નીતિવચનો ૩:૧-૩૫
૩ મારા દીકરા, મારી શીખવેલી વાતો ભૂલીશ નહિઅને મારી આજ્ઞાઓ પૂરા દિલથી પાળજે,
૨ જેથી તને લાંબું જીવન મળેઅને તારા જીવનમાં સુખ-શાંતિ આવે.+
૩ અતૂટ પ્રેમ* અને વફાદારી* બતાવવાનું છોડતો નહિ.+
એને હારની જેમ તારા ગળે બાંધી દેઅને તારા દિલ પર લખી લે.+
૪ ત્યારે તું ઈશ્વરની અને લોકોની કૃપા મેળવીશઅને તેઓની નજરમાં સમજુ ગણાઈશ.+
૫ તારા પૂરા દિલથી યહોવા પર ભરોસો રાખ+અને તારી પોતાની જ અક્કલ પર આધાર ન રાખ.+
૬ તારા સર્વ માર્ગોમાં તેમની સલાહ સ્વીકાર+અને તે તને ખરો માર્ગ બતાવશે.+
૭ તું પોતાને બહુ બુદ્ધિમાન ન ગણ.+
પણ યહોવાનો ડર રાખ અને ખોટા માર્ગેથી પાછો ફર.
૮ એવું કરીશ તો તારું શરીર* તંદુરસ્ત રહેશેઅને તારાં હાડકાંને તાજગી મળશે.
૯ તારી કીમતી વસ્તુઓથી,તારી ફસલની* ઉત્તમ વસ્તુઓથી* યહોવાનું સન્માન કર.+
૧૦ ત્યારે તારી વખારો અનાજથી ભરેલી રહેશે+અને તારા દ્રાક્ષાકુંડો નવા દ્રાક્ષદારૂથી છલકાતા રહેશે.
૧૧ મારા દીકરા, યહોવાની શિસ્તને* તુચ્છ ન ગણતો+અને તેમના ઠપકાનો નકાર ન કરતો.+
૧૨ કેમ કે જેમ પિતા પોતાના વહાલા દીકરાને ઠપકો આપે છે,+તેમ યહોવા જેને પ્રેમ કરે છે, તેને ઠપકો આપે છે.+
૧૩ સુખી છે એ માણસ, જે બુદ્ધિ* મેળવે છે.+
સુખી છે એ માણસ, જે ઊંડી સમજણ મેળવે છે.
૧૪ ચાંદી કરતાં બુદ્ધિ મેળવવી વધારે સારું.
ચોખ્ખા સોના કરતાં બુદ્ધિ હોવી* વધારે સારું.+
૧૫ બુદ્ધિ કીમતી પથ્થરો* કરતાં પણ વધારે અનમોલ છે.
તને ગમતી કોઈ પણ વસ્તુ બુદ્ધિની તોલે ન આવી શકે.
૧૬ એના જમણા હાથમાં લાંબું જીવન છે,એના ડાબા હાથમાં સમૃદ્ધિ અને વૈભવ છે.
૧૭ એના માર્ગે ચાલવાથી સુખચેન મળે છે,એના રસ્તે ચાલવાથી શાંતિ મળે છે.+
૧૮ એને પકડી રાખનાર લોકો માટે એ જીવનનું ઝાડ છે,અને એને વળગી રહેનાર લોકો સુખી છે.+
૧૯ યહોવાએ પોતાની બુદ્ધિથી પૃથ્વીનો પાયો નાખ્યો.+
તેમણે પોતાની સમજણથી આકાશોને સ્થિર કર્યાં.+
૨૦ તેમના જ્ઞાનથી ઊંડા પાણીના બે ભાગ થઈ ગયાઅને વાદળોમાંથી ઝરમર વરસાદ પડ્યો.*+
૨૧ બેટા, એને* તારી નજરથી દૂર થવા ન દેતો.
તું બુદ્ધિ* અને સમજશક્તિને* પકડી રાખ.
૨૨ એ તને જીવન આપશેઅને સુંદર હારની જેમ તારી શોભા વધારશે.
૨૩ પછી તું તારા માર્ગમાં સહીસલામત ચાલીશઅને તારો પગ કદી ઠોકર નહિ ખાય.+
૨૪ તું ડર્યા વગર નિરાંતે ઊંઘી જઈશ+અને પથારીમાં પડતાં જ તને મીઠી ઊંઘ આવશે.+
૨૫ અચાનક આવી પડતાં સંકટથી તને ડર નહિ લાગે,+દુષ્ટો પર આવનાર તોફાનથી તને બીક નહિ લાગે,+
૨૬ કેમ કે તારો ભરોસો યહોવા પર હશે,+તે તારા પગને જાળમાં ફસાવા નહિ દે.+
૨૭ જો કોઈને મદદની જરૂર હોય અને તું કંઈ કરી શકતો હોય,*તો તેને ના પાડીશ નહિ.+
૨૮ જો તું તારા પડોશીને હમણાં કંઈક આપી શકતો હોય,તો એવું કહીશ નહિ: “જા, કાલે આવજે, કાલે આપીશ!”
૨૯ જો તારો પડોશી તારા પર ભરોસો રાખીને પોતાને સલામત માનતો હોય,તો તેની વિરુદ્ધ કાવતરું ઘડીશ નહિ.+
૩૦ જો કોઈ માણસે તારું કંઈ બગાડ્યું ન હોય,તો કારણ વગર તેની સાથે ઝઘડીશ નહિ.+
૩૧ હિંસક માણસની અદેખાઈ કરીશ નહિ,+તેના પગલે ચાલીશ નહિ.
૩૨ કેમ કે યહોવા આડા માણસને ધિક્કારે છે,+પણ સીધા માણસને પોતાનો જિગરી દોસ્ત બનાવે છે.+
૩૩ દુષ્ટના ઘરને યહોવા શ્રાપ આપે છે,+પણ નેકના ઘરને તે આશીર્વાદ આપે છે.+
૩૪ મશ્કરી કરનારની તે મજાક ઉડાવે છે,+પણ દીન લોકો પર તે કૃપા બતાવે છે.+
૩૫ બુદ્ધિમાનને માન-મહિમા મળશે,પણ મૂર્ખનું અપમાન થશે.+
ફૂટનોટ
^ અથવા, “સત્ય.”
^ મૂળ, “તારી ડૂંટી.”
^ મૂળ, “પ્રથમ ફળથી.” શબ્દસૂચિમાં “પ્રથમ ફળ” જુઓ.
^ અથવા, “કમાણીની.”
^ અથવા, “ડહાપણ.”
^ અથવા, “નફામાં બુદ્ધિ મેળવવી.”
^ અથવા, “પરવાળાં.”
^ અથવા, “આકાશમાંથી ઝાકળ પડ્યું.”
^ દેખીતું છે, એ અગાઉની કલમોમાં જણાવેલા ઈશ્વરના ગુણોને બતાવે છે.
^ અથવા, “વ્યવહારુ બુદ્ધિ.”
^ અથવા, “સમજવાની અને વિચારવાની આવડતને.”
^ અથવા, “તેને મદદ કરવાની તારામાં શક્તિ હોય.”
