યહોશુઆ ૧૩:૧-૩૩
૧૩ હવે યહોશુઆ વૃદ્ધ અને મોટી ઉંમરનો થયો હતો.+ યહોવાએ તેને કહ્યું: “તું ઘણો વૃદ્ધ અને મોટી ઉંમરનો થયો છે. પણ હજુ ઘણો વિસ્તાર જીતવાનો* બાકી છે.
૨ બાકી રહેલો વિસ્તાર આ પ્રમાણે છે:+ પલિસ્તીઓનો આખો વિસ્તાર અને ગશૂરીઓનો આખો વિસ્તાર+
૩ (જે ઇજિપ્તની પૂર્વે* આવેલી નાઈલના ફાંટાથી* લઈને ઉત્તર તરફ એક્રોનની હદ સુધીનો હતો. એ કનાનીઓનો વિસ્તાર ગણાતો હતો).+ એમાં ગાઝીઓ, આશ્દોદીઓ,+ આશ્કલોનીઓ,+ ગિત્તીઓ+ અને એક્રોનીઓનો+ વિસ્તાર પણ આવે છે, જેના પર પલિસ્તીઓના+ પાંચ શાસકો રાજ કરે છે; આવ્વીમનો+ વિસ્તાર
૪ જે દક્ષિણે આવેલો છે; કનાનીઓનો આખો વિસ્તાર; સિદોનીઓના+ મઆરાહથી લઈને અમોરીઓની સરહદે આવેલા અફેક સુધી;
૫ ગબાલીઓનો+ દેશ અને પૂર્વ તરફ આખું લબાનોન; હેર્મોન પર્વતની તળેટીએ આવેલા બઆલ-ગાદથી લીબો-હમાથ*+ સુધી;
૬ લબાનોનથી+ મિસ્રેફોથ-માઈમના+ આખા પહાડી વિસ્તારના બધા લોકો અને બધા સિદોનીઓ.+ હું ઇઝરાયેલીઓ આગળથી તેઓને હાંકી કાઢીશ.+ મેં તને આજ્ઞા આપી છે એ પ્રમાણે તું એ વિસ્તાર વારસા તરીકે ઇઝરાયેલને વહેંચી આપજે.+
૭ તું આ વિસ્તાર નવ કુળોને અને મનાશ્શાના અડધા કુળને વારસા તરીકે જરૂર વહેંચી આપજે.”+
૮ મનાશ્શાના બાકીના અડધા કુળ સાથે રૂબેનીઓએ અને ગાદીઓએ યર્દનની પૂર્વ તરફ મૂસાએ આપેલો વારસો લીધો. યહોવાના સેવક મૂસાએ તેઓને આપેલો વારસો આ છે:+
૯ આર્નોનની ખીણને+ કિનારે આવેલા અરોએરથી+ લઈને ખીણની વચ્ચે આવેલું શહેર અને છેક દીબોન સુધી ફેલાયેલો મેદબાનો આખો સપાટ વિસ્તાર;
૧૦ અમોરીઓનો રાજા સીહોન જે હેશ્બોનથી રાજ કરતો હતો, તેનાં સર્વ શહેરોથી લઈને આમ્મોનીઓની સરહદ સુધી;+
૧૧ ગિલયાદ અને ગશૂરીઓ તથા માઅખાથીઓનો વિસ્તાર;+ આખો હેર્મોન પર્વત અને સાલખાહ+ સુધીના બાશાનનો આખો વિસ્તાર;+
૧૨ આશ્તારોથ અને એડ્રેઈમાં રાજ કરતા બાશાનના રાજા ઓગનું આખું રાજ્ય. (તે રફાઈઓમાંથી બાકી રહેલાઓમાંનો એક હતો.)+ મૂસાએ તેઓને હરાવીને હાંકી કાઢ્યા હતા.+
૧૩ પણ ઇઝરાયેલીઓએ ગશૂરીઓ અને માઅખાથીઓને હાંકી કાઢ્યા નહિ.+ ગશૂરના અને માઅખાથના લોકો આજ સુધી ઇઝરાયેલમાં વસે છે.
૧૪ મૂસાએ ફક્ત લેવીઓના કુળને કોઈ વારસો આપ્યો ન હતો.+ ઈશ્વરે તેઓને વચન આપ્યું હતું તેમ,+ ઇઝરાયેલના ઈશ્વર યહોવાને ચઢાવવામાં આવતાં અગ્નિ-અર્પણો તેઓનો વારસો છે.+
૧૫ મૂસાએ રૂબેનીઓના કુળના દરેક કુટુંબને વારસો આપ્યો હતો.
