નીતિવચનો ૧૬:૧-૩૩
૧૬ માણસ મનમાં વિચારો તો ગોઠવે છે,પણ તેનો જવાબ* યહોવા પાસેથી હોય છે.+
૨ માણસને પોતાના બધા માર્ગો સાચા* લાગે છે,+પણ યહોવા દિલના ઇરાદા તપાસે છે.+
૩ તારાં કામો યહોવાના હાથમાં સોંપી દે,+એટલે તારી યોજનાઓ પાર પડશે.
૪ યહોવા પોતાનો હેતુ પૂરો કરવા પોતે રચેલી બધી વસ્તુઓનો ઉપયોગ કરે છે,તેમણે દુષ્ટોને પણ આફતના દિવસ માટે રાખી મૂક્યા છે.*+
૫ જેના દિલમાં ઘમંડ છે, તેને યહોવા ધિક્કારે છે.+
ખાતરી રાખજે, એવો માણસ સજાથી છટકી નહિ શકે.
૬ અતૂટ પ્રેમ* અને વફાદારીથી પાપ માફ થાય છે*+અને યહોવાનો ડર રાખવાને લીધે માણસ બૂરાઈથી દૂર રહે છે.+
૭ યહોવા કોઈ માણસના માર્ગોથી ખુશ થાય ત્યારે,તેના દુશ્મનોને પણ તેની સાથે શાંતિમાં રહેવા દે છે.+
૮ ખોટા રસ્તે ચાલીને ઘણું મેળવવા કરતાં,+સાચા રસ્તે ચાલીને થોડું મેળવવું વધારે સારું.+
૯ માણસ મનમાં યોજના તો ઘડે છે,પણ તેનાં પગલાં યહોવા ગોઠવે છે.+
૧૦ રાજાના હોઠો પર ઈશ્વરનો ચુકાદો હોવો જોઈએ,+તેણે કદી અન્યાય કરવો ન જોઈએ.+
૧૧ અદ્દલ ત્રાજવાં અને સાચા વજનકાંટા યહોવા તરફથી છે,થેલીનાં બધાં વજનિયાં પણ તેમના તરફથી છે.+
૧૨ રાજાઓ દુષ્ટ કામોને ધિક્કારે છે,+કેમ કે તેઓની રાજગાદી ન્યાયના પાયા પર સ્થિર રહે છે.+
૧૩ સાચી વાતોથી* રાજાઓ પ્રસન્ન થાય છેઅને સાચું બોલનાર પર તેઓ પ્રેમ રાખે છે.+
૧૪ રાજાનો ગુસ્સો મરણના સંદેશવાહક જેવો છે,+પણ બુદ્ધિમાન માણસ રાજાનો ગુસ્સો શાંત પાડવાનું જાણે છે.*+
૧૫ રાજાની કૃપાથી માણસનું જીવન ખુશીઓથી ભરાઈ જાય છે,તેની મહેરબાની વસંતના વરસાદનાં* વાદળો જેવી છે.+
૧૬ સોના કરતાં બુદ્ધિ મેળવવી વધારે સારું.+
ચાંદી કરતાં સમજણ મેળવવી વધારે સારું.+
૧૭ નેક માણસ બૂરાઈના રસ્તાથી દૂર રહે છે.
પોતાના માર્ગ પર ધ્યાન આપનાર પોતાનો જીવ બચાવે છે.+
૧૮ અભિમાન વિનાશ લાવે છેઅને ઘમંડી વલણ ઠોકર ખવડાવે છે.+
૧૯ અહંકારીની સાથે લૂંટ વહેંચવા કરતાં,દીન સાથે નમ્રતાથી રહેવું વધારે સારું.+
૨૦ ઊંડી સમજ બતાવનાર સફળ* થાય છે
અને યહોવા પર ભરોસો રાખનાર સુખી છે.
૨૧ બુદ્ધિમાન માણસ સમજુ કહેવાશે+અને માણસના માયાળુ શબ્દોથી* વાત ગળે ઊતરી જાય છે.+
૨૨ જેઓ પાસે સમજણ છે, તેઓ માટે એ જીવનનો ઝરો છે,પણ મૂર્ખોને તેઓની મૂર્ખાઈથી સજા* થાય છે.
૨૩ શાણો માણસ સમજી-વિચારીને પોતાના શબ્દો પસંદ કરે છે+અને તેની વાત સહેલાઈથી ગળે ઊતરી જાય છે.
૨૪ પ્રેમાળ શબ્દો મધપૂડામાંથી ટપકતાં મધ જેવા છે,એ મનને* મીઠા લાગે છે અને હાડકાંને મજબૂત કરે છે.+
૨૫ એક એવો માર્ગ છે, જે માણસને સાચો લાગે છે,પણ આખરે એ મરણ તરફ લઈ જાય છે.+
૨૬ મજૂરનું પેટ તેની પાસે મજૂરી કરાવે છે,તેની ભૂખ* તેને એમ કરવા મજબૂર કરે છે.+
૨૭ નકામો માણસ ખણખોદ કરીને ખરાબ વાતો બહાર કાઢે છે,+તેના શબ્દો ધગધગતી આગ જેવા છે.+
૨૮ કાવતરાખોર* માણસ ઝઘડા કરાવે છે+અને નિંદાખોર માણસ જિગરી દોસ્તોમાં ફૂટ પાડે છે.+
૨૯ ક્રૂર માણસ પોતાના પડોશીને લલચાવે છેઅને તેને ખોટા માર્ગે લઈ જાય છે.
૩૦ તે કાવતરું ઘડતી વખતે આંખ મારે છેઅને ખોટું કામ કરતી વખતે લુચ્ચાઈથી હસે છે.*
૩૧ જો માણસ સાચા માર્ગે ચાલતો હોય,+તો તેના ધોળા વાળ મહિમાનો* મુગટ છે.+
૩૨ શૂરવીર યોદ્ધા કરતાં શાંત મિજાજનો માણસ વધારે સારો+અને શહેર જીતનાર કરતાં ગુસ્સો કાબૂમાં રાખનાર* વધારે સારો.+
૩૩ ભલે ચિઠ્ઠીઓ* ખોળામાં નાખવામાં આવે,+પણ દરેક નિર્ણય યહોવા તરફથી હોય છે.+
ફૂટનોટ
^ અથવા, “પણ ખરો જવાબ.”
^ મૂળ, “શુદ્ધ.”
^ અથવા, “બનાવ્યા છે.”
^ અથવા, “પાપનું પ્રાયશ્ચિત્ત થાય છે.”
^ અથવા, “નેક વાણીથી.”
^ અથવા, “રાજા ગુસ્સે થાય ત્યારે ત્યાંથી નીકળી જાય છે.”
^ વધારે માહિતી ખ-૧૫ જુઓ.
^ મૂળ, “બતાવનારનું ભલું.”
^ અથવા, “દિલને સ્પર્શે એવા શબ્દોથી.”
^ અથવા, “શિસ્ત.” શબ્દસૂચિમાં “શિસ્ત” જુઓ.
^ અથવા, “સ્વાદમાં.” શબ્દસૂચિમાં “નેફેશ; સાઈકી” જુઓ.
^ મૂળ, “તેનું મોં.”
^ અથવા, “મુશ્કેલી ઊભી કરનાર.”
^ મૂળ, “હોઠ દબાવે છે.”
^ અથવા, “સુંદરતાનો.”
^ મૂળ, “પોતાના પર રાજ કરનાર.”
