પુનર્નિયમ ૩૨:૧-૫૨
૩૨ “હે આકાશ, હું જે કહીશ એ કાને ધર,હે પૃથ્વી, તું મારી વાણી સાંભળ.
૨ મારાં સૂચનો વરસાદની જેમ વરસશે;મારા શબ્દો ઝાકળની જેમ ટપકશે,ઘાસ પર પડતા ઝરમર વરસાદની જેમઅને વનસ્પતિ પર પડતા ઝાપટાની જેમ વરસશે.
૩ હું યહોવાનું નામ જાહેર કરીશ.+
હું આપણા ઈશ્વરની મહાનતા પ્રગટ કરીશ.+
૪ તે તો ખડક છે, તેમનું કામ સંપૂર્ણ છે,+કેમ કે તેમના સર્વ માર્ગો ન્યાયી છે.+
તે વિશ્વાસુ ઈશ્વર છે,+ જે ક્યારેય અન્યાય કરતા નથી.+
તે ન્યાયી* અને સાચા છે.+
૫ પણ ઇઝરાયેલીઓએ દુષ્ટ કામો કર્યાં છે.+
તેઓ ઈશ્વરનાં બાળકો નથી, ખોટ તેઓમાં જ છે.+
તેઓ દુષ્ટ અને આડી પેઢી છે!+
૬ હે મૂર્ખ અને અણસમજુ લોકો,+શું તમે યહોવાને આવો બદલો આપો છો?+
શું તે તમારા પિતા નથી, જેમણે તમારું સર્જન કર્યું છે?+
શું તેમણે જ તમને બનાવ્યા નથી, તમને સ્થિર કર્યા નથી?
૭ જૂના દિવસો યાદ કરો;વીતેલી પેઢીઓનાં વર્ષોનો વિચાર કરો.
તમારા પિતાને પૂછો, તે તમને કહેશે;+તમારા વૃદ્ધોને પૂછો, તેઓ તમને જણાવશે.
૮ જ્યારે સર્વોચ્ચ ઈશ્વરે પ્રજાઓને તેઓનો વારસો આપ્યો,+જ્યારે તેમણે આદમના દીકરાઓને* એકબીજાથી અલગ કર્યા,+ત્યારે તેમણે ઇઝરાયેલના દીકરાઓની સંખ્યા પ્રમાણે+લોકોને હદ ઠરાવી આપી.+
૯ યહોવાના લોકો તેમનો પોતાનો હિસ્સો છે;+યાકૂબ તેમનો વારસો છે.+
૧૦ યાકૂબ તેમને વેરાન પ્રદેશમાં મળ્યો,+સૂમસામ રણપ્રદેશમાં મળ્યો, જ્યાં જંગલી જાનવરોની ત્રાડ ગુંજતી હતી.+
તેમણે ચોતરફથી તેનું રક્ષણ કર્યું, તેની સંભાળ લીધી,+પોતાની આંખની કીકીની જેમ તેનું રક્ષણ કર્યું.+
૧૧ જેમ ગરુડ પોતાનો માળો હલાવે છેઅને નીચે પડતાં બચ્ચાંની ઉપર ઊડે છે,પોતાની પાંખો પ્રસારીને તેઓને ઝીલી લે છેઅને પાંખો પર તેઓને ઉપાડી લે છે,+
૧૨ તેમ એકલા યહોવા તેને* દોરતા રહ્યા;+કોઈ પારકો દેવ તેમની સાથે ન હતો.+
૧૩ ઈશ્વરે તેને પૃથ્વીની ઊંચી ઊંચી જગ્યાઓનો કબજો અપાવ્યો,+એટલે તેણે ખેતરની ઊપજ ખાધી.+
તેમણે ખડકની બખોલમાં મળતા મધથી,ચકમકના ખડકમાં થતા તેલથી તેનું પોષણ કર્યું.
૧૪ ગાયના માખણથી અને ઘેટાં-બકરાંના દૂધથી,તાજાં-માજાં ઘેટાંથી,*બાશાનના નર ઘેટાથી અને બકરાથી,હા, ઉત્તમ ઘઉંથી તેનું પોષણ કર્યું.+
તેં સારામાં સારી દ્રાક્ષથી* બનેલો દ્રાક્ષદારૂ પીધો.
