યર્મિયા ૬:૧-૩૦
૬ હે બિન્યામીનના દીકરાઓ, યરૂશાલેમથી દૂર જઈને આશરો લો.
તકોઆમાં+ રણશિંગડું વગાડો,+
બેથ-હાક્કેરેમમાં આગ સળગાવીને સંકેત આપો!
કેમ કે ઉત્તરથી તમારા પર આફત આવી રહી છે, મોટો વિનાશ આવી રહ્યો છે.+
૨ સિયોનની દીકરી સુંદર અને નાજુક-નમણી સ્ત્રી જેવી છે.+
૩ ઘેટાંપાળકો અને તેઓનાં ટોળાં તેની સામે આવશે.
તેઓ તેની ચારે બાજુ તંબુ ઊભા કરશે,+દરેક ઘેટાંપાળક પોતાનું ટોળું ચરાવશે.+
૪ “યરૂશાલેમ સામે યુદ્ધ કરવા તૈયાર થાઓ!*
ચાલો, આપણે ભરબપોરે તેના પર હુમલો કરીએ!”
“અફસોસ છે આપણને, કેમ કે દિવસ ઢળી રહ્યો છે,ધીરે ધીરે અંધારું છવાઈ રહ્યું છે!”*
૫ “ચાલો, રાતે જઈને તેના પર હુમલો કરીએ,તેના કિલ્લાઓને તોડી પાડીએ.”+
૬ સૈન્યોના ઈશ્વર યહોવા કહે છે:
“લાકડાં કાપી લાવો અને યરૂશાલેમ પર હુમલો કરવા ઢોળાવ બાંધો.+
એ નગરી પાસેથી હિસાબ લેવો જ પડશે.
તેનામાં જોરજુલમ સિવાય બીજું કંઈ નજરે પડતું નથી.+
૭ જેમ કૂવો ઠંડું* પાણી સંઘરી રાખે છે,તેમ આ નગરી દુષ્ટતા સંઘરી* રાખે છે.
તેનામાં હિંસા અને વિનાશનો અવાજ સંભળાય છે,+તેનામાં બીમારી અને આફત સિવાય બીજું કંઈ નજરે પડતું નથી.
૮ હે યરૂશાલેમ, ચેતી જા, નહિતર મને તારાથી નફરત થઈ જશે
અને હું તારાથી મારું મોં ફેરવી લઈશ.+
હું તને ઉજ્જડ કરી નાખીશ, તારામાં કોઈ રહેવાસી વસશે નહિ.”+
૯ સૈન્યોના ઈશ્વર યહોવા કહે છે:
“જેમ દ્રાક્ષાવેલાની બચી ગયેલી દ્રાક્ષો ભેગી* કરવામાં આવે છે, તેમ ઇઝરાયેલના બચી ગયેલા લોકોને તેઓ ભેગા કરશે.
દ્રાક્ષો ભેગી કરનારની જેમ ફરી એક વાર તું ડાળી પર હાથ નાખ.”
૧૦ “હું કોની સાથે વાત કરું, કોને ચેતવણી આપું?
મારું કોણ સાંભળશે?
જુઓ! તેઓના કાન બંધ છે,* એટલે તેઓ ધ્યાન આપી શકતા નથી.+
જુઓ! યહોવાના સંદેશાને તેઓ તુચ્છ ગણે છે,+
તેઓને એ જરાય ગમતો નથી.
૧૧ યહોવાનો ક્રોધ મારી અંદર સળગી રહ્યો છે,હવે હું એને સમાવી શકતો નથી.”+
“જા, શેરીમાં ફરતા બાળક પર એ રેડી દે,+ભેગા મળેલા યુવાનો પર એ ઢોળી દે.
માણસને તેની પત્ની સાથે,અને મોટી ઉંમરનાને વયોવૃદ્ધ* સાથે ગુલામ બનાવવામાં આવશે.+
૧૨ તેઓનાં ઘરો બીજાઓને સોંપી દેવામાં આવશે,તેઓનાં ખેતરો અને તેઓની પત્નીઓ પણ બીજાઓને સોંપી દેવામાં આવશે.+
કેમ કે આ દેશના રહેવાસીઓ પર હું મારો હાથ ઉગામીશ,” એવું યહોવા કહે છે.
૧૩ “નાનાથી લઈને મોટા સુધી, બધા બેઈમાની કરીને કમાય છે.+
પ્રબોધકથી લઈને યાજક સુધી, બધા છેતરપિંડી કરે છે.+
૧૪ જરાય શાંતિ નથી,છતાં તેઓ કહે છે, ‘શાંતિ છે! શાંતિ છે!’
એવું કહીને તેઓ મારા લોકોના ઘા* બસ ઉપર ઉપરથી રૂઝવે છે.+
૧૫ શું મારા લોકોને પોતાનાં નીચ કામો માટે શરમ આવે છે?
ના, તેઓને જરાય શરમ આવતી નથી!
તેઓમાં જરાય લાજ-શરમ નથી!+
પડી ગયેલાઓની જેમ તેઓ પણ પડી જશે.
હું તેઓને સજા કરીશ ત્યારે તેઓ ઠોકર ખાશે,” એવું યહોવા કહે છે.
૧૬ યહોવા તેઓને કહે છે:
“ચાર રસ્તે ઊભા રહો અને જુઓ.
