ઝખાર્યા ૯:૧-૧૭
૯ ઈશ્વરનો ન્યાયચુકાદો:
“યહોવાનો સંદેશો હાદ્રાખ દેશ વિરુદ્ધ છે,દમસ્ક એના નિશાના પર છે,*+કેમ કે યહોવાની આંખો માણસો પર+અને ઇઝરાયેલનાં બધાં કુળો પર છે.
૨ એ સંદેશો તેની સરહદે આવેલા હમાથ વિરુદ્ધ છે,+તૂર+ અને સિદોન વિરુદ્ધ પણ છે,+ જેઓ પોતાને બહુ શાણા સમજે છે.+
૩ તૂરે પોતાના માટે કિલ્લો* બાંધ્યો છે.
તેણે ધૂળની જેમ ચાંદીના ઢગલે-ઢગલા કર્યા છે,અને રસ્તાની માટીની જેમ સોનું ભેગું કર્યું છે.+
૪ જુઓ! યહોવા તેની બધી સંપત્તિ લૂંટી લેશે,તેની સેનાને સમુદ્રમાં* મારી નાખશે.+
એ નગરી આગમાં ભસ્મ થઈ જશે.+
૫ એ જોઈને આશ્કલોન ગભરાઈ જશે,ગાઝા ચિંતામાં ડૂબી જશે,એક્રોન દુઃખી દુઃખી થઈ જશે, કેમ કે તેની આશા નિરાશામાં ફેરવાઈ ગઈ હશે.
ગાઝામાંથી રાજાનો નાશ થશેઅને આશ્કલોનમાં કોઈ રહેશે નહિ.+
૬ પરદેશીના દીકરાઓ આશ્દોદમાં વસશે.
હું પલિસ્તનું ઘમંડ ઉતારી દઈશ.+
૭ હું તેના* મોંમાંથી લોહી દૂર કરીશ,તેના દાંતમાંથી ધિક્કારપાત્ર ખોરાક કાઢી નાખીશ,તેના બચી ગયેલા લોકો ઈશ્વરના થશે,તે યહૂદામાં શેખ* બનશે,+એક્રોનના લોકો યબૂસીઓ જેવા થશે.+
૮ હું છાવણી નાખીને મારા ઘરની ચોકી કરીશ,+જેથી કોઈ આવજા ન કરે અને ફરી કોઈ જુલમી* ત્યાંથી પસાર ન થાય,+કેમ કે મારી આંખોએ એ* જોયું છે.
૯ હે સિયોનની દીકરી, બહુ આનંદ કર!
હે યરૂશાલેમની દીકરી, વિજયગીત ગા!
જો, તારો રાજા તારી પાસે આવે છે.+
તે નેક* છે અને ઉદ્ધાર લાવે છે,*તે નમ્ર છે+ અને ગધેડા પર સવારી કરે છે,તે ખોલકા પર, હા, ગધેડીના બચ્ચા પર બેસીને આવે છે.+
૧૦ હું એફ્રાઈમમાંથી યુદ્ધના રથોઅને યરૂશાલેમમાંથી ઘોડાઓ લઈ લઈશ.
યુદ્ધનાં ધનુષ્યો લઈ લેવામાં આવશે.
દેશોમાં તે શાંતિ જાહેર કરશે.+
તેની સત્તા સમુદ્રથી સમુદ્ર સુધી,અને નદીથી* લઈને પૃથ્વીના છેડા સુધી હશે.+
૧૧ હે સ્ત્રી,* મેં તારી સાથે કરાર* કર્યો છે, જે લોહીથી અમલમાં આવ્યો છે.
એ કરારને લીધે હું તારા કેદીઓને સૂકા ટાંકામાંથી બહાર કાઢીશ.+
૧૨ હે આશા રાખનાર કેદીઓ, મજબૂત ગઢમાં પાછા આવો.+
આજે હું તને કહું છું,‘હે સ્ત્રી, હું તને બમણો આશીર્વાદ આપીશ.+
૧૩ કેમ કે હું યહૂદાને વાળીને એને મારું ધનુષ્ય બનાવીશ,અને એફ્રાઈમને એ ધનુષ્ય પર ચઢાવીશ.*
હે સિયોન, હું તારા દીકરાઓનેગ્રીસના દીકરાઓ વિરુદ્ધ ઉશ્કેરીશ.
હે સિયોન, હું તને યોદ્ધાની તલવાર બનાવીશ.’
૧૪ યહોવા સાબિત કરશે કે તે પોતાના લોકોની સાથે છે,તેમનું તીર વીજળીવેગે આગળ વધશે.
વિશ્વના માલિક* યહોવા રણશિંગડું વગાડશે+અને દક્ષિણથી ફૂંકાતા તોફાનની જેમ તે દુશ્મનો પર ધસી આવશે.
૧૫ સૈન્યોના ઈશ્વર યહોવા પોતાના લોકોનું રક્ષણ કરશે,દુશ્મનો ગોફણથી હુમલો કરશે, પણ તેઓ દુશ્મનોને હરાવી દેશે.+
દ્રાક્ષદારૂના નશામાં ચકચૂર હોય એમ તેઓ ખુશ થઈને શોરબકોર કરશે.
તેઓ વાટકાની જેમ અને વેદીના* ખૂણાની જેમ છલકાઈ જશે.+
૧૬ જેમ ઘેટાંપાળક પોતાનાં ઘેટાંને બચાવે છે,+તેમ એ દિવસે તેઓના ઈશ્વર યહોવા પોતાના લોકોને બચાવશે,મુગટનાં રત્નોની જેમ તેઓ તેમના દેશમાં ચમકશે.+
૧૭ તેમની ભલાઈ કેટલી ઉત્તમ છે!+
તેમનું ગૌરવ કેટલું મહાન છે!
અનાજ યુવાનોને મજબૂત કરશેઅને નવો દ્રાક્ષદારૂ યુવતીઓને નિખારશે.”+
ફૂટનોટ
^ મૂળ, “દમસ્ક એની આરામની જગ્યા છે.”
^ અથવા, “રક્ષણ આપતી દીવાલો કે ઢોળાવ.”
^ અથવા કદાચ, “સમુદ્ર પર.”
^ એટલે કે, પલિસ્ત.
^ શેખ એટલે કુળનો મુખી.
^ અથવા, “કઠોરતાથી કામ કરાવનાર.”
^ દેખીતું છે, એ તેમના લોકો પર થતા જુલમને બતાવે છે.
^ અથવા, “તેણે જીત મેળવી છે; તેનો બચાવ થયો છે.”
^ એટલે કે, યુફ્રેટિસ.
^ એટલે કે, સિયોન અથવા યરૂશાલેમ.
^ એટલે કે, બાણની જેમ ચઢાવવું.