૧૫ યશુરૂન* તાજો-માજો થયો ત્યારે, તેણે બંડ પોકાર્યું અને લાત મારી.
તને ચરબીના થર જામ્યા છે, તું તગડો થયો છે, તું ફૂલી ગયો છે.+
એટલે તે પોતાને બનાવનાર ઈશ્વરને ભૂલી ગયો+અને તેના ઉદ્ધારના ખડકનો તિરસ્કાર કર્યો.
૧૬ તેઓએ પારકા દેવોને ભજીને તેમને ગુસ્સે કર્યા;+તેઓ ધિક્કારને લાયક વસ્તુઓથી તેમને રોષ ચઢાવતા રહ્યા.+
૧૭ તેઓ ઈશ્વરને નહિ, દુષ્ટ દૂતોને* બલિદાનો ચઢાવતા હતા,+એવા દેવો જેઓને તેઓ ઓળખતા પણ ન હતા,જેઓ નવા નવા ઊભા થયા હતા,જેઓને તમારા બાપદાદાઓ પણ ઓળખતા ન હતા.
૧૮ તું તારા ખડકને, તારા પિતાને ભૂલી ગયો,+તને જન્મ આપનાર ઈશ્વરને વીસરી ગયો.+
૧૯ યહોવાએ એ બધું જોયું ત્યારે તેઓનો નકાર કર્યો+કેમ કે તેમનાં દીકરા-દીકરીઓએ તેમને ગુસ્સે કર્યા.
૨૦ એટલે તેમણે કહ્યું, ‘હું તેઓથી મારું મોં ફેરવી લઈશ;+હું જોઈશ કે તેઓના કેવા હાલ થાય છે.
કેમ કે તેઓ હઠીલી પેઢી,+અને દગાખોર દીકરાઓ છે.+
૨૧ જે ઈશ્વર નથી એના દ્વારા તેઓએ મને રોષ ચઢાવ્યો* છે;+તેઓએ પોતાની નકામી મૂર્તિઓથી મને ગુસ્સે કર્યો છે.+
એટલે જે પ્રજા ગણાવાને લાયક નથી એના દ્વારા હું તેઓમાં ઈર્ષા જગાડીશ;+એક મૂર્ખ પ્રજાથી હું તેઓને ગુસ્સે કરીશ.+
૨૨ મારા કોપનો અગ્નિ ભભૂકી ઊઠ્યો છે,+એ કબરના*+ તળિયા સુધી બધું ખાખ કરી દેશે,પૃથ્વી અને એની ઊપજને ભરખી જશે,પહાડોના પાયાઓને સળગાવી દેશે.
૨૩ હું તેઓની આફતો વધારી દઈશ;તેઓ પર મારાં બાણ છોડીશ.
૨૪ તેઓ ભૂખથી કમજોર થઈ જશે,+ધગધગતો તાવ અને ભયંકર વિનાશ તેઓને ભરખી જશે.+
હું તેઓ પર ખૂંખાર જાનવરો મોકલીશ,+ધૂળમાં સરકતા ઝેરી સાપ મોકલીશ.
૨૫ બહાર તલવાર તેઓનાં બાળકો છીનવી લેશે,+અંદર આતંક તેઓને ડરાવી મૂકશે,+જુવાનો અને કુંવારીઓ,શિશુઓ અને વૃદ્ધો, બધાં થરથર કાંપશે.+
૨૬ હું કહી શક્યો હોત: “હું તેઓને વિખેરી નાખીશ;લોકોમાંથી તેઓની યાદ મિટાવી દઈશ.”
૨૭ પણ દુશ્મનો શું કહેશે એની મને ચિંતા છે,+કેમ કે શત્રુઓ ખોટું સમજી બેસશે.+
તેઓ કદાચ કહે: “અમારી તાકાતની જીત થઈ છે;+એમાં યહોવાનો કોઈ હાથ નથી.”
