મીખાહ ૧:૧-૧૬
૧ મોરેશેથના વતની મીખાહને*+ યહોવાનો* સંદેશો મળ્યો. તેને એ સંદેશો યહૂદાના રાજા+ યોથામ,+ આહાઝ+ અને હિઝકિયાના+ દિવસોમાં મળ્યો. મીખાહને સમરૂન અને યરૂશાલેમ વિશે આ દર્શન મળ્યું:
૨ “હે સર્વ લોકો, તમે સાંભળો!
હે પૃથ્વી અને એમાં રહેનારાઓ, તમે ધ્યાન આપો!
યહોવા પોતાના પવિત્ર મંદિરમાં છે.
વિશ્વના માલિક* યહોવા તમારી વિરુદ્ધ સાક્ષી પૂરશે.+
૩ જુઓ! યહોવા પોતાના રહેઠાણમાંથી બહાર નીકળી રહ્યા છે.
તે નીચે ઊતરશે અને પૃથ્વીની ઊંચી ઊંચી જગ્યાઓ પર ચાલશે.
૪ જેમ આગ સામે મીણ પીગળી જાય છેઅને ઢોળાવ પરથી પાણી વહી જાય છે,તેમ પર્વતો તેમના પગ નીચે પીગળી જશે+અને ખીણો* ચિરાઈ જશે.
૫ એ બધું યાકૂબના ગુનાને* લીધે થશે,ઇઝરાયેલના વંશજોનાં* પાપને લીધે થશે.+
યાકૂબના ગુના માટે કોણ જવાબદાર છે?
શું એ સમરૂન નથી?+
યહૂદાનાં ભક્તિ-સ્થળો* માટે કોણ જવાબદાર છે?+
શું એ યરૂશાલેમ નથી?
૬ હું સમરૂનને પથ્થરોનો ઢગલો બનાવી દઈશ.
તેને દ્રાક્ષાવેલા રોપવાની જગ્યા બનાવી દઈશ.
હું તેના પથ્થરોને ખીણમાં ધકેલી દઈશ
અને તેના પાયા ઉઘાડા કરી નાખીશ.
૭ તેની બધી કોતરેલી મૂર્તિઓના ચૂરેચૂરા કરી નાખવામાં આવશે,+તેણે વ્યભિચારથી મેળવેલી ભેટોને આગમાં બાળી નાખવામાં આવશે.+
હું તેની બધી મૂર્તિઓનો નાશ કરી દઈશ.
વ્યભિચારના વેતનથી તેણે જે કંઈ ભેગું કર્યું છે,એ બીજી વેશ્યાઓને વેતન તરીકે આપવામાં આવશે.”
૮ હું વિલાપ કરીશ અને પોક મૂકીને રડીશ.+
હું ઉઘાડા શરીરે અને ઉઘાડા પગે ચાલીશ.+
હું શિયાળની જેમ રડીશઅને શાહમૃગની જેમ શોક કરીશ.
૯ કેમ કે તેના ઘા રુઝાય એમ નથી,+એ ઘાની અસર છેક યહૂદા સુધી પહોંચી છે.+
તેની બીમારી મારા લોકોના દરવાજા સુધી, છેક યરૂશાલેમ સુધી ફેલાઈ છે.+
૧૦ “ગાથમાં એ જાહેર કરશો નહિ,તમે જરાય વિલાપ કરશો નહિ.
હે બેથ-આફ્રાહના* રહેવાસીઓ, ધૂળમાં આળોટો.
૧૧ હે શાફીરના રહેવાસીઓ, નગ્ન અને શરમજનક હાલતમાં પેલે પાર જાઓ.
સાઅનાન નગરના રહેવાસીઓ બહાર આવ્યા નથી.
બેથ-એસેલ તમારો સહારો હતો, પણ હવે તે પોતે વિલાપ કરશે.
૧૨ મારોથના રહેવાસીઓ કંઈક સારું થવાની આશા રાખતા હતા,પણ યહોવાએ યરૂશાલેમના દરવાજે આફત મોકલી છે.
૧૩ હે લાખીશના+ રહેવાસીઓ, રથને ઘોડા જોડો.
તમારાથી જ સિયોનની દીકરીનું પાપ શરૂ થયું છે,તારામાં* ઇઝરાયેલના ગુના જોવા મળ્યા છે.+
૧૪ તું ભેટ-સોગાદો આપીને મોરેશેથ-ગાથને વિદાય કરીશ.
આખ્ઝીબના રહેવાસીઓએ*+ ઇઝરાયેલના રાજાઓને દગો દીધો છે.
૧૫ હે મારેશાહના રહેવાસીઓ,+ હું તમારા પર એક વિજેતા* મોકલીશ, જે તમને જીતી લેશે.+
છેક અદુલ્લામ+ સુધી ઇઝરાયેલનું ગૌરવ છવાઈ જશે.
૧૬ તમે વાળ કપાવીને માથું મૂંડાવો, કેમ કે તમારાં વહાલાં બાળકો પર આફત આવી પડશે.
તમે ગરુડની જેમ બોડા થઈ જાઓ,કેમ કે તમારાં બાળકોને ગુલામીમાં* લઈ જવામાં આવ્યાં છે.”+
ફૂટનોટ
^ વધારે માહિતી ક-૪ જુઓ.
^ મિખાયેલનું ટૂંકું રૂપ (અર્થ, “ઈશ્વર જેવું કોણ છે?”) અથવા મીખાયાહનું ટૂંકું રૂપ (અર્થ, “યહોવા જેવું કોણ છે?”).
^ અથવા, “નીચાણ પ્રદેશો.”
^ અથવા, “બંડને.”
^ અથવા, “ઇઝરાયેલના ઘરનાં.”
^ અથવા, “આફ્રાહના ઘરના.”
^ કદાચ એ સિયોનની દીકરીને રજૂ કરે છે.
^ મૂળ, “આખ્ઝીબનાં ઘરોએ.”
^ અથવા, “કબજે કરનાર માણસ.”