યશાયા ૪૩:૧-૨૮
૪૩ હે યાકૂબ, તારો સર્જનહાર,હે ઇઝરાયેલ, તને બનાવનાર યહોવા આમ કહે છે:+
“ગભરાઈશ નહિ, કેમ કે મેં તને છોડાવ્યો છે.+
તારું નામ લઈને મેં તને બોલાવ્યો છે.
તું મારો છે.
૨ તું પાણીમાં થઈને જઈશ ત્યારે, હું તારી સાથે હોઈશ.+
તું નદીઓમાં થઈને જઈશ ત્યારે, એ તને ડુબાડશે નહિ.+
તું આગમાં થઈને ચાલીશ ત્યારે, એ તને દઝાડશે નહિ,કે પછી જ્વાળાઓથી તને ઊની આંચ પણ આવશે નહિ.
૩ હું યહોવા તારો ઈશ્વર છું.
હું ઇઝરાયેલનો પવિત્ર ઈશ્વર, તારો ઉદ્ધાર કરનાર છું.
તને છોડાવવાની કિંમત તરીકે મેં ઇજિપ્ત આપ્યું છે,તારા બદલામાં ઇથિયોપિયા અને સેબા આપ્યા છે.
૪ તું મારી નજરમાં અનમોલ છે અને માનને યોગ્ય છે.+
મેં તારા પર પ્રેમ રાખ્યો છે.+
એટલે તારા બદલે હું લોકો આપી દઈશ,તારા જીવનના બદલામાં પ્રજાઓ આપી દઈશ.
૫ ગભરાઈશ નહિ, કેમ કે હું તારી સાથે છું.+
હું તારા વંશજોને પૂર્વથી લઈ આવીશઅને તમને પશ્ચિમથી ભેગા કરીશ.+
૬ હું ઉત્તરને કહીશ, ‘તેઓને છોડી દે!’+
હું દક્ષિણને કહીશ, ‘તેઓને રોકીશ નહિ.
મારા દીકરાઓને દૂર દૂરથી અને મારી દીકરીઓને ધરતીના છેડેથી લઈ આવ.+
૭ મારા નામે ઓળખાતા દરેકને લઈ આવ.+
તેઓને મેં મારા ગૌરવ માટે ઉત્પન્ન કર્યા છે,મેં તેઓને ઘડ્યા છે, તેઓની રચના કરી છે.’+
૮ જેઓ આંખો હોવા છતાં આંધળા છે,જેઓ કાન હોવા છતાં બહેરા છે, તેઓને લઈ આવ.+
૯ બધી પ્રજાઓ એક જગ્યાએ ભેગી થાય,બધા લોકો એક જગ્યાએ ભેગા થાય.+
તેઓના દેવોમાંથી કોણ આ કહી શકે?
અથવા શું તેઓ કહી શકે કે ભાવિમાં કયા બનાવો પહેલા બનશે?+
તેઓ પોતાને સાચા સાબિત કરવા સાક્ષીઓ રજૂ કરે,જેથી સાક્ષીઓ તેઓને સાંભળે અને કહે, ‘એ સત્ય છે!’”+
૧૦ યહોવા કહે છે: “તમે મારા સાક્ષી છો.+
હા, તમે મારા સેવક છો, જેઓને મેં પસંદ કર્યા છે,+જેથી તમે મને ઓળખો, મારામાં ભરોસો મૂકો*અને સમજો કે હું એ જ ઈશ્વર છું.+
મારા પહેલાં કોઈ ઈશ્વર થયો નથીઅને મારા પછી કોઈ થવાનો નથી.+
૧૧ હું, હા, હું યહોવા છું.+ મારા વગર બીજો કોઈ બચાવનાર નથી.”+
૧૨ યહોવા કહે છે: “મેં જાહેર કર્યું, મેં બચાવ કર્યો અને મેં જાણ કરી ત્યારે,તમારી વચ્ચે બીજો કોઈ દેવ ન હતો.+
તમે મારા સાક્ષી છો અને હું જ સાચો ઈશ્વર છું.+
૧૩ હું હંમેશાં એ જ ઈશ્વર છું.+
મારા હાથમાંથી કોઈ કશું પણ છીનવી શકતું નથી.+
હું કંઈ કરું ત્યારે, એને કોણ રોકી શકે?”+
૧૪ તમને છોડાવનાર,+ ઇઝરાયેલના પવિત્ર ઈશ્વર+ યહોવા કહે છે:
“હું તમારા માટે બાબેલોનમાં સૈન્ય મોકલીશ અને એના દરવાજાની બધી ભૂંગળો તોડી પાડીશ.+
આફતને લીધે ખાલદીઓ પોતાનાં વહાણોમાં પોક મૂકીને રડશે.+
૧૫ હું યહોવા છું, તમારો પવિત્ર ઈશ્વર,+ ઇઝરાયેલનો ઘડનાર+ અને તમારો રાજા.”+
૧૬ દરિયામાં રસ્તો બનાવનાર,અરે, ઊછળતા પાણીમાંથી માર્ગ કાઢનાર,+યહોવા આમ કહે છે.