૨૮ ઇઝરાયેલી પ્રજામાં અક્કલનો છાંટોય નથી,*તેઓમાં જરાય સમજણ નથી.+
૨૯ જો તેઓ સમજુ હોત+ અને આના પર ઊંડો વિચાર કર્યો હોત,+ તો કેવું સારું!
કાશ, તેઓએ પરિણામનો વિચાર કર્યો હોત.+
૩૦ એકલો માણસ કઈ રીતે ૧,૦૦૦નો પીછો કરી શકે?
બે માણસ કઈ રીતે ૧૦,૦૦૦ને ભગાડી શકે?+
સિવાય કે તેઓના ખડકે તેઓને વેચી દીધા હોય+અને યહોવાએ તેઓને દુશ્મનોના હાથમાં સોંપી દીધા હોય.
૩૧ અરે, આપણા દુશ્મનો પણ જાણી ગયા છે કે+તેઓનો ખડક આપણા ખડક જેવો નથી.+
૩૨ કેમ કે તેઓનો દ્રાક્ષાવેલો સદોમના દ્રાક્ષાવેલામાંથીઅને ગમોરાહના ખેતરોમાંથી છે.+
તેઓની દ્રાક્ષો ઝેરની દ્રાક્ષો છે.
તેઓની લૂમો કડવી છે.+
૩૩ તેઓનો દ્રાક્ષદારૂ સાપનું ઝેર છે,નાગનું જીવલેણ વિષ છે.
૩૪ મેં તેઓનાં કાર્યો જમા કરી રાખ્યાં છે,એના પર મહોર* લગાવીને મારા ભંડારમાં સાચવી રાખ્યાં છે.+
૩૫ વેર વાળવું અને બદલો લેવો એ મારું કામ છે.+
ઠરાવેલા સમયે તેઓના પગ લપસી જશે,+કેમ કે તેઓની બરબાદીનો દિવસ નજીક છે,તેઓ પર જે આવી પડવાનું છે, એ જલદી જ આવી પડશે.’
૩૬ જ્યારે યહોવા જોશે કે તેમના લોકો નિર્બળ થઈ ગયા છે,તેઓમાં ફક્ત લાચાર અને કમજોર લોકો રહી ગયા છે,ત્યારે તે તેઓનો ન્યાય કરશે+અને પોતાના સેવકો પર તેમને દયા આવશે.*+
૩૭ પછી તે કહેશે, ‘તેઓના દેવો ક્યાં છે?+
તેઓનો ખડક ક્યાં છે, જેમાં તેઓએ આશરો લીધો હતો?
૩૮ જે દેવો તેઓનાં બલિદાનોની ચરબી* ખાતા હતા,તેઓનાં દ્રાક્ષદારૂ-અર્પણોમાંથી* પીતા હતા, તેઓ ક્યાં છે?+
તેઓ આવીને તમારી મદદ કરે.
તેઓ તમારો આશરો બને.
૩૯ જુઓ, હું જ એકમાત્ર ઈશ્વર છું,+મારા સિવાય બીજો કોઈ ઈશ્વર નથી.+
હું જ મોત આપું છું અને હું જ જીવન આપું છું.+
હું જ ઘાયલ કરું છું+ અને હું જ સાજા કરું છું,+મારા હાથમાંથી છોડાવી શકે એવું કોઈ નથી.+
૪૦ કેમ કે હું સનાતન ઈશ્વર છું, હું મારા સમ* ખાઈને કહું છું,+હું મારો હાથ ઊંચો કરીને* સમ ખાઉં છું,
૪૧ જ્યારે હું મારી ચળકતી તલવારને તેજ કરીશ,મારા હાથને ન્યાયચુકાદો લાવવા તૈયાર કરીશ,+ત્યારે હું મારા દુશ્મનો પર વેર વાળીશ+અને મને નફરત કરનારાઓ પાસેથી બદલો લઈશ.
૪૨ કતલ થયેલા લોકોનું અને ગુલામોનું લોહીહું મારાં બાણોને પિવડાવીશ.