પ્રાચીન રસ્તાઓ વિશે પૂછો,સાચા માર્ગ વિશે પૂછો અને એના પર ચાલો+અને શાંતિ મેળવો.”
પણ તેઓ કહે છે: “ના, અમે એના પર નહિ ચાલીએ.”+
૧૭ “મારા ઠરાવેલા ચોકીદારોએ+ કહ્યું,‘રણશિંગડાના અવાજ પર ધ્યાન આપો!’”+
પણ તેઓએ કહ્યું: “ના, અમે ધ્યાન નહિ આપીએ.”+
૧૮ “હે દેશો, સાંભળો!
હે લોકો, જાણો કે તેઓના કેવા હાલ થશે!
૧૯ હે પૃથ્વીના રહેવાસીઓ, સાંભળો!
હું આ લોકો પર આફત લાવું છું,+તેઓનાં કાવતરાંનું પરિણામ તેઓએ ભોગવવું જ પડશે.
કેમ કે તેઓએ મારા સંદેશા પર ધ્યાન આપ્યું નથી,તેઓએ મારા નિયમનો* નકાર કર્યો છે.”
૨૦ “શેબાથી લાવેલા લોબાનની* મને શું જરૂર?
દૂર દેશથી લાવેલા સુગંધીદાર બરુ* મારા શું કામના?
તમારાં અગ્નિ-અર્પણો* હું સ્વીકારતો નથી,તમારાં બલિદાનોથી* હું ખુશ થતો નથી.”+
૨૧ એટલે યહોવા કહે છે:
“હું આ લોકો આગળ ઠોકર ખવડાવનાર પથ્થર મૂકું છું.
તેઓ ઠોકર ખાઈને પડી જશે.
પિતા અને દીકરો બંને પડી જશે,પડોશી અને તેનો સાથી પણ પડી જશે,તેઓ બધા માર્યા જશે.”+
૨૨ યહોવા કહે છે:
“જુઓ! ઉત્તર દેશથી એક પ્રજા આવી રહી છે,પૃથ્વીના છેડેથી એક મોટી પ્રજાને ઊભી કરવામાં આવશે.+
૨૩ તેઓ પોતાના હાથમાં ધનુષ્ય અને ભાલા લેશે.
તેઓ ક્રૂર છે, તેઓમાં જરાય દયા નથી.
તેઓનો અવાજ સમુદ્રની ગર્જના જેવો છે.
તેઓ ઘોડાઓ પર સવારી કરે છે.+
હે સિયોનની દીકરી, એક યોદ્ધાની જેમ તેઓ તારી સામે લડવા તૈયાર થયા છે.”
૨૪ અમને એની ખબર મળી છે.
અમારા હાથ ઢીલા પડી ગયા છે.+
અમે નિરાશામાં ડૂબી ગયા છીએ,અમને પ્રસૂતિની પીડા જેવી વેદના થાય છે.+
૨૫ ખેતરોમાં જશો નહિ,રસ્તા પર ચાલશો નહિ,કેમ કે દુશ્મનના હાથમાં તલવાર છે,ચારે બાજુ આતંક ફેલાયો છે.
૨૬ હે મારા લોકોની દીકરી,કંતાન પહેર+ અને રાખમાં આળોટ.
જેમ કોઈ પોતાના એકના એક દીકરા માટે ભારે વિલાપ કરે, તેમ તું વિલાપ કર,+
કેમ કે નાશ કરનાર અચાનક આપણા પર તૂટી પડશે.+
૨૭ “મેં તને* ધાતુ શુદ્ધ કરનાર જેવો બનાવ્યો છે,કેમ કે તારે મારા લોકોને શુદ્ધ કરવાના છે.
તું મારા લોકોનાં વાણી-વર્તનની સારી રીતે તપાસ કર.
૨૮ તેઓ બધા જિદ્દી છે,+તેઓ એકબીજાની નિંદા કરતા ફરે છે.+
તેઓ તાંબા અને લોઢા જેવા કઠણ છે.
તેઓ બધા ભ્રષ્ટ છે.
૨૯ ધમણ* બળીને ખાખ થઈ ગઈ છે.
આગમાંથી સીસું જ નીકળે છે.
ધાતુ ગાળનાર સખત મહેનત કરે છે, પણ એ નકામું છે,+કેમ કે દુષ્ટ લોકોને અલગ કરવામાં આવ્યા નથી.+
૩૦ લોકો તેઓને નકામી ચાંદી કહેશે,કેમ કે યહોવાએ તેઓને નકામા ગણીને છોડી દીધા છે.”+
ફૂટનોટ
^ મૂળ, “યુદ્ધને પવિત્ર ઠરાવો.”
^ અથવા, “સાંજનો પડછાયો લાંબો થઈ રહ્યો છે.”
^ અથવા, “તાજું.”
^ અથવા, “તાજી.”
^ શબ્દસૂચિમાં “વીણવું” જુઓ.
^ મૂળ, “કાન સુન્નત વગરના છે.”
^ મૂળ, “જેના દિવસો ભરાઈ ગયા છે એની.”
^ અથવા, “તૂટેલા હાડકાને.”
^ અથવા, “સૂચનનો.”
^ એટલે કે, યર્મિયા.
^ એક એવું સાધન જેનાથી ભઠ્ઠીમાં પવન ફૂંકવામાં આવે છે, જેથી ભઠ્ઠીની આગ વધારે ભડકે.