૧૭ યુદ્ધના રથોને અને ઘોડાઓને,+સૈન્યને અને શૂરવીરોને બહાર લાવનાર કહે છે:
“તેઓ ભોંયભેગા થઈ જશે અને પાછા ઊઠશે નહિ.+
જેમ સળગતી દિવેટ હોલવી નંખાય, તેમ તેઓનો નાશ કરવામાં આવશે.”
૧૮ “પહેલાંની વાતો યાદ ન કરોઅને જૂની વાતો વાગોળ્યા ન કરો.
૧૯ જુઓ, હું કંઈક નવું કરું છું.+
અરે, હમણાંથી એ થઈ રહ્યું છે.
શું તમે એ પારખી શકતા નથી?
હું વેરાન પ્રદેશમાંથી માર્ગ કાઢીશ+અને રણમાંથી નદીઓ વહાવીશ.+
૨૦ જંગલી જાનવરો મને માન આપશે,શિયાળ અને શાહમૃગ મને માન આપશે.
હું વેરાન પ્રદેશમાં પાણી આપીશઅને રણમાં નદીઓ વહાવીશ,+જેથી મારા લોકોને, મારા પસંદ કરેલા લોકોને+ પાણી મળે.
૨૧ એ લોકોને મેં મારા માટે ઘડ્યા છે,જેથી તેઓ મારો જયજયકાર કરે.+
૨૨ પણ હે યાકૂબ, તેં મને પોકાર કર્યો નથી,+હે ઇઝરાયેલ, તું મારાથી કંટાળી ગયો છે.+
૨૩ મને અગ્નિ-અર્પણો ચઢાવવા તું ઘેટાં લાવ્યો નથી,અથવા બલિદાનો ચઢાવીને તેં મને મહિમા આપ્યો નથી.
મારા માટે ભેટ લાવવાની મેં તને ફરજ પાડી નથી,અથવા મેં લોબાન* માંગીને તને થકવી નાખ્યો નથી.+
૨૪ તેં તારા પૈસાથી મારા માટે સુગંધી બરુ લીધું નથી,તારાં બલિદાનોની ચરબીથી તેં મને સંતોષ આપ્યો નથી.+
એના બદલે તેં તારાં પાપનો બોજો મારા પર નાખ્યો છેઅને તારા અપરાધોથી મને થકવી નાખ્યો છે.+
૨૫ હું, હા, હું મારા નામ માટે+ તારા ગુનાઓ* ભૂંસી નાખું છું.+
તારાં પાપ હું યાદ રાખીશ નહિ.+
૨૬ આવો, આપણે એકબીજા સામે મુકદ્દમો રજૂ કરીએ.
મને યાદ કરાવો, તમે ખરા છો એની સાબિતી હોય તો જણાવો.
૨૭ તમારા પ્રથમ પૂર્વજે પાપ કર્યું,તમારા માટે બોલનારા માણસોએ* મારી વિરુદ્ધ બળવો પોકાર્યો.+
૨૮ હું પવિત્ર જગ્યાના આગેવાનોને અશુદ્ધ કરીશ.
હું યાકૂબને વિનાશના માર્ગે મોકલી દઈશઅને ઇઝરાયેલનું અપમાન થવા દઈશ.+