૧૬ તેઓનો વિસ્તાર આર્નોનની ખીણને કિનારે આવેલું અરોએર અને ખીણની વચ્ચે આવેલું શહેર અને મેદબાનો આખો સપાટ વિસ્તાર;
૧૭ હેશ્બોન અને સપાટ વિસ્તાર પર આવેલાં બધાં નગરો,+ દીબોન, બામોથ-બઆલ, બેથ-બઆલ-મેઓન,+
૧૮ યાહાસ,+ કદેમોથ,+ મેફાઆથ,+
૧૯ કિર્યાથાઈમ, સિબ્માહ+ અને નીચાણ પ્રદેશના પહાડ પર આવેલું સેરેથ-શાહાર,
૨૦ બેથ-પેઓર, પિસ્ગાહના ઢોળાવો,+ બેથ-યશીમોથ,+
૨૧ સપાટ વિસ્તારનાં બધાં શહેરો અને હેશ્બોનમાં રાજ કરતા અમોરીઓના રાજા સીહોનનું આખું રાજ્ય.+ મૂસાએ તેને અને મિદ્યાની મુખીઓ અવી, રેકેમ, સૂર, હૂર અને રેબાને હરાવ્યા હતા.+ તેઓ સીહોનને આધીન રહીને રાજ કરતા હતા અને એ વિસ્તારમાં રહેતા હતા.
૨૨ ઇઝરાયેલીઓએ જેઓને તલવારથી મારી નાખ્યા હતા, તેઓમાં બયોરનો દીકરો બલામ+ પણ હતો, જે શુકન જોનાર હતો.+
૨૩ રૂબેનીઓની હદ યર્દન નદી સુધી હતી; રૂબેનીઓને તેઓનાં કુટુંબો પ્રમાણે એ વિસ્તાર, એનાં શહેરો અને ગામડાઓ વારસામાં મળ્યાં હતાં.
૨૪ મૂસાએ ગાદના કુળને, એટલે ગાદીઓને તેઓનાં કુટુંબો પ્રમાણે વારસો આપ્યો હતો.
૨૫ તેઓના વિસ્તારમાં આનો સમાવેશ થયો: યાઝેર+ અને ગિલયાદનાં બધાં શહેરો તથા રાબ્બાહની+ સામે આવેલા અરોએર સુધીનો આમ્મોનીઓનો અડધો દેશ;+
૨૬ હેશ્બોનથી+ રામાથ-મિસ્પેહ અને બટોનીમ સુધી તથા માહનાઈમથી+ દબીરની સરહદ સુધી;
૨૭ નીચાણ પ્રદેશમાં બેથ-હારામ, બેથ-નિમ્રાહ,+ સુક્કોથ+ અને સાફોન, હેશ્બોનના+ રાજા સીહોનનું બાકીનું રાજ્ય, જેની હદ યર્દનની પૂર્વ બાજુએ છેક કિન્નેરેથ સમુદ્રના*+ નીચલા ભાગ સુધી હતી.
૨૮ ગાદીઓને તેઓનાં કુટુંબો પ્રમાણે એ વિસ્તાર, એનાં શહેરો અને ગામડાઓ વારસામાં મળ્યાં હતાં.
૨૯ મૂસાએ મનાશ્શાના અડધા કુળને તેઓનાં કુટુંબો પ્રમાણે વારસો આપ્યો હતો.+
૩૦ તેઓનો વિસ્તાર માહનાઈમથી+ લઈને આખા બાશાન સુધી હતો. એટલે કે, બાશાનના રાજા ઓગનું આખું રાજ્ય અને બાશાનમાં આવેલાં યાઈરનાં+ સર્વ ગામો,* કુલ ૬૦ નગરો.
૩૧ મનાશ્શાના દીકરા માખીરના દીકરાઓ, એટલે કે માખીરના+ અડધા કુટુંબને તેઓનાં કુટુંબો પ્રમાણે અડધું ગિલયાદ, આશ્તારોથ, એડ્રેઈ+ અને બાશાનના રાજા ઓગના રાજ્યનાં શહેરો આપવામાં આવ્યાં હતાં.
૩૨ ઇઝરાયેલીઓ મોઆબના ઉજ્જડ પ્રદેશમાં હતા ત્યારે, મૂસાએ તેઓને યરીખોની પૂર્વ તરફના અને યર્દન પારના વિસ્તારો વારસા તરીકે આપ્યા હતા.+
૩૩ પણ મૂસાએ લેવીઓના કુળને કોઈ વારસો આપ્યો ન હતો,+ કેમ કે ઈશ્વરે તેઓને વચન આપ્યું હતું તેમ, ઇઝરાયેલના ઈશ્વર યહોવા તેઓનો વારસો છે.+
ફૂટનોટ
^ અથવા, “વતન તરીકે લેવાનો.”
^ અથવા, “શિહોરથી.”
^ મૂળ, “સામે.”
^ અથવા, “હમાથના પ્રવેશદ્વાર.”
^ એટલે કે, ગન્નેસરેત સરોવર અથવા ગાલીલ સરોવર.
^ હિબ્રૂમાં વપરાયેલો શબ્દ એવાં ગામોને બતાવે છે, જેમાં લોકો તંબુમાં રહેતા હોય.