દુશ્મન આગેવાનોનાં માથાંનું માંસહું મારી તલવારને ખવડાવીશ.’
૪૩ હે પ્રજાઓ, ઈશ્વરના લોકો સાથે આનંદ કરો,+કેમ કે તે પોતાના સેવકોના લોહીનો બદલો લેશે,+તે પોતાના દુશ્મનો પર વેર વાળશે+અને પોતાના લોકોના દેશ માટે પ્રાયશ્ચિત્ત* કરશે.”*
૪૪ આમ, મૂસા આવ્યો અને નૂનના દીકરા હોશીઆ*+ સાથે મળીને એ ગીતના સર્વ બોલ તેણે લોકોને સંભળાવ્યા.+
૪૫ મૂસાએ બધા ઇઝરાયેલીઓને એ સર્વ કહી સંભળાવ્યું પછી
૪૬ તેણે કહ્યું: “આજે મેં તમને જે જે ચેતવણીઓ આપી છે એના પર તમારું મન લગાડો,+ જેથી તમે તમારા દીકરાઓને એ બધી આજ્ઞાઓ ધ્યાનથી પાળવાનું જણાવી શકો.+
૪૭ કેમ કે એ તમારા માટે ખોખલી વાતો નહિ, પણ તમારું જીવન છે.+ જો તમે એનું પાલન કરશો, તો જ એ દેશમાં લાંબું જીવી શકશો, જેને કબજે કરવા તમે યર્દન પાર કરીને જઈ રહ્યા છો.”
૪૮ એ જ દિવસે યહોવાએ મૂસાને કહ્યું:
૪૯ “મોઆબ દેશમાં યરીખો સામે આવેલા નબો પર્વત+ પર જા, જે અબારીમ પર્વતમાળા+ પર આવેલો છે. ત્યાંથી કનાન દેશ જો, જે હું ઇઝરાયેલીઓને વારસા તરીકે આપું છું.+
૫૦ તું જે પર્વત પર ચઢે છે ત્યાં તારું મરણ થશે અને તને દફનાવવામાં આવશે,* જેમ હોર પર્વત પર તારા ભાઈ હારુનનું મરણ થયું હતું+ અને તેને દફનાવવામાં આવ્યો હતો.*
૫૧ કેમ કે ઝીનના વેરાન પ્રદેશમાં કાદેશના મરીબાહના પાણી+ પાસે ઇઝરાયેલીઓ વચ્ચે તમે બંને બેવફા બન્યા હતા અને ઇઝરાયેલીઓ સામે મને પવિત્ર ઠરાવ્યો ન હતો.+
૫૨ જે દેશ હું ઇઝરાયેલીઓને આપું છું એને તું દૂરથી જોશે, પણ એમાં જઈ નહિ શકે.”+
ફૂટનોટ
^ અથવા કદાચ, “માણસજાતને.”
^ એટલે કે, યાકૂબ.
^ મૂળ, “ઘેટાંની ચરબીથી.”
^ મૂળ, “દ્રાક્ષના લોહીથી.”
^ અર્થ, “નેક માણસ.” ઇઝરાયેલને સન્માન આપતો ખિતાબ.
^ અથવા, “ઈર્ષા જગાડી.”
^ અથવા કદાચ, “સલાહને કાન ધરતી નથી.”
^ અથવા, “તેઓને લીધે પસ્તાવો થશે.”
^ અથવા, “ઉત્તમ બલિદાનો.”
^ મૂળ, “મારા જીવના સમ.”
^ મૂળ, “સ્વર્ગ તરફ ઊંચો કરીને.”
^ અથવા, “દેશને શુદ્ધ કરશે.”
^ એ યહોશુઆનું અસલી નામ હતું. હોશીઆ એ હોશાયાહનું ટૂંકું રૂપ છે, જેનો અર્થ થાય, “યાહથી બચાવાયેલો; યાહે બચાવ્યો.”
^ મૂળ, “તું તારા લોકો સાથે ભળી જશે.”
^ મૂળ, “તે પોતાના લોકો સાથે ભળી ગયો હતો.”
