડેલી ઘોડી જેવી સુંદર છે.+
૧૦ ઘરેણાં* તારા સુંદર ગાલની,હા, મોતીની માળા તારા ગળાની શોભા વધારે છે.
૧૧ અમે તારા માટે ચાંદી જડેલાંસોનાનાં આભૂષણો* ઘડાવીશું.”
૧૨ “રાજા પોતાની મેજ પર બેઠો છે,પણ મારા અત્તરની*+ ખૂશબૂ મારા વાલમને પોકારે છે.
૧૩ મારો સાજન સુગંધીદાર બોળની*+ થેલી જેવો છે,જે આખી રાત મારી છાતીને વળગી* રહે છે.
૧૪ મારો પ્રીતમ એન-ગેદીની+ દ્રાક્ષાવાડીમાં ઊગેલામેંદીના ગુચ્છા જેવો છે.”+
૧૫ “ઓ મારી પ્રેમિકા, તું અતિ સુંદર છે.
તું રૂપ રૂપનો અંબાર છે. તારી આંખો કબૂતરની આંખો જેવી છે.”+
૧૬ “ઓ મારા વહાલા, તું ખૂબ દેખાવડો અને સોહામણો છે.+
આ લીલું ઘાસ આપણું બિછાનું છે.
૧૭ દેવદારનું ઝાડ આપણા ઘરનો* મોભ છે,ગંધતરુનું* ઝાડ આપણી છત છે.
ફૂટનોટ
^ અથવા, “ગીતોનું ગીત.”
^ મૂળ, “ખેંચીને લઈ જા.”
^ એટલે કે, યુવતીઓ.
^ મૂળ, “કાળી.”
^ અથવા, “વિલાપની ઓઢણીથી.”
^ અથવા, “ઇજિપ્તના રાજાના; ફારુનના.”
^ અથવા કદાચ, “તારી લટો.”
^ અથવા, “સોનાની દામણી.”
^ મૂળ, “જટામાંસીના તેલની.” શબ્દસૂચિમાં “જટામાંસી” જુઓ.
^ મૂળ, “મારાં સ્તનોની વચ્ચે.”
^ અથવા, “આલીશાન ઘરનો.”
^ દેવદારની જાતનું એક ઝાડ